ꞌRooma 12:2 - ꞌBuuk cĩ Thõõth cĩ Nyekuci

² Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌRooma 12:2 ပူးပေါင်းရင်းမြစ်များ

Luugithõõ 23:2

“Ma hanũ lothippit hatĩ adĩman thooꞌthiok ꞌcĩg abathĩ. Duha thõõth ꞌcĩ ĩĩn dĩdĩ hõdõõkõthĩ lokihooa, tananga hiittiõõ eeta vẽlẽk hõllõngaa aduha thõõth ꞌcĩ ĩĩn dĩdĩ.

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maarko 4:19

nẽ hinnia ummuhit rũgẽt cĩ looc nicci hĩ mĩnnan cĩ baliitto hĩ hẽlẽggĩ vẽlẽk ꞌcĩg ammũyan ĩhõõggõ nẽ ẽꞌthẽcanit thõõth cĩ Nyekuci, iittiõõ hõllõngaa abbiiri haꞌnyakta hinyomo.

Yõaannẽ 14:30

Iittiõõ hatĩ ꞌyioko hõllõngaa hõthõõthõõ naag hĩ ngagiit ĩꞌthõng, hĩnĩngĩtĩ ikia habuui cĩ looc nicci. Nẽẽthĩ, hõllõngaa aꞌnyak nẽẽ ꞌtirrian ꞌcĩ ĩllõõanna nganĩĩta.

Yõaannẽ 15:19

Má baa ĩĩtõ niig eet cĩg looc nicci, occa ꞌyioko ammĩnannuung eeta cĩg looc nicci ngagiita. Nẽẽthĩ, iittiõõ niig hõllõngaa iiginnu eet cĩg looc nicci. Baa hẽbẽraauung naa ngagiit, hátĩ ũtũngteek thooꞌthiok cĩg looc nicci. Ĩnõõ ꞌyioko ꞌcĩ aaburreekuung eeta cĩg looc nicci ho.

Yõaannẽ 17:14

Baa huduhaaha naa ĩhõõggõ thõõth cunni, aaburreek hinnia eeta cĩg looc nicci ĩhõõggõ thõng, hĩnĩngĩtĩ iittiõõ nẽẽg hõllõngaa ĩĩn eet cĩg looc nicci tarĩ hĩ naana.

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 7:12

Nga aalla ẽllẽẽmĩth nyattalĩ nẽ ẽllẽẽm tilooiniti cĩnnĩ buúk, aũlanĩ nẽ ũbũna.

ꞌRooma 7:14

Haga naag aku nyattalĩ hĩ Nyekuc, nẽẽthĩ, hĩĩnĩ naa eet ꞌcĩ holli õõ haaga nẽ baa hũtũũĩ hĩĩna appahaca cĩ ꞌthẽccaanõ.

ꞌRooma 7:22

ꞌThĩnĩtatõõ caannĩ vẽlẽk, helemi naa nyattal cĩ Nyekuci.

1 Korinthia 3:19

Hĩnĩngĩtĩ ĩĩn ꞌgẽẽnyĩthĩ cĩ looc nicci ꞌgiithẽnĩt muumaa cĩ Nyekuci. Hĩcĩ eheeddi ꞌBuuhaa cĩ Nyekuci aĩ, “Aggam nẽẽ ꞌgeeꞌnyiak ꞌgẽẽnyĩthaa cĩnĩĩng.”

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 5:17

Nẽ ma haggiithennu, agaac tabiinit cĩ Makayyiookto.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

Kolooꞌthe 3:10

Iittu niig vẽlẽk eet ꞌcĩg ĩĩn ngeju. Ũũhũyyuung ngagiit Nyekuci hõdõõkõthĩ aaut hĩ nẽẽ Teheꞌnyioohiti cĩ rũgẽt cunuung ꞌcĩ ĩĩn ngeju, nẽ iita hatĩ agayyu ĩnõõnnõ jurrung.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 4:3

Adiimmuung ngagiit Nyekuci aꞌnyahit ꞌthinneeti ꞌcĩg ẽllẽẽmĩthĩ nẽ ma hattihoonnu tahatak.

Tiito 3:5

ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ,

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

1 Pẽẽtũrũ 1:14

Aaut ꞌthẽk hĩ lohollia cĩg Nyekuci ꞌcĩg athĩknĩ. Ma nga hobodoothĩku thooꞌthiok baag ꞌrẽẽttĩg abathĩ, baa gõõng adĩmannu niig baa nga erekuung thõõtha.

1 Pẽẽtũrũ 1:18

Hĩnĩngĩtĩ agayyu niig baa ẽẽlannuung ngagiit Nyekuci rũgẽtaa ꞌcĩ abathĩ, ĩbaa allimanaannu hĩ maajihu cugguung baangaani. Nẽ agayyu niig baa hõllõngaa ẽẽlannuung ngagiit Nyekuci maccĩrẽẽnĩĩ hode ꞌdaaba ꞌcĩ hõllõngaa aalla ũdũt.

1 Pẽẽtũrũ 2:3

nẽ ꞌyioko, ummuddiaau niig ngaatĩ abũnnayyĩ Makayyioohiti dĩdĩ.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

2 Pẽẽtũrũ 1:4

Nẽ hĩnĩngĩtĩ bulẽẽnĩt hĩ bũnnai ꞌcĩ ẽllẽẽmĩth gẽrrẽẽt ko, ikia uduhaaheet nẽẽ ngagĩĩt thooꞌthiok ꞌcĩg obbitig ꞌcĩg tiirik. Adukiaa thooꞌthioha cieeg, hátĩ haanytuung ngagiit otholit authet cĩnnĩ nẽ iliittiau thooꞌthiok ꞌcĩg abathĩ cĩg looc nicci, ꞌcĩg ĩkõõtha thooꞌthioha ꞌcĩg abathĩ ꞌcĩg abũraneek eeta.

2 Pẽẽtũrũ 2:20

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

1 Yõaannẽ 3:13

ꞌGotoonoga hĩ ngoonoga, ma hakuleeku ꞌjieen hatĩ aaburreekuung eeta cĩg looc nicci.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.