ꞌRooma 12:3 - ꞌBuuk cĩ Thõõth cĩ Nyekuci

³ Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

ꞌRooma 12:3 ပူးပေါင်းရင်းမြစ်များ

ꞌLuuka 18:11

Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.

Yõaannẽ 3:34

Hĩnĩngĩtĩ ẽẽtĩ baa ĩꞌthõõa Nyekuci, õthõõth thõõth cĩ Nyekuci, hĩnĩngĩtĩ hõllõngaa abĩlĩ Nyekuci ngaatĩ aaꞌnyĩkĩ eet Lori ꞌcĩ Ẽllẽẽmĩthĩ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 11:20

Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

ꞌRooma 12:16

Aaut jurrung hĩ eet vẽlẽk. Ma hathĩngõõnyannu nẽ iittu eggeeꞌnyu ĩllõõannu ꞌgoonogu. Ookorrio hĩ eet vẽlẽk lõꞌngõõc.

1 Korinthia 15:10

Nẽẽthĩ, bũnnaiittaa cĩ Nyekuci, hĩĩna naa nganĩĩt hĩ ꞌyioko ho nẽ baa hõllõngaa hahirangĩĩ naa bũnnai cĩ Nyekuci haaga. Aitiõõ ũdũt, baa hadticannii naa hĩllõõan ꞌthooyyiak vẽlẽk, nẽẽthĩ, baa hõllõngaa nganĩĩt ẽmmẽn ꞌcĩ hadticannii ho, baa hadticannii hĩnĩngĩtĩ baa aaĩ bũnnai cĩ Nyekuci hĩ nganĩĩta.

1 Korinthia 3:10

Bũnnaiittaa ꞌcĩ aaꞌnya Nyekuci nganĩĩta, hikia hadaeeha naa õkõlaha hĩ ẽẽtĩ ꞌcĩ haganeehi tehenyiinit nẽ ikia ẽtẽhẽny ẽẽtĩ cĩrrĩĩng ꞌcieeth tĩho. Nẽẽthĩ, adiim acĩn eeta hõdẽĩ hõdẽĩ ꞌgõõl ꞌcĩ ehenytiini ho jurrung.

1 Korinthia 7:17

Adiim aꞌthuunnu niig hõdẽĩ hõdẽĩ ꞌgõõl baa aarikuung ngagiit Makayyioohiti nẽ aallattiaau hĩ baa avviyyuung ngagiit Nyekuci baa ĩĩcĩ oou. Thõõth caannĩ ꞌcĩ haduhaahi lothippiꞌnya cĩg lemmioohu vẽlẽk hũnnẽẽcõ cieeni.

2 Korinthia 10:13

Hõllõngaa hatĩ hirrianna naag ꞌgii ꞌcĩ aitiõõ dtiicaa cĩnaang tõõ. Hirrianna hatĩ naag dtiicaa ĩbaa ĩꞌthõõanneet ngagĩĩt Nyekuci hidticatta nẽ iiginnu niig buúk eet cĩg dtiic tĩho.

2 Korinthia 12:13

Iita abaccu niig ꞌgattan hõdẽẽthõng ꞌcĩ baa ammũda lothippiꞌnya cĩg lemmiook cĩg Krĩstõ loonyinii ũgẽẽgĩ. Ĩnõõ thõõth ꞌcĩ haĩnnĩ naa, baa hõllõngaa hajinnuung naa ngagiit hanneekuung eelliaangu nganĩĩta. Nẽ atamaattihaangu nganĩĩt, hĩnĩngĩtĩ bathi icci.

2 Korinthia 12:7

Ee mĩĩ ꞌthẽk, hothoothi naa ꞌyioko hẽlẽggĩ ꞌcĩg baag ẽllẽẽmĩth baag hĩcĩna naana. Ĩꞌthõõa ꞌThĩttaanĩ aajĩlõ cĩnnĩ ꞌcĩ ĩĩn lori ꞌcĩ abathĩ, hátĩ hikia haꞌnyaha pĩĩrnanĩt ꞌcĩ ẽkẽdan aaĩ hĩgõõng akatĩ eet bĩllẽẽtĩ, hátĩ hiittiõõ hõllõngaa hirriani gẽrrẽẽt.

ꞌGalaaꞌthia 6:3

Má ammuk ẽẽtĩ umwaa aĩ hĩllõõani ꞌgõõnõgĩ nẽ hõllõngaa ĩllõõan buúk, ĩggõõl eet tĩho ẽlẽ cĩnnĩ.

Eevvetho 3:2

Dĩdĩ, occa ithiktu niig tarbalꞌthẽẽt cĩ Nyekuci ngaatĩ ẽbẽraanna nganĩĩt hikia heeluung ngagiita.

Eevvetho 3:4

Hĩcĩ agiillu niig waraga icci, ammũdaannu hatĩ jurrung ꞌgõõl ꞌcĩ hathĩknĩ naa thõõth cĩ Krĩstõ ꞌcĩ ammiꞌthi.

Eevvetho 4:16

Arũm Krĩstõ ẽlẽ cĩnnĩ ho hĩĩ hõdẽẽthõng nẽ aaꞌnyĩk hidticattõõ dhooriꞌnya vẽlẽk jurrung, hĩcĩ alĩthĩ hokomit hĩnĩngĩtĩ mĩnnani.

Pilippi 2:13

Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.

Kolooꞌthe 1:29

Ĩnõõ cĩ hadticaniini naa gẽrrẽẽt ꞌtirriaanaa cĩnnĩ ĩbaa aaꞌnya nẽẽ nganĩĩt ko.

Kolooꞌthe 2:13

Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

1 Timotteeo 1:14

Baa tarbal Makayyioohiti cĩnaac Yeesu Krĩstõ hĩ nganĩĩta. Baa aggatan nẽẽ rũgẽt caannĩ lemiitta, hĩ mĩnnaanaa haau hĩ loholeec cĩnnẽẽnĩ.

1 Timotteeo 2:15

Nẽẽthĩ, ẽẽla hatĩ Nyekuci ngaaĩ hittirria lõhõlĩ, hatĩ aꞌthũũnnĩ nẽẽg lemiinit cĩnĩĩng hĩ mĩnnan hĩ ꞌlẽẽmĩth hĩ ngaatĩ aattiyyi jurrung.

1 Timotteeo 2:9

Hadiimi naa ngaaĩ hitihimti jurrung ꞌgõõlaa ꞌcĩ abũnnaa nẽ abathĩ ngaatĩ ahimtẽẽnĩ tahatak ꞌgõõlaa ꞌcĩ ẽhẽnytĩ ĩma hode ngaatĩ ahimti dihidok ꞌcĩg ĩĩn ꞌdaab hode pẽalꞌnya hode ceremwa ꞌcĩg adahĩ ꞌrabbẽẽt ꞌcĩg mẽẽlĩg.

Tiito 2:12

Allimanneet thõõth cĩ Nyekuci ꞌcĩ abũnnaa, hũtũbũrĩt thooꞌthiok ꞌcĩg ĩĩn ꞌriiring cĩg looc nicci nẽ huꞌthuutti eleeti cĩggaac hũnnẽẽc ꞌlimman cĩ Nyekuci dioo, hĩcĩ adiim nẽẽnĩ;

Tiito 2:2

ꞌLimman eet ꞌcĩg obbitig hillimanit ngaatĩ aꞌthũũnnĩ eleeti cĩggĩĩng, aꞌnyĩĩk haꞌnyahit authet ꞌcĩ iꞌngoliini eeta ĩhõõggõ, abũnnaa aꞌnyak lemiinit ꞌcĩ ĩĩn dĩdĩ hĩ mĩnnan hĩ ꞌgõõl ꞌcĩ ẽmmẽẽꞌthĩ thooꞌthiok.

Tiito 2:4

Occa alliman nẽẽg ngaaĩ ꞌcĩg ĩĩn carama hĩmmĩnanit maaccwa hĩ lõhõlĩ cĩggĩĩng,

Tiito 2:6

Nẽ ꞌgõõlaa nĩĩcĩ dioo, kũttan nyahaappanĩt huꞌthuutti eleeti cĩggĩĩng jurrung.

ꞌJeemith 4:6

Nẽẽthĩ, aaꞌnyeet Nyekuci ngagĩĩt tarbalꞌthẽẽt cobbi. Ĩnõõ ꞌcĩ aĩnnĩ ꞌBuuhi cĩ Nyekuci, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

1 Pẽẽtũrũ 1:13

Aaut dĩkĩĩm nẽ aanytĩk muhẽẽnĩt cunuung hũũlan. Aarrik muhẽẽnĩt cunuung ꞌcĩ abũnnaa vẽlẽk ꞌgõõlaa ꞌcĩ hatĩ ĩĩnnĩ Nyekuci tarbal hĩ ngagiit hatĩ uppwaanna Yeesu Krĩstõ.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

3 Yõaannẽ 1:9

Baa heteheedĩha naa lothippit cĩ lemmioohu waraga, nẽẽthĩ hinnia, baa accamana Diotereve ngaatĩ adiim ĩĩnnĩ makayyioohit nẽ hõllõngaa adiim occa athĩkneet ngagĩĩta.