ꞌRooma 12:7 - ꞌBuuk cĩ Thõõth cĩ Nyekuci

⁷ Má occa hadticanoothĩk eet ũgĩ, hidticattoothĩk. Má ĩĩn ꞌlimman, occa hallimanni.

ꞌRooma 12:7 ပူးပေါင်းရင်းမြစ်များ

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Dtiicanĩ cĩg ꞌThooyyiahu 13:1

Lothippitaa cĩ lemmiook cĩg Antiohĩ, baa aattĩg põrõvẽtaaꞌnya hĩ ꞌlimmanniook. Ĩhõõggõ Baarnaba hĩ ꞌThimiõõnẽ ꞌcĩ haĩ ꞌthaar ũgĩ Niger, hĩ Luuccio cĩ looc cĩ Cireene hĩ Manaaen ꞌcĩ baa ĩĩn ꞌgõõnĩ habu Ẽrõõdẽ hĩ ꞌThaaulo.

Dtiicanĩ cĩg ꞌThooyyiahu 20:20

Baa agayyu niig buúk hõllõngaa haburi naa ngaatĩ hallimanĩĩ thõõth umwa ꞌcĩ eelluung ngagiita. Nẽẽthĩ, baa hallimanni naa eet hoyoyyori ꞌcieethini vẽlẽk.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 6:1

Ma baa waathinniook nicciag, iita ittoorri nuyyiooha hĩĩtõ mẽẽlĩg, nĩngĩtĩ au alĩlalõõnĩ eeta cĩg ꞌJudeei ꞌcĩg õthõõth ꞌGiriheeyyi hĩ cĩg õthõõth Ebereeiyyi. Baa alĩlanõõ nẽẽg, hĩnĩngĩtĩ hõllõngaa aaꞌnyĩhoothĩk ngaatĩbõyyĩꞌnya ꞌcĩg õthõõth ꞌGiriheeyyi ꞌgẽẽn kõr ꞌcĩ eꞌngeriini ꞌgẽẽn waathinnioohĩ vẽlẽk.

1 Korinthia 12:28

Hõrggẽẽnaa cĩ lothippit cĩ lemmioohu, baa ẽbẽra Nyekuci ĩĩcĩ oou ꞌthooyyiak nẽ ꞌramma cĩnnĩ, ẽbẽra põrõvẽtaaꞌnya nẽ ĩĩcĩ ĩĩn iyyio, ẽbẽra ꞌlimmanniook nẽ ẽbẽra dticcianniook cĩg thooꞌthiok ꞌcĩg ĩnaat eeta nẽ ẽbẽra eet ꞌcĩg aꞌnyak ꞌbaaninit ꞌcĩ aaꞌnyĩkĩ eet hũbũttaathõ nẽ ẽbẽra eet ꞌcĩg ũũlũ ngaatĩ ẽẽlĩ ꞌgõõnõgĩ nẽ ẽbẽra eet ꞌcĩg aꞌnyak ꞌbaaninit ꞌcĩ aggamĩ ꞌgõõnõgĩ nẽ ẽbẽra eet ꞌcĩg õthõõth thooꞌthiohĩ cũũmõ cũũmõ.

1 Korinthia 12:5

Mẽẽlĩg dtiicanĩ gẽrrẽẽt, nẽẽthĩ hinnia, odoyyii Makayyioohiti ꞌcĩ hadticanoothĩk naaga.

1 Korinthia 14:26

Hõthõõth occa ꞌyioko haĩ ne ꞌgotoonoga hĩ ngoonoga? Má alũteennu niig hõdẽĩ, aꞌnyak eeta hõdẽĩ hõdẽĩ tẽgẽl hode thõõth cĩ ꞌlimmaanõ, hode thõõth cĩ terethiitto, hode ũtũg ꞌcĩ ꞌrĩĩng hode thõõth ꞌcĩ occa õkõbanni. Adiim occa adticanni thooꞌthioha cieeg vẽlẽk, hátĩ haanytĩk lothippit cĩ lemmioohu hittiran.

ꞌGalaaꞌthia 6:6

Abũnnaa eeta ꞌcĩg allimanoothĩk thõõth cĩ Nyekuci ngaatĩ õthõlĩ hẽlẽggĩ vẽlẽk ꞌcĩg abũnnaa, hĩ eet ꞌcĩg alliman ĩhõõggõ ho.

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Kolooꞌthe 4:17

Uduktaak Arkippo ĩĩttĩk, “Dẽcaak dtiic baa aaꞌnyĩhoothikii nganiit ꞌthaarĩĩ cĩg Makayyiookto.”

1 Timotteeo 2:7

Nẽ baa ẽbẽraanna Nyekuci nganĩĩt hĩĩ eet ꞌcĩ hirriooni nyeemuut ꞌcĩ abũnnaa nẽ hĩĩna ꞌthooyyiahit ꞌcĩ hallimaneehi eet ꞌcĩg hõllõngaa ĩĩn ꞌJudeei, nyeemuut cĩ lemiitto hĩ cĩ thõõth ꞌcĩ ĩĩn dĩdĩ. Hõllõngaa hittoorihi naa thõõth umwa, haduha thõõth ꞌcĩ ĩĩn dĩdĩ.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

1 Timotteeo 5:17

Occa hadũman makayyiook cĩg lothippit cĩ lemmiohu tabattĩ ꞌramma, hatĩ horoong maka dtiici cĩnĩĩng ꞌcĩ irrioonĩkĩ eet nẽ illimatteek thõõth cĩ Nyekuci ho.

2 Timotteeo 2:2

Hĩ hẽlẽggĩ baag athihi nii haduha naa hẽbẽrẽẽnnĩĩ cĩg eet ꞌcĩg mẽẽlĩg, hátĩ bĩĩt ꞌlimmaneek nii buúk eet ꞌcĩg occa ũũlũ ngaatĩ allimanĩ ꞌgõõnõgĩ.

2 Timotteeo 2:24

Ẽẽtĩ ꞌcĩ adticanoothĩk Nyekuc, hõllõngaa occa ĩĩn nyeppekiaahit. Abũnnaa ĩĩn eet ꞌcĩ tarbalĩ hĩ eet vẽlẽk nẽ ĩĩ ꞌlimmannioohit ꞌcĩ abũnnaa, ꞌcĩ aꞌnyak ꞌthĩnĩt ꞌcĩ maka.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.