ꞌRooma 12:1 - ꞌBuuk cĩ Thõõth cĩ Nyekuci

¹ Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 12:1 ပူးပေါင်းရင်းမြစ်များ

ꞌLuuka 7:47

Haduhaakii naa nganiita, atamaattiothoothĩk ꞌthẽccanẽẽta cĩgĩnnĩg ꞌcĩg mẽẽlĩg ko, hĩnĩngĩtĩ mĩnnan cĩnnĩ ꞌcĩ maka. Ẽẽtĩ ꞌcĩ ũũnnothoothĩk ꞌthẽccanẽẽta ꞌcĩg hidicig haaga, ẽtẽrꞌtha nẽẽ buúk mĩnnan ꞌcĩ hidici.”

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

ꞌRooma 15:30

ꞌGotoonoga hĩ ngoonoga, halayyuung naa ngagiit ꞌthaarĩĩ cĩg Makayyioohit cĩnaac Yeesu Krĩstõ, hĩ mĩnnaanaa cĩ Lori ꞌcĩ Ẽllẽẽmĩthĩ, othollieehaangu thõõth ꞌcĩ hadiim hakuuni nĩĩca, ngaatĩ alaiinnaangu nganĩĩt hĩ Nyekuc.

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:16

Hõllõngaa agayyu niig ngaatĩ iiginnu appahacaaꞌnya cĩg hẽlẽggĩ ꞌcĩg athiknu niiga? Occa iiginnu niig appahacaaꞌnya cĩg ꞌthẽccaanak nẽ adaaktu, hode occa iiginnu appahacaaꞌnya ꞌcĩg athiknu Nyekuc, ꞌcĩ hatĩ aaꞌnyuung ngagiit ũbũttaath rũgẽtaa cunuung.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

2 Korinthia 5:20

Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 5:10

Nẽ ummuddia thõõth ꞌcĩ aaꞌnyĩk Makayyioohit haccamanoothĩk.

Pilippi 1:20

Hammuhuneehi naa haini, hõllõngaa hatĩ haꞌngaoni ũdũt, nẽẽthĩ, aalla hatĩ õkõmĩ nganĩĩt ꞌthĩnĩt, hĩnĩngĩtĩ Krĩstõ, haau hĩ gõõng hõdõõkõthĩ. Nẽ haga naa haini, aꞌnyahaak hatĩ rũgẽtĩ caannĩ Krĩstõ bulẽẽnĩt, tananga harugi hode hadaahi.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

1 Tẽꞌthaloonika 4:10

Nẽ dĩdĩ, ammĩnannu niig ꞌgotoonogu hĩ ngoonogu lokor cĩ Maccedoonia ho vẽlẽk. Nẽ hanneekuung ĩrrĩcatta gẽrrẽẽt ittoorrik hĩllõõan mĩnnan gõõng hõdõõkõthĩ.

1 Tẽꞌthaloonika 5:12

Hõlõ, halayyuung ꞌthinneeti cugguung, itingolli makayyiook cugguung ꞌcĩg ũũhayyuung nẽ idticattõõ gẽrrẽẽt hõrggẽẽnaa cunuung nẽ illimatteehuung ngagiit thõõth cĩ Makayyioohit Yeesu ho.

1 Timotteeo 2:3

Laiinit ꞌcĩ abũnnaa ꞌcĩ aaꞌnyĩk Nyekuc ꞌcĩ ĩĩn Ellioohit cĩnaac hatal cieeni.

1 Timotteeo 5:4

Má aaĩ ngaatĩbõyyĩ umwaa ꞌcĩ aꞌnyak lõhõlĩ cĩgĩnnĩg, hode lõhõlĩ cĩg lõhõlĩ cĩgĩnnĩg, aꞌnyĩĩk ĩhõõggõ hidticattoothĩk Nyekuc ngaatĩ aꞌthũũnnĩ aattĩnĩĩng cobbi, haau hĩ baa aꞌthũũnnĩ ngaannia ĩhõõggõ. Thõõth ꞌcĩ accamana Nyekuci niccia.

Vilõmẽẽnõ 1:10

halayyii gẽrrẽẽt ẽẽl loholeec caannĩ Onethimo. Hikia hĩĩna naa maaꞌnyĩ, lemiittaa baa nga haaĩ baabuuthatõõ.

Vilõmẽẽnõ 1:9

Nẽ hĩnĩngĩtĩ mĩnnan cĩnaac, occa hanneekii ꞌmuuk thõõth icci haau hĩ jinẽẽnĩtĩ ꞌcĩ aku hĩ nganĩĩt Paaulo, ꞌcĩ hatahaanya nẽ ꞌyioko hĩĩna baabutheenit, hĩnĩngĩtĩ Yeesu Krĩstõ buúk,

Ebereei 13:22

ꞌGotoonoga hĩ ngoonoga, hẽhẽẽdakuung naa ngagiit waraga ꞌcĩ huturi haaga, hátĩ hũkũtanuung ngagiita nẽ halayyuung ngagiit ĩthĩhĩt thõõth ꞌcĩ haduha naa ho jurrung.

1 Pẽẽtũrũ 2:20

Aitiõõ ꞌgii ꞌcĩ ammũdaannu niig hatĩ uukennu, hĩnĩngĩtĩ thõõth ꞌcĩ ẽꞌthẽcannu thõng tõõ. Nẽẽthĩ, aggatannuung hatĩ Nyekuci hatĩ emmeeꞌthu ꞌcannan, hĩnĩngĩtĩ adĩmannu thõõth ꞌcĩ abũnnaa.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.