ꞌRooma 12:18 - ꞌBuuk cĩ Thõõth cĩ Nyekuci

¹⁸ Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk.

ꞌRooma 12:18 ပူးပေါင်းရင်းမြစ်များ

ꞌThianaattõ 21:24

Ẽdẽcĩ Abũrahamĩ Abimelek anneek, “Hũbũtana dĩdĩ.”

Maatteeo 5:24

tũngeek ꞌbaaninit cunni ho altaarĩa. Bĩĩt nõõ õõt agayyio hĩ eet tĩho, nẽẽthĩ hatĩ õbõda ikia aaꞌnyĩhuu Nyekuc ꞌbaaninit cunni.

Maatteeo 5:5

ꞌGattan hĩ eet ꞌcĩg tarbalĩg, arigith hatĩ nẽẽg looc.

Maatteeo 5:9

ꞌGattan hĩ eet ꞌcĩg aꞌnyaha ganõn, aũ hatĩ eeta ĩhõõggõ anneek, lõhõlĩ cĩg Nyekuci!

Maarko 9:50

“Ĩĩn immilla ꞌgii ꞌcĩ abũnnaa, nẽẽthĩ, má iittiõõ hõllõngaa ammũccarĩĩ, occa hatĩ aaꞌnyiku niig hikia hũmmũccar tarĩ hutuno? Aꞌnyahit muhẽẽnĩt hõrggẽẽnaa cunuung hũbũna haau hĩ immilla nẽ aauttu lõꞌngõõc hĩ ꞌgoonogu.”

ꞌRooma 1:15

Ĩnõõ ꞌcĩ habũranẽẽkĩ naa ngaatĩ hirriõõnĩ nyeemuut ꞌcĩ abũnnaa hĩ ngagiit buúk ꞌcĩg aattiyyu ꞌRoomattĩ ho.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 14:19

Hĩttĩmanit ngaatĩ haattiyyi ganõõna nẽ heelito eleeti cĩggaac, haꞌnyahit lemiinit ꞌcĩ attiranĩ.

1 Korinthia 7:15

Nẽẽthĩ, má ũtũngeek maac ꞌcĩ hõllõngaa ĩĩn lemmioohit ngaa cĩnnĩ ho, aꞌnyĩĩk hũtũngeek. Ẽẽtĩ hode ngaa ꞌcĩ ĩĩn lemmioohit, occa hõllõngaa ẽcẽb thooꞌthioha ꞌcĩg aattĩg hoti, hĩnĩngĩtĩ avvaanneet Nyekuci ngagĩĩt haaut ganõõna.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Eevvetho 4:3

Ĩttĩmanit ngaatĩ aꞌthuunnu rũmẽẽnĩt cĩ Lori cĩ Nyekuci ꞌthinneetinii cugguung. Ĩdĩmanit hoti, ꞌgõõlaa ꞌcĩ aattiyyu lõꞌngõõc.

1 Tẽꞌthaloonika 5:13

Itingolli nẽ ĩmmĩnattu ĩhõõggõ gẽrrẽẽt, hĩnĩngĩtĩ dtiic ꞌcĩ adtican nẽẽg ko. Nẽ niig buúk hõrggẽẽnaa cunuung, aaut hĩ ꞌgoonogu lõꞌngõõc.

2 Timotteeo 2:22

Lĩĩta thooꞌthiok ꞌcĩg abathĩ ꞌcĩg abũraneek nyahaappanĩta hĩ buheeci. Nũũ thõõth ꞌcĩ abũnnaa hõdõõkõthĩ, ꞌnyaak lemiinit cĩ Nyekuci hĩ mĩnnan nẽ aau lõꞌngõõc nẽ laa Makayyioohit hõdẽĩ hĩ eet ꞌcĩg tẽllĩg.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

1 Pẽẽtũrũ 3:11

Adiim uunniku thooꞌthiok ꞌcĩg ĩĩn ꞌriiring nẽ ĩdĩmattu thooꞌthiok ꞌcĩg abũnnaa; hĩcĩ adiimmu nẽ unuyyu ꞌgõõl ꞌcĩ ammũdaannu ganõn.