ꞌRooma 12:16 - ꞌBuuk cĩ Thõõth cĩ Nyekuci

¹⁶ Aaut jurrung hĩ eet vẽlẽk. Ma hathĩngõõnyannu nẽ iittu eggeeꞌnyu ĩllõõannu ꞌgoonogu. Ookorrio hĩ eet vẽlẽk lõꞌngõõc.

ꞌRooma 12:16 ပူးပေါင်းရင်းမြစ်များ

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

Maatteeo 26:11

Arũmeennu hatĩ gõõng niig hĩ hullaha hõdõõkõthĩ, nẽẽthĩ, hõllõngaa hatĩ harũmĩ naag hĩ ngagiit hõdõõkõthĩ.

ꞌLuuka 14:13

Nẽẽthĩ, ma aꞌnyahi karrama, tũvva ꞌguurthettiaak hĩ ꞌngoolliak hĩ rubenniaak.

ꞌLuuka 6:20

Nĩngĩtĩ akannĩ Yeesu nuyyiook cĩgĩnnĩg hẽbẽrĩ nẽ ĩĩnnĩk, “Aggatatteeu niig ꞌcĩg iiginnu hullaha ho, ĩĩn habuccieet cĩ Nyekuci cunuung.

Dtiicanĩ cĩg ꞌThooyyiahu 4:32

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.

ꞌRooma 11:20

Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

ꞌRooma 15:5

Aaꞌnyuung occa hatĩ Nyekuci temeethi hĩ kũttan hĩ lori cĩ rũmẽẽttõ hõrggẽẽnaa cunuung hĩcĩ anuyyu Yeesu Krĩstõ,

ꞌRooma 6:2

Aitiõõ ũdũt! Hĩnĩngĩtĩ ꞌthẽccan, haauto naag hĩ eeta ꞌcĩg hadaahito ẽlẽk nẽ occa nga haalla harũgĩ naag ꞌthẽccaana hutuno?

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

1 Korinthia 3:18

Ma higgoollu eleeti. Má aĩ eet umwaa heggeenyi, hĩnĩngĩtĩ thõõth cĩ looc nicci, aꞌnyĩĩk hĩĩ ꞌgiiꞌthiahit, hátĩ hikia hẽggẽẽny.

1 Korinthia 4:10

Hĩĩgĩnna naag ꞌgiiꞌthiak, hĩnĩngĩtĩ Krĩstõ, nẽẽthĩ hinnia, eggeeꞌnyu niig hĩ Krĩstõ! Hõllõngaa hattiranna naaga, nẽẽthĩ hinnia, attirannu niiga! Iꞌngoliinnuung eeta ngagiita nẽ hõllõngaa iꞌngoliinneet ngagĩĩta!

1 Korinthia 6:5

Haduha naa thõõth icci, hátĩ haggamuung ngagiit ngaaoni. Hiꞌthihi occa ꞌthẽk eet umwa hõrggẽẽnaa cunuung ꞌcĩ ẽggẽẽnyĩth, ꞌcĩ occa ẽttẽẽd thooꞌthiok ꞌcĩg ẽggẽrꞌnyõõnĩ lemmiooha hõrggẽẽnaa cunuung ko?

1 Korinthia 8:2

Nẽ dĩdĩ, eeta ꞌcĩg ammuk aĩ hagayyia thõõth gẽrrẽẽt, aitiõõ hõllõngaa aga thõõth vẽlẽk.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 3:16

Nẽẽthĩ ꞌyioko, adiim occa haalla haꞌthũũnnĩ naag thõõth ꞌcĩ ĩĩn dĩdĩ ꞌcĩ haꞌnyahit ẽlẽk ko.

Pilippi 4:2

Niig Euodia hĩ Thĩntice, ĩĩgĩnnu niig eet cĩg Makayyiooktak, halayyuung ibilli thõõth cunuung ꞌcĩ ẽppẽhanoonnu ho.

Ebereei 13:5

Ma haangallu ꞌrabbẽẽtĩ, aaꞌnyĩk ꞌrabbẽẽt ꞌcĩg abadtẽc ꞌcĩg aꞌnyaku hũũppattuunga. Hĩnĩngĩtĩ baa aĩ Nyekuci ꞌBuuhaa cĩnnĩ, “Hõllõngaa hatĩ halahaneekuung nẽ hudhuheehuung tuu.”

1 Pẽẽtũrũ 3:8

Dtuurnatta, aaut niig vẽlẽk hõdẽĩ lõꞌngõõc, ĩĩtõ tarbalĩg nẽ atamaattik ꞌgoonogu buúk, ĩmmĩnanit ꞌgotoonogu hĩ ngoonogu nẽ ma hathĩngõõnyannu.

1 Pẽẽtũrũ 5:3

Ma harratannu eet ꞌcĩg aggammu niiga, nẽẽthĩ, etereꞌthieek ĩhõõggõ hillimatta thõõth ꞌcĩ abũnnaa hĩ ngagiita.

3 Yõaannẽ 1:9

Baa heteheedĩha naa lothippit cĩ lemmioohu waraga, nẽẽthĩ hinnia, baa accamana Diotereve ngaatĩ adiim ĩĩnnĩ makayyioohit nẽ hõllõngaa adiim occa athĩkneet ngagĩĩta.