ꞌRooma 12:10 - ꞌBuuk cĩ Thõõth cĩ Nyekuci

¹⁰ Ĩmmĩnanit ꞌgoonogu haauto hĩ ꞌgotoonogu hĩ ngoonogu nẽ ubuluꞌthu ĩhõõggõ hĩllõõanit eleeti cugguung.

ꞌRooma 12:10 ပူးပေါင်းရင်းမြစ်များ

ꞌThianaattõ 13:9

Maka lõõcĩ gẽrrẽẽt, bẽra dhoorit ꞌcĩ ũũppan hẽbẽrĩ cugunnig nẽ ũũhĩ, hátĩ heꞌngerrio. Má adiimi õkõõĩ looc ĩĩcĩ hujjieen, hõkõõĩ hatĩ naa ĩĩcĩ holooc hode má adiimi õkõõĩ looc ĩĩcĩ holooc, hõkõõĩ hatĩ naa ĩĩcĩ hujjieen.”

Maatteeo 20:26

Ma hadticaniinnu hĩ nẽẽgĩ. Ẽẽtĩ ꞌcĩ adiim ĩĩn makayyioohit hõrggẽẽnaa cunuung, aꞌnyĩĩk hidticanoothĩk ꞌgõõnõgĩ.

ꞌLuuka 14:10

Nẽẽthĩ, ma auyyi ẽẽtĩ ngaamwaanĩ, bĩĩt au dtaabawaa ꞌcĩ hidici, hátĩ ma aku baattĩ olu ho, aku hatĩ anneeki, ‘ꞌGõõna, tĩnga bĩĩt au dtaabawaa cobbi hata.’ Ĩnõõ thĩ hatĩ ꞌcĩ itieelini eeta vẽlẽk hõrggẽẽnaa cĩ heerinnioohu nĩngaata.

Yõaannẽ 15:17

Nẽ thõõth ꞌcĩ haduhaakuung naa cieeni. Ĩmmĩnanit eleeti cugguung.”

Yõaannẽ 17:21

Baaba, hadiimi naa lemmiook vẽlẽk hũrũmtĩ hõdẽĩ, hĩcĩ harũmĩ naag hĩ nganĩĩta. Hadiimi naa ĩhõõggõ buúk haauto hõdẽĩ hĩ ngagĩĩta. Hatĩ helemit eeta cĩg looc nicci ngaatĩ ĩꞌthõõannaa nii nganĩĩta.

Dtiicanĩ cĩg ꞌThooyyiahu 4:32

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.

ꞌRooma 13:7

Ũdũmatteek makayyiook occoro hode ꞌrabbẽẽt nẽ itingollieeu ĩhõõggõ.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

1 Tẽꞌthaloonika 4:9

Nẽ ꞌyioko, occa hõllõngaa hẽhẽẽdakuung naag ngagiit waraga ꞌcĩ hanneekuung ĩmmĩnanit eleeti, hĩnĩngĩtĩ baa illimaneehuung ngagiit Nyekuci thõõth cĩ mĩnnaanõ ẽlẽk.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

2 Pẽẽtũrũ 1:7

nẽ ittoorrihu ꞌgõõl ꞌcĩ haaꞌnyĩkĩ Nyekuc haccamanoothĩk ꞌgõõl ꞌcĩ hĩĩgĩnnĩ tarbalĩg hĩ ꞌgotoonogeet hĩ ngoonogeet, nẽ ittoorrihu tarbalꞌthẽẽt hĩ ꞌgotoonogeet hĩ ngoonogeet mĩnnan cĩ eet vẽlẽk.

1 Yõaannẽ 4:11

ꞌGotoonoga hĩ ngoonoga, hĩcĩ ammĩnanneet Nyekuci ngagĩĩt ko, adiim hammĩnan naag buúk eleeti cĩggaac.

1 Yõaannẽ 4:20

Má aĩ eet umwaa hammĩnani Nyekuc nẽ hõllõngaa ammĩnan ꞌgõtõnĩ hode ngõõnĩ, ĩĩn ẽẽtĩ tĩho oloꞌngiaahit. Hĩnĩngĩtĩ ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ ꞌcĩ acĩn nẽẽnĩ, hõllõngaa occa ammĩnan nẽẽ Nyekuc ꞌcĩ nga hĩcĩn nẽẽnĩ.