ꞌRooma 12:13 - ꞌBuuk cĩ Thõõth cĩ Nyekuci

¹³ Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.

ꞌRooma 12:13 ပူးပေါင်းရင်းမြစ်များ

Maatteeo 25:35

Hĩnĩngĩtĩ baa adaka nganĩĩt magĩthĩ nẽ aanytaangu ꞌgẽẽn ꞌcĩ hadahi, baa aamma kõrra nẽ aanytaangu maam ꞌcĩg hahudi, baa hĩĩnĩ tahanit nẽ utuvvuyyiaangu õlõõ cunuung.

Dtiicanĩ cĩg ꞌThooyyiahu 10:4

Baa acĩn Korneellio ĩnõõnnõ tẽẽlꞌthĩta nẽ ĩĩnnĩk, “Aĩ ne Makayyioohit?” Ẽdẽcĩ aajĩlõ anneek, “Ẽlẽmĩ Nyekuci laiinit cunni hĩ ꞌbaaninit ꞌcĩ aaꞌnyihi nii hullaha ho.

Dtiicanĩ cĩg ꞌThooyyiahu 4:35

ꞌthooyyiak heꞌngerrioothĩk eet ꞌgõõlaa ꞌcĩ pĩĩrnanĩt ꞌcĩ aꞌnyak eeta cũũmõ cũũmõ.

ꞌRooma 12:8

Má haga ngaatĩ halũllũũmanẽẽkĩ ꞌgoonogeet thõõth ꞌcĩ abũnnaa, hũlũllũũmatteek ĩhõõggõ thooꞌthiok tĩko. Má haga ngaatĩ hõhõaakĩ ꞌgoonogeet hẽlẽggĩ ũgĩ, hohoyyiaak ꞌgõõlaa ꞌcĩ abũnnaa. Má hĩĩgĩn naag makayyiook, hũtũhaac eet ꞌgõõlaa ꞌcĩ abũnnaa. Má ĩĩn thõõth ꞌcĩ hammaannĩkĩ eeta, hatamaattik taliitta.

1 Korinthia 16:15

Agayyu niig baa atiman eeta cĩg halang cĩ Tẽẽvana, ngaatĩ au ĩĩnnĩ lemmiook ĩĩcĩ oou looccaa cĩ Acaia, nẽ ĩrrĩcatta ngaatĩ adticanõõthĩkĩ lemmiook. Haduhaakuung naa ngagiit ꞌgotoonoga hĩ ngoonoga,

2 Korinthia 9:1

Hõllõngaa occa hẽhẽẽdakuung naa ngagiit waraga, hĩnĩngĩtĩ thõõth cĩ ꞌbaaninit cunuung ꞌcĩ aaꞌnyiku lemmiook ꞌcĩg aattĩg ꞌJeruꞌthalẽma ho.

2 Korinthia 9:12

Nẽ dtiici ꞌcĩ adticannu niig ko, hõllõngaa ĩĩn ꞌbaaninit ꞌcĩ haaꞌnyĩk eet cĩg Nyekuci diooni, ĩĩn ꞌbaaniniti ꞌgii ꞌcĩ aaꞌnyĩk eet ꞌcĩg mẽẽlĩg haccamattoothĩk gẽrrẽẽt ngaatĩ atallĩ Nyekuc.

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

Tiito 1:8

Abũnnaa ĩĩn eet cĩ eetu ꞌcĩ ammĩnan thõõth ꞌcĩ abũnnaa. Abũnnaa ĩĩn eet ꞌcĩ aꞌnyak muhẽẽnĩt ꞌcĩ abũnnaa nẽ ĩĩ eet ꞌcĩ aꞌthũũnnĩ ẽlẽ, ꞌcĩ ẽllẽẽmĩthĩ.

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Vilõmẽẽnõ 1:7

ꞌGõtõna, aaꞌnya mĩnnanĩ cunni nganĩĩt haccamanoothĩk gẽrrẽẽt nẽ amammaayanaa, hĩnĩngĩtĩ aaꞌnyĩk tarbalꞌthẽẽt cunni eet cĩg Nyekuci haccamattoothĩk.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Ebereei 13:2

Ma hataarroꞌthu ngaatĩ avvaannu eet ꞌcĩg ĩĩn tahan hatĩ au õlõ, hĩnĩngĩtĩ eeta ũgẽẽgĩ ꞌcĩg baag avva tahan, ĩko hinnia avva aajĩlẽẽt nẽ hõllõngaa aga ngaatĩ ĩĩnnĩ aajĩlẽẽt buúk.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

1 Pẽẽtũrũ 4:9

Aanytĩk hẽẽrõn ꞌcĩg au olooyyiohĩĩ cugguung, nĩngĩtĩ ũꞌnyaahu hĩ ꞌgẽẽn ꞌcĩ adahĩ nẽ ma hongoongoeeku ĩhõõggõ.

1 Yõaannẽ 3:17

Má haꞌnyak naag hẽlẽggĩ vẽlẽk ꞌcĩg hadiim naaga nẽ hĩcĩnĩt eet cĩggaac ꞌcĩg appĩĩrna, adiim occa hammaannĩk naag eet tĩko, má aitiõõ, occa hõllõngaa haĩ naag aaĩ mĩnnanĩ cĩ Nyekuci hĩ ngagĩĩta.

3 Yõaannẽ 1:5

ꞌGõõna cĩ ꞌthĩnĩtõ, abũnna nii gẽrrẽẽt ngaatĩ aꞌthũũnnĩ thõõth cĩ Nyekuci hõdõõkõthĩ ꞌgõõlaa ꞌcĩ ẽẽlĩ nuyyiook ũgĩ cĩg Makayyiooktak, tananga ĩĩn nẽẽg tahan hĩ nganiita.