ꞌRooma 12:9 - ꞌBuuk cĩ Thõõth cĩ Nyekuci

⁹ Aꞌnyĩĩk mĩnnan ꞌcĩ ammĩnannu niig ꞌgoonogu hĩĩ dĩdĩ. Ũtũbũrĩt thooꞌthiok vẽlẽk ꞌcĩg abathĩ nẽ uꞌthuuttu ꞌgii vẽlẽk ꞌcĩ abũnnaa.

ꞌRooma 12:9 ပူးပေါင်းရင်းမြစ်များ

Maatteeo 26:49

Nĩngĩtĩ aku athũkcõõthĩkĩ ꞌJuuda Yeesu cũrũmũũm nẽ ũũk ĩĩnnĩk, “Hiꞌthaayyiina ꞌlimmannioohit!” Nĩngĩtĩ ĩꞌthaaĩ ĩnõõnnõ.

Yõaannẽ 12:6

Baa õthõõth ꞌJuuda hoti, hõllõngaa hĩnĩngĩtĩ ammĩnan nẽẽ eet ꞌcĩg appĩĩrna thõng, baa ĩĩn nẽẽ igorriaahit nẽ ĩĩn eet ꞌcĩ itiangĩth ꞌrabbẽẽta, gõõng attiha nẽẽ ꞌrabbẽẽt ꞌcĩg itiangꞌthĩ, adticanĩ thooꞌthiok ꞌcĩg adiim nẽẽnĩ.

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

2 Korinthia 6:6

Hadiim hẽtẽrꞌtha naag haĩ hĩĩgĩn appahacaaꞌnya cĩg Nyekuci, ngaatĩ hĩĩgĩnnĩ tẽllĩg nẽ hagaacõ thõõth cĩ Nyekuci dĩdĩ, hĩ ngaatĩ hẽmmẽẽꞌthĩ ꞌcannan nẽ hĩĩtõ tarbalĩg. Aau Lorii ꞌcĩ Ẽllẽẽmĩth hĩ ngagĩĩta nẽ baa ĩĩn mĩnnanĩ cĩnaang thõõth dĩdĩ.

2 Korinthia 8:8

Hõllõngaa hattĩnganeekuung naa ngagiit ngaatĩ haĩ idticanit hoti, hadiimi hattĩmannuung naa ngagiit thõng, hatĩ ꞌthẽk ĩĩn mĩnnanĩ cunuung dĩdĩ, ngaatĩ ĩthakꞌtheeku mĩnnan cunuung hĩ bũraneehinit ꞌcĩ ẽtẽrꞌtha eeta ũgẽẽgĩ.

1 Tẽꞌthaloonika 2:3

Hõllõngaa haaunna naag hallimannuung ngagiit, hátĩ hõmmõdattuung hode hallabtuung thõng.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

1 Tẽꞌthaloonika 5:21

ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

Ebereei 1:9

Baa ammĩnani nii thõõth ꞌcĩ abũnnaa nẽ aaburreehu thooꞌthiok ꞌcĩg abathĩ, nẽẽthĩ, hẽbẽraaii naa Nyekuci cunni nganiit ꞌlõõan ꞌgoonogu vẽlẽk, nẽ hiniibii ngõõrraa cĩ taliitto.”

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 4:8

Hĩllõõan vẽlẽk, ĩmmĩnattõ gẽrrẽẽt, hĩnĩngĩtĩ ũũny mĩnnanĩ ꞌthẽccanẽẽt ꞌcĩg mẽẽlĩg ꞌrĩng.