ꞌRooma 12:17 - ꞌBuuk cĩ Thõõth cĩ Nyekuci

¹⁷ Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

ꞌRooma 12:17 ပူးပေါင်းရင်းမြစ်များ

ꞌThianaattõ 42:25

Ma baa idiimito oboddioothĩ ꞌgotoonoggia ĩĩcĩ olu, uduhaak Yothebo dticcianniook cĩgĩnnĩg haarrik haal lohoddwaanĩĩ cĩg ꞌgotoonogiinni nẽ uduhaak ĩhõõggõ hĩnĩktẽẽhĩ ꞌrabbẽẽt baag au ũũtĩ ꞌgotoonoggia haal lohoddwaanĩtõõ cĩggĩĩng, nẽ tarĩ uduhaak hũkũmattẽẽhĩ ꞌgẽẽn ꞌcĩ adahoothi ꞌgõõla buúk. Ma baa ĩdĩmanit dticcianniooha thooꞌthiok iccig ẽlẽk,

Maatteeo 5:24

tũngeek ꞌbaaninit cunni ho altaarĩa. Bĩĩt nõõ õõt agayyio hĩ eet tĩho, nẽẽthĩ hatĩ õbõda ikia aaꞌnyĩhuu Nyekuc ꞌbaaninit cunni.

Maatteeo 5:39

Nẽẽthĩ, haduhaakuung hanneekuung, ma haburru eet ꞌcĩ adĩmannuung ngagiit ꞌbuth. Má atabaaꞌngi eet umwaa mũũcĩc cĩ aꞌthiit cobbi, aꞌnyĩĩk hatabaang cĩ aꞌthiit ꞌcĩ hidici buúk.

ꞌRooma 12:19

ꞌGotoonoga hĩ ngoonoga, ma haruhaannu oolo. Aanytĩk Nyekuc huruha oolo nẽẽnĩ. Aĩ Nyekuci, “Nganĩĩt Nyekuc ꞌcĩ occa haruha oolo.”

ꞌRooma 14:16

Ma haaꞌnyihi thõõth cunni ꞌcĩ adahĩ ꞌgẽẽn, haꞌnyahaak Krĩstõ ngaaoni.

Kolooꞌthe 4:5

Aaut jurrung hatĩ arũmeennu hĩ eet ꞌcĩg hõllõngaa ĩĩn lemmiook, illimatteek ĩhõõggõ nyeemuut cĩ Nyekuci hatĩ ammũdaannu ꞌgõõl ꞌcĩ arũmeennu hĩ ĩhõõggõ.

1 Tẽꞌthaloonika 4:12

Nẽẽthĩ hatĩ ꞌgõõlaa cĩ, au hatĩ iꞌngoliinnuung eeta cĩg battaalu ꞌcĩg nga hagaacõ thõõth cĩ Makayyiookto nẽ hatĩ iittiõõ hõllõngaa alihinnu ꞌgiimwa hĩ eet umwa tarĩ.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

1 Tẽꞌthaloonika 5:22

Ũtũbũrĩt thooꞌthiok vẽlẽk ꞌcĩg abathĩ.

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 3:16

Attacanit ĩhõõggõ ꞌthinneetinii ꞌcĩg alalĩ nẽ aanytĩk muhẽẽnĩt cĩ ꞌthinneeti cugguung hĩĩ tẽlla. Má othooꞌthuung eeta ꞌbuth, aggam hatĩ ĩhõõggõ ngaaoni hatĩ acĩn rũgẽt cunuung ꞌcĩ abũnnaa, hĩnĩngĩtĩ iiginnu niig cĩg Krĩstõ.

1 Pẽẽtũrũ 3:9

Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.

ꞌRuuth 3:14

Nĩngĩtĩ oongiyyi ꞌRuuthi ĩĩcĩ ꞌthoo cĩg ꞌBõathĩ ĩꞌthõng hõbõhĩ alĩĩthĩ, nẽẽthĩ, baa ĩꞌngaathĩ nẽẽ baa nga hõbõrrõõng uruto. Ma nĩngaata, uduhaak ꞌBõathĩ ꞌRuuth ĩĩnnĩk, “Ma haaꞌnyihi eet umwa haga ngaatĩ akuuni baa ngaa umwaa hilongana ngaati baal.”