ꞌRooma 12:11 - ꞌBuuk cĩ Thõõth cĩ Nyekuci

¹¹ Idticattõ gẽrrẽẽt nẽ ma hĩĩgĩnnu nyamuttiook. Ĩrrĩcatta ngaatĩ anuyyu Lori ꞌcĩ Ẽllẽẽmĩth nẽ idticattoothihu Makayyioohit.

ꞌRooma 12:11 ပူးပေါင်းရင်းမြစ်များ

Luugithõõ 5:17

Aĩ hinnia habuui cĩ Ijjibi, “Iiginnu niig nyamuttiook! Ĩnõõ ꞌcĩ arayyu thõõth ꞌcĩ ainnu, ‘Anyeet ngagĩĩt hoottia hibboorriha Makayyioohit ꞌgaarrieenit ko.’

Maatteeo 24:12

Ĩꞌthanothoothĩk hatĩ bathi looc nẽ iittiõõ hõllõngaa ammĩnanõõ eeta ꞌcĩg mẽẽlẽẽgĩ.

Maatteeo 25:26

“Ẽdẽcĩ makayyioohiti cĩnnĩ ĩnõõnnõ anneek, ‘Nii dticciannioohiti ciee ĩĩnĩ nyamuttioohit abathi ho! Aga nii ngaatĩ hajaniini naa ngaatĩ nga hathacĩ hinyomo nẽ hajanõ ngaatĩ nga hakatõõĩ.

Dtiicanĩ cĩg ꞌThooyyiahu 18:25

Baa allimanoothĩk ĩnõõnnõ thõõth cĩ ꞌgõõl cĩ Makayyiookto nẽ baa õthõõth nẽẽ komiitta nẽ illiman thõõth cĩ Yeesu jurrung, tananga aga nẽẽ baattithimo cĩ Yõaannẽ diooni.

Dtiicanĩ cĩg ꞌThooyyiahu 20:19

Hadticanoothihi naa Makayyioohit tamaatitta hĩ ꞌgõõlaa ꞌcĩ hõllõngaa hamaacĩ eet ũgĩ nẽ hẽtẽmẽẽtha ꞌtĩmman ꞌcĩ adiim aruka eeta cĩg ꞌJudeei.

1 Korinthia 7:22

Ma baa ẽbẽra Makayyioohiti appahacaaꞌnya, iita ĩĩtõ nẽẽg eet cĩgĩnnĩg ꞌcĩg õõgta. Nẽ ma ẽbẽra nẽẽ eet ꞌcĩg õõgta ẽlẽk, iita ĩĩtõ nẽẽg appahacaaꞌnya cĩg Krĩstõ.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Kolooꞌthe 4:1

Niig makayyiooha, ĩdĩmatteek appahacaaꞌnya cugguung thooꞌthiok ꞌcĩg abũnnaa ꞌcĩg aũlanĩ, hĩnĩngĩtĩ agayyu niig buúk ngaatĩ aꞌnyaku Makayyioohit cunuung hẽẽtahujjieen.

1 Timotteeo 5:13

Nẽ tarĩ buúk, má aaꞌnyĩhoothĩk ĩhõõggõ eliiniti, au hatĩ alatan nẽẽg nẽ õtõõcõ olooyyiohĩ tahatak nẽ hatĩ iꞌthiattaaĩ otongomit ꞌgõõnõgĩ nẽ ĩĩtõ nyamuttiook ꞌcĩg õthõõth thooꞌthiok ꞌcĩg occa hõllõngaa õthõõth buúk.

Ebereei 12:28

Hĩcĩ hummuddia naag habuccieet ꞌcĩ hõllõngaa õmmõõtĩ ho, hatalit nẽ hĩdĩhĩthĩt Nyekuc ngaatĩ halaĩ ĩnõõnnõ tẽẽlꞌthĩtaa ꞌcĩ ẽllẽẽmĩthĩ hĩ bulẽẽtta.

ꞌJeemith 5:16

Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 4:8

Hĩllõõan vẽlẽk, ĩmmĩnattõ gẽrrẽẽt, hĩnĩngĩtĩ ũũny mĩnnanĩ ꞌthẽccanẽẽt ꞌcĩg mẽẽlĩg ꞌrĩng.

Terethiinit 2:4

“Nẽ aaĩ ꞌgii hõdẽẽthõng ꞌcĩ nga abaccu niiga. Iittiõõ niig hõllõngaa ammĩnannaangu nganĩĩt hode ꞌgoonogu haau hĩ baa ꞌrẽẽna.