ꞌRooma 12:6 - ꞌBuuk cĩ Thõõth cĩ Nyekuci

⁶ Bũnnaiittaa cĩnnĩ, aaꞌnyeet ngagĩĩt Nyekuci hõdẽĩ hõdẽĩ ꞌbaaninit hidticattõõĩ jurrung. Má occa haduha thõõth ꞌcĩ hatĩ aku horumwa, occa hatĩ hadĩman hĩcĩ aduha lemiiniti ꞌcĩ haꞌnyak naaga.

ꞌRooma 12:6 ပူးပေါင်းရင်းမြစ်များ

Maatteeo 23:34

Hĩꞌthõõwakuung naa põrõvẽtaaꞌnya hĩ eet ꞌcĩg ẽggẽẽnyĩth hĩ eet ꞌcĩg alliman nyattal cĩ Nyekuci. Aruku hatĩ ũgĩ, nẽ otoddoyyieehu ũgĩ hurucciẽẽtĩ nẽ uuktu ũgĩ ꞌCieethinii cugguung ĩcĩg Laiittak nẽ itiggiayyu ĩhõõggõ ꞌtaaũnnioohĩ.

Maatteeo 25:22

“Ma nĩngaata, ikia dticciannioohiti baa aaꞌnyĩk makayyioohiti ꞌtalẽnꞌnya ꞌramma nẽ ĩĩnnĩk makayyioohit cĩnnĩ, ‘Makayyioohit, baa aaꞌnyaa nii nganĩĩt ꞌtalẽnꞌnya ꞌramma nẽ ꞌyioko, hĩttoorĩha ũgĩ ꞌramma tarĩ.’

ꞌLuuka 11:49

Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

Dtiicanĩ cĩg ꞌThooyyiahu 13:1

Lothippitaa cĩ lemmiook cĩg Antiohĩ, baa aattĩg põrõvẽtaaꞌnya hĩ ꞌlimmanniook. Ĩhõõggõ Baarnaba hĩ ꞌThimiõõnẽ ꞌcĩ haĩ ꞌthaar ũgĩ Niger, hĩ Luuccio cĩ looc cĩ Cireene hĩ Manaaen ꞌcĩ baa ĩĩn ꞌgõõnĩ habu Ẽrõõdẽ hĩ ꞌThaaulo.

Dtiicanĩ cĩg ꞌThooyyiahu 15:32

Baa ĩĩn ꞌJuuda hĩ ꞌThĩĩla põrõvẽtaaꞌnya nẽ othoothito thooꞌthiok ꞌcĩg mẽẽlĩg ꞌcĩg ẽẽl nuyyiook cĩg Makayyiooktak hokomit ꞌthinneeti.

Dtiicanĩ cĩg ꞌThooyyiahu 2:17

“ ‘Kõr ꞌcĩ decciaanĩt cĩ lootu aĩ Nyekuci, haaꞌnyihi hatĩ naa Lori caannĩ eet vẽlẽk. Irrioon hatĩ lohollia cugguung vẽlẽk thõõth caannĩ. Nẽ acĩn hatĩ nyahaappanĩta cugguung hẽlẽggĩ ꞌcĩg occa hõllõngaa agayyu niiga nẽ aꞌnyak hatĩ eeta cugguung ꞌcĩg atahaanyito honooꞌthiak ꞌcĩg mẽẽlĩg.

Dtiicanĩ cĩg ꞌThooyyiahu 21:9

Baa aꞌnyak nẽẽ lõhõlĩ cĩgĩnnĩg ꞌcĩg nga ĩĩn buheeci ꞌcĩg ĩĩn põrõvẽtaaꞌnya.

ꞌRooma 1:11

Habũraneehi naa ngaatĩ hakuu hacinnuung ngagiit, hátĩ hiita hotholit ꞌgattan hõdẽẽthõng baa aaꞌnya nganĩĩt Lorii cĩ Nyekuci, hátĩ ummuddia niig ꞌtirrian lemiittaa cunuung.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

1 Korinthia 12:18

Nẽẽthĩ dĩdĩ, baa ẽꞌthẽdaneek Nyekuci dhooriꞌnya ẽlla, aarĩk ĩhõõggõ vẽlẽk hĩcĩ baallĩ ꞌthẽk adiim nẽẽnĩ.

1 Korinthia 13:2

Má haꞌnyahi naa ꞌbaaninit ꞌcĩ haduhaanĩ thooꞌthiok cĩg horumwa hĩ gaiinit cĩ thooꞌthiok vẽlẽk ꞌcĩg hõllõngaa agayyi nẽ má haꞌnyahi lemiinit ꞌcĩ occa aaꞌnyĩk muurriok hõtõmõõcõ nẽ aitioonna mĩnnanĩ tõõ, hĩĩnĩ ꞌgiimwa haaga.

1 Korinthia 14:1

Ũnnẽẽc ꞌgõõl cĩ mĩnnaanõ nẽ ũbũratteehu ꞌbaaninit cĩ Lori ꞌcĩ Ẽllẽẽmĩthĩ, ettebehini ꞌbaaninit ꞌcĩ haduhaanĩ thõõth ꞌcĩ hatĩ aku horumwa.

1 Korinthia 14:24

Nẽẽthĩ ꞌyioko, udukta niig vẽlẽk thooꞌthiok ꞌcĩg hatĩ au horumwa, hatĩ aduknaakuung eeta ꞌcĩg hõllõngaa ĩĩn lemmiook hĩ eet ꞌcĩg ꞌrĩĩng, occa hatĩ au ammũda nẽẽg ngaatĩ ĩĩnnĩ nẽẽg ꞌthẽccanniook nẽ idiimito ꞌgõõl ꞌcĩ ũũhũĩ ꞌthinneeti cĩggĩĩng, hĩnĩngĩtĩ thõõth ꞌcĩ aduhaannu niig ko.

1 Korinthia 14:29

Aanytĩk põrõvẽtaaꞌnya ꞌramma hode iyyio hothoothito nẽ ittiamanit eeta ũgẽẽgĩ thõõth ꞌcĩ adukiaa ho jurrung.

1 Korinthia 3:5

Nganĩ nooyyia ꞌyioko ꞌthẽk Appoolo? Nẽ nganĩ nooyyia ꞌyioko ꞌthẽk Paaulo? Ĩĩn nẽẽg dticcianniook haaga, ꞌcĩg aaꞌnyuung ngagiit iita aꞌnyahit lemiinit, hĩcĩ baallĩ aaꞌnyĩk Makayyioohiti ĩhõõggõ dtiic hõdẽĩ hõdẽĩ.

1 Korinthia 7:7

Occa nuun baa iittiõõ eeta vẽlẽk hõllõngaa aꞌthũwanni hĩ naana. Nẽẽthĩ hinnianĩ, aꞌnyak eeta hõdẽĩ hõdẽĩ ꞌbaaninit ꞌcĩ aku hĩ Nyekuc, aꞌnyak umwaa ꞌbaaninit icci aꞌnyak umwaa iccia.

2 Korinthia 8:12

Má adiimmu niig aaꞌnyiku ꞌbaaninit cunuung ꞌthinneetinii cugguung dĩdĩ, elemmi hatĩ ꞌbaaniniti hẽlẽggẽẽnnĩĩ cĩg aꞌnyaku niiga, hõllõngaa hĩnĩngĩtĩ hẽlẽggĩ ꞌcĩg aitiõõ hĩ ngagiit tõõ.

Eevvetho 3:5

Baa nga haga eet umwaa thõõth icci ammiꞌthi ho, ĩꞌthõng hikia huduhaak Lorii cĩ Nyekuci ꞌthooyyiak hĩ põrõvẽtaaꞌnya cĩgĩnnĩg ꞌcĩg ẽllẽẽmĩthĩ.

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Pilippi 3:15

Aꞌnyĩĩk eet vẽlẽk ꞌcĩg okomit lemiitta, helemit thooꞌthiok iccig. Nẽ má hõllõngaa elemmu thõõth umwa, haga naa aaꞌnyuung hatĩ Nyekuci agaac thõõth tĩho.

1 Tẽꞌthaloonika 5:20

ma habbeeku thooꞌthiok ꞌcĩg aduha põrõvẽtaaꞌnya cĩg Nyekuci õlõng,

2 Pẽẽtũrũ 1:20

Nẽẽthĩ, adiim occa agayyu niig jurrung ainnu, aitiõõ ẽẽtĩ umwaa ꞌcĩ occa aga thõõth ꞌcĩ aduha põrõvẽtaaꞌnya ꞌBuuhaa cĩ Nyekuci ẽmmẽn tõõ.