ꞌRooma 12:8 - ꞌBuuk cĩ Thõõth cĩ Nyekuci

⁸ Má haga ngaatĩ halũllũũmanẽẽkĩ ꞌgoonogeet thõõth ꞌcĩ abũnnaa, hũlũllũũmatteek ĩhõõggõ thooꞌthiok tĩko. Má haga ngaatĩ hõhõaakĩ ꞌgoonogeet hẽlẽggĩ ũgĩ, hohoyyiaak ꞌgõõlaa ꞌcĩ abũnnaa. Má hĩĩgĩn naag makayyiook, hũtũhaac eet ꞌgõõlaa ꞌcĩ abũnnaa. Má ĩĩn thõõth ꞌcĩ hammaannĩkĩ eeta, hatamaattik taliitta.

ꞌRooma 12:8 ပူးပေါင်းရင်းမြစ်များ

ꞌThianaattõ 18:19

Baa hẽbẽra naa ĩnõõnnõ, hátĩ heteretheek lõhõlĩ cĩgĩnnĩg hĩ lõhõlĩ cĩg lõhõlĩ cĩgĩnnĩg, hĩthĩhĩt hatĩ gõõng nẽ uꞌthuutti thõõth cĩ Makayyiookto, ngaatĩ adĩmanĩ thooꞌthiok ꞌcĩg aũlanĩ ꞌcĩg ĩĩn dĩdĩ, hátĩ haꞌnyahaak Makayyioohiti Abũrahaamõ thooꞌthiok baag aduhaak nẽẽ ĩnõõnnõ.”

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

Dtiicanĩ cĩg ꞌThooyyiahu 13:12

Ma baa acĩn ꞌgaalacĩ cobbi thõõth icci ho, ikia ukuleek ꞌjieen, hĩnĩngĩtĩ ꞌlimman cĩ Makayyiookto. Nĩngĩtĩ mĩĩ aꞌnyahĩ nẽẽ lemiinit hĩ Makayyioohit.

Dtiicanĩ cĩg ꞌThooyyiahu 13:15

Ma urutaa cĩ tigiilẽnĩt ꞌcĩ aku nyattaala cĩ Mũũꞌtha hĩ ĩĩcĩ põrõvẽtaaꞌnyanu, ĩꞌthooyyia makayyiooha cĩg ꞌCieeth cĩ Laiitto eet umwa hikia huduhaak Paaulo hĩ Baarnaba hĩĩnnĩk, “ꞌGotoonoga, má aꞌnyaku nyeemuut umwa ꞌcĩ ẽẽl eeta, iita nuun udukta.”

Dtiicanĩ cĩg ꞌThooyyiahu 15:32

Baa ĩĩn ꞌJuuda hĩ ꞌThĩĩla põrõvẽtaaꞌnya nẽ othoothito thooꞌthiok ꞌcĩg mẽẽlĩg ꞌcĩg ẽẽl nuyyiook cĩg Makayyiooktak hokomit ꞌthinneeti.

Dtiicanĩ cĩg ꞌThooyyiahu 20:2

Baa õyõyyõr nẽẽ looc niccia, aduhaakĩ eet thooꞌthiok ꞌcĩg akũtan ĩhõõggõ huꞌthuutti lemiinit nẽ ma uruta ikia õdõlan ꞌGirik,

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 4:36

Baa aaĩ eet umwaa ꞌcĩ haĩ Yothebo ꞌcĩ aku Ciporo. Baa ĩĩn nẽẽ eet cĩ hattũũg cĩ ꞌLeevi. Baa avvĩ ꞌthooyyiaha ĩnõõnnõ anneek Baarnaba nĩngĩtĩ aĩ, Eet ꞌcĩ akũtan ꞌgõõnõgĩ.

ꞌRooma 12:13

Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.

ꞌRooma 13:6

Ĩnõõ thõõth ꞌcĩ adũmannu niig occoro buúk ko, hĩnĩngĩtĩ ĩĩn makayyiooha dticcianniook cĩg Nyekuci, ꞌcĩg ũũha eet hõdõõkõthĩ.

1 Korinthia 12:28

Hõrggẽẽnaa cĩ lothippit cĩ lemmioohu, baa ẽbẽra Nyekuci ĩĩcĩ oou ꞌthooyyiak nẽ ꞌramma cĩnnĩ, ẽbẽra põrõvẽtaaꞌnya nẽ ĩĩcĩ ĩĩn iyyio, ẽbẽra ꞌlimmanniook nẽ ẽbẽra dticcianniook cĩg thooꞌthiok ꞌcĩg ĩnaat eeta nẽ ẽbẽra eet ꞌcĩg aꞌnyak ꞌbaaninit ꞌcĩ aaꞌnyĩkĩ eet hũbũttaathõ nẽ ẽbẽra eet ꞌcĩg ũũlũ ngaatĩ ẽẽlĩ ꞌgõõnõgĩ nẽ ẽbẽra eet ꞌcĩg aꞌnyak ꞌbaaninit ꞌcĩ aggamĩ ꞌgõõnõgĩ nẽ ẽbẽra eet ꞌcĩg õthõõth thooꞌthiohĩ cũũmõ cũũmõ.

1 Korinthia 14:3

Nẽ ẽẽtĩ ꞌcĩ aduha thooꞌthiok ꞌcĩg hatĩ au horumwa, aduhaak nẽẽ eet, hátĩ hokomit ꞌthinneeti, akũtan ĩhõõggõ nẽ amammaayan thõng.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

2 Korinthia 8:12

Má adiimmu niig aaꞌnyiku ꞌbaaninit cunuung ꞌthinneetinii cugguung dĩdĩ, elemmi hatĩ ꞌbaaniniti hẽlẽggẽẽnnĩĩ cĩg aꞌnyaku niiga, hõllõngaa hĩnĩngĩtĩ hẽlẽggĩ ꞌcĩg aitiõõ hĩ ngagiit tõõ.

2 Korinthia 9:11

Aggatannuung hatĩ ngagiit Nyekuci gẽrrẽẽt ꞌgoolliohĩĩ ꞌcĩg mẽẽlĩg nẽ hatĩ gõõng uꞌthuuttu niig buúk ꞌgõõl ꞌcĩ eellu ꞌgoonogu ꞌcĩg appĩĩrna nẽ hatĩ ĩdĩhĩthĩt eeta ꞌcĩg mẽẽlĩg Nyekuc hatĩ haꞌnyaktoothĩha naag lemmiook ꞌbaaninit cunuung.

2 Korinthia 9:13

Nẽ hĩnĩngĩtĩ ꞌbaaninit ꞌcĩ aaꞌnyiku niig lemmiook ko, adĩhĩth hatĩ nẽẽg Nyekuc. Hĩnĩngĩtĩ ꞌbaaniniti cunuung ꞌcĩ aaꞌnyĩku niig ĩhõõggõ hĩ lemmiook vẽlẽk ko, ẽtẽrꞌtha thõõth ꞌcĩ athiknu niig nyeemuut ꞌcĩ abũnnaa cĩ Krĩstõ.

2 Korinthia 9:7

Aꞌnyĩĩk eet hõdẽĩ hõdẽĩ hittikta ꞌbaaninit cĩnĩĩng ꞌgõõlaa cĩ muhẽẽnĩt cĩ ꞌthinneeti cĩggĩĩng, hõllõngaa ꞌgõõlaa ꞌcĩ aitiõõ hõllõngaa adiim nẽẽgĩ hode attĩnganõõthĩkĩ thõng, hĩnĩngĩtĩ ammĩnan Nyekuci eet ꞌcĩg attiha ꞌbaaninit taliitta.

Eevvetho 6:5

Niig appahacaaꞌnya, ĩthĩhĩt makayyiook cugguung cĩg looc nicci. Itingolli nẽ ĩthĩktu ĩhõõggõ, haau hĩcĩ occa athiknu Krĩstõ.

Kolooꞌthe 3:22

Niig appahacaaꞌnya, ĩthĩhĩt thooꞌthiok vẽlẽk ꞌcĩg aduhaakuung makayyiooha cugguung cĩg looc nicci, hõllõngaa hĩnĩngĩtĩ ebekuung nẽẽg ngagiit thõng, hode hatĩ accamanaannuung ngagiit thõng diooni, ĩthĩhĩt ĩhõõggõ ꞌthinneetini dĩdĩ hĩ tẽẽlꞌthĩtaa cĩ Makayyiookto.

1 Tẽꞌthaloonika 2:3

Hõllõngaa haaunna naag hallimannuung ngagiit, hátĩ hõmmõdattuung hode hallabtuung thõng.

1 Tẽꞌthaloonika 2:8

Baa hammĩnannuung naag ngagiit gẽrrẽẽt nẽ haccamattoothĩha ngaatĩ haattiyyia jurrung, hõllõngaa hĩnĩngĩtĩ hõthõl nyeemuut ꞌcĩ abũnnaa cĩ Nyekuci hĩ ngagiit diooni, haccamanoothĩka hĩnĩngĩtĩ hõthõl rũgẽt cĩnaang buúk.

1 Timotteeo 4:13

ꞌThũũtĩ ngaatĩ allimanẽẽkĩ nẽ itigiilihuu eet ꞌBuuk cĩ Nyekuci lothippita laiittatõõ, ĩꞌthõng huppwaannahii naana nẽ ma habili ngaatĩ irrioonĩkĩ nẽ illimanuu ĩhõõggõ.

1 Timotteeo 5:17

Occa hadũman makayyiook cĩg lothippit cĩ lemmiohu tabattĩ ꞌramma, hatĩ horoong maka dtiici cĩnĩĩng ꞌcĩ irrioonĩkĩ eet nẽ illimatteek thõõth cĩ Nyekuci ho.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Ebereei 10:25

Hommottio hõdõõkõthĩ ngaatĩ laiitto nẽ occa hõllõngaa hadiim hĩthahĩth eet gõõng abũrĩ ngaatĩ adĩmanĩ noho, nẽẽthĩ, adiim hakũtan eleeti hõdõõkõthĩ, hátĩ gõõng homottio hĩ ꞌyioko ho, hĩcĩ acinnu niig buúk, õbõhĩ kõrra ꞌcĩ õbõdaanĩ Makayyioohiti ho.

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

Ebereei 13:22

ꞌGotoonoga hĩ ngoonoga, hẽhẽẽdakuung naa ngagiit waraga ꞌcĩ huturi haaga, hátĩ hũkũtanuung ngagiita nẽ halayyuung ngagiit ĩthĩhĩt thõõth ꞌcĩ haduha naa ho jurrung.

Ebereei 13:24

Hõlõ, ĩꞌthaayyihaangu makayyiook cugguung hĩ eet cĩg Nyekuci vẽlẽk. Ĩꞌthaayyuung lemmiooha cĩg Nyekuci ꞌcĩg aattĩg Itali buúk ngagiita.

Ebereei 13:7

Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.