Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌRooma 13:12 - ꞌBuuk cĩ Thõõth cĩ Nyekuci

12 Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita.

အခန်းကိုကြည့်ပါ။ ကော်ပီ




ꞌRooma 13:12
30 ပူးပေါင်းရင်းမြစ်များ  

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.


Baa adĩmanoothĩk thooꞌthioha cieeg ĩhõõggõ, hĩĩtõ terethiinit nẽ baa eheeddi loota hĩĩtõ tilooinit ꞌcĩ ilootteet ngagĩĩt eet ꞌcĩg hõbõktõõ hĩ decciaanĩt cĩ lootu ho.


Nẽ thõõth ꞌcĩ haini naa ho ꞌgotoonoga hĩ ngoonoga, huturig waathinniooha ꞌcĩg nga haattiyyi naag loota nĩnga ho gẽrrẽẽt. Nẽẽthĩ, iꞌthianaanĩ ꞌyioko, aꞌnyĩĩk eet ꞌcĩg aꞌnyak ngaaĩ haauto hĩcĩ hõllõngaa aꞌnyahĩ;


hode hõllõngaa hadticanna naag jore dĩlaꞌnyaannĩĩ cĩg looc nicci. Nẽẽthĩ, hadticaniinna ꞌtirrian cĩ Nyekuci ꞌcĩ hĩllõõanĩ mĩrõk cĩgĩnnĩg. Hĩꞌthaanna naag muhẽẽnĩt ꞌcĩ abũrrĩ eeta Nyekuc.


Hadiim hẽtẽrꞌtha naag haĩ, hĩĩgĩn appahacaaꞌnya cĩg Nyekuci, ngaatĩ hõthõõthĩ thõõth ꞌcĩ ĩĩn dĩdĩ nẽ ikia idticanõõ ꞌtirriani cĩ Nyekuci hĩ ngagĩĩta. Nẽ ꞌgõõlaa ꞌcĩ hoꞌngonyoonna hĩ dtiic cĩnaang, hiita hidticatta thõõth ꞌcĩ aũlan athĩnĩĩ ꞌrammaattĩg.


Udhukteek authet baalluung ꞌthẽccaneetu baa ꞌrẽẽnĩ tuu, ꞌcĩ ẽꞌthẽcan thooꞌthioha ꞌcĩg ĩĩn ꞌriiring hĩ õlõng.


Ũtũbũrĩt thooꞌthiok cĩg muguurak ꞌcĩg aꞌnyaha thooꞌthiok ꞌcĩg hõllõngaa abũnnaa, etereꞌthieek eet vẽlẽk hagaacõ bathi cĩnĩĩng.


Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,


Hommottio hõdõõkõthĩ ngaatĩ laiitto nẽ occa hõllõngaa hadiim hĩthahĩth eet gõõng abũrĩ ngaatĩ adĩmanĩ noho, nẽẽthĩ, adiim hakũtan eleeti hõdõõkõthĩ, hátĩ gõõng homottio hĩ ꞌyioko ho, hĩcĩ acinnu niig buúk, õbõhĩ kõrra ꞌcĩ õbõdaanĩ Makayyioohiti ho.


Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.


Nẽẽthĩ hoti ho, ũtũngĩt thooꞌthiok vẽlẽk ꞌcĩg ĩĩn ꞌriiring hĩ bathi ꞌcĩ ũdaan looc ko, ma hathĩngõõnyannu, elemit nyeemuut baa allimanoothikuung ngagiit ꞌcĩ hatĩ ẽẽlannuung ngagiita.


Adiim ereeinnu niig buúk. Aanytĩk ꞌthinneeti hokomit, hĩnĩngĩtĩ õbõhĩ ikia Makayyioohiti.


Nẽẽthĩ hoti ho, ma nga haaburreeku eet ũgĩ nẽ ma haggiiꞌthu eeta, nẽẽthĩ, iꞌthiattaaĩ udukta thõõth ꞌcĩ ĩĩn dĩdĩ. Ma hanyigaranoonnu hode ma hothooꞌthu ꞌgoonogu ꞌbuth.


Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.


Má atũũthĩ hatĩ hẽlẽggĩ vẽlẽk hoti, adiim occa iiginnu niig eet ꞌcĩg aattiyyu hutuno? Adiim aꞌnyaku niig authet ꞌcĩ ẽllẽẽmĩthĩ ꞌcĩ athiknu Nyekuc,


Hõllõngaa iidoceek Makayyioohiti ngaatĩ adĩmanĩ thõõth baa aduha nẽẽnĩ, hĩcĩ ammuk eeta ũgẽẽgĩ. Maka ꞌthĩnĩt cĩ Makayyiookto hĩ ngagiita, ngaatĩ hõllõngaa adiimi eet umwa hadaak, adiim nẽẽ eet vẽlẽk hũtũngteek ꞌthẽccanẽẽt cĩggĩĩng.


Niig lohollia cĩgannẽẽgĩ, korriook ꞌcĩg adtuurna cieegi. Baa ĩthĩktu niig aĩ uppwaanna hatĩ mirohiti cĩ Krĩstõ korrioohĩĩ cĩg, tananga ꞌyioko, uppwaatta mĩrõha cĩg Krĩstõ ꞌcĩg mẽẽlĩg ẽlẽk. Nẽ ꞌgõõl ꞌcĩ hagaĩ ngaatĩ ĩĩ korriook ꞌcĩg adtuurna ho cieegi.


Aggatan hatĩ Nyekuci eet vẽlẽk ꞌcĩg agiilik ꞌgõõnõgĩ thõõth ꞌcĩ aduha Nyekuci ꞌbuuhaa cĩ ho nẽ aggatan hatĩ Nyekuci eet ꞌcĩg athĩhĩ nẽ elemit thõõth ꞌcĩ adukiaa ꞌbuuhaa cĩ. Õbõhĩ kõrra ꞌcĩ hatĩ au edeeꞌnyianĩ thooꞌthioha cieeg vẽlẽk.


Nẽ uduhaaha tarĩ ĩnnĩhaa, “Ma hammiꞌthẽẽnĩ thooꞌthiok ꞌcĩg aduha ꞌbuuhi cieeni, hĩnĩngĩtĩ edeeꞌnyia hatĩ hẽlẽggĩ cieeg vẽlẽk hĩdĩĩkoothong.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ