ꞌRooma 13:1 - ꞌBuuk cĩ Thõõth cĩ Nyekuci

¹ Aꞌnyĩĩk eet vẽlẽk hõdẽĩ hõdẽĩ hitingolli makayyiook ꞌcĩg aggam ĩhõõggõ, hĩnĩngĩtĩ aitiõõ makaaꞌthĩt umwaa tõõ, makaaꞌthĩt baa aarĩk Nyekuci diooni. Nẽ makaaꞌthĩt ꞌcĩ aaĩ loota nĩnga ho, makaaꞌthĩt baa aarĩk Nyekuci diooni.

ꞌRooma 13:1 ပူးပေါင်းရင်းမြစ်များ

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

Yõaannẽ 19:11

Ẽdẽcĩ Yeesu Pĩlaatõ anneek, “Má nga haaꞌnyi Nyekuci ꞌtirrian, aitiõõ ꞌgii ꞌcĩ occa adĩmaneekaa nii nganĩĩt tõõ. Nẽẽthĩ, ẽꞌthẽcan ẽẽtĩ ꞌcĩ aꞌnyahaanna nganĩĩt hĩ nganiit ko gẽrrẽẽt ũdũt.”

Dtiicanĩ cĩg ꞌThooyyiahu 2:41

Baa ĩĩn eeta ꞌcĩg elemit nyeemuut icci nẽ aggamit baattithimo aalibꞌnya iyyio nẽ ittoorriothoothĩk hĩ ꞌgõõnõgĩ cĩg kõr niccia.

ꞌRooma 12:21

Ma haaꞌnyihi bathi hĩllõõanii nganiita, ꞌlõõan bathi ꞌgõõlaa ꞌcĩ adĩmanĩĩ thõõth ꞌcĩ abũnnaa.

ꞌRooma 13:2

Nẽẽthĩ hoti ho, eeta ꞌcĩg abũrĩ makayyiook, abũrĩ nẽẽg makaaꞌthĩt baa aarĩk Nyekuci. Nẽ eeta ꞌcĩg adĩman noho, aĩnanaak hatĩ nẽẽg eleeti cĩggĩĩng ukẽẽnĩt.

Eevvetho 5:21

Ĩthĩhĩt ꞌgoonogu ꞌcĩg ĩĩn lemmiook tẽẽlꞌthĩtaa cĩ Krĩstõ.

1 Timotteeo 2:2

Laõõĩ habuẽẽt ꞌcĩg obbitig hĩ ꞌgaala vẽlẽk, hátĩ haaut naag vẽlẽk lõꞌngõõc, ꞌgõõlaa ꞌcĩ hiꞌngoliini Nyekuc nẽ huꞌthuutti thõõth cĩnnĩ.

Tiito 3:1

Duhaak eet cugunnig hĩthĩhĩt thõõth ꞌcĩ aduha makayyiooha cĩg ꞌgaala, hiittiõõ hõllõngaa õjõthẽẽkĩ thõõth cĩnĩĩng. Aꞌnyĩĩk hũkũmattoothĩk nẽẽg hatĩ hĩdĩmanit thõõth ꞌcĩ abũnnaa hõdõõkõthĩ,

ꞌJuud 1:8

Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 19:16

Nẽ baa eheeddi cẽrẽm cĩnnĩ athaana thõõth ꞌcĩ aĩ, “Habu cĩ habuẽẽt vẽlẽk nẽ Makayyioohit cĩ makayyiook vẽlẽk.”