ꞌRooma 11:7 - ꞌBuuk cĩ Thõõth cĩ Nyekuci

⁷ Aĩ thõõth ciee nẽẽ, eet cĩg Ĩꞌthĩraẽlĩ ꞌcĩg abadtẽc haaga ꞌcĩg eberriaa ꞌcĩg ummuddia thõõth ꞌcĩ baa attarraaban nẽẽg vẽlẽk ko. Nẽ aaꞌnyĩk Nyekuci ũgĩ hidiitti ooti pĩd,

ꞌRooma 11:7 ပူးပေါင်းရင်းမြစ်များ

Maarko 6:52

hĩnĩngĩtĩ baa adĩĩtĩ ooti cĩggĩĩng pĩd nẽ hõllõngaa aga dẽẽdẽ thõõth cĩ ũbũneetu nii.

ꞌLuuka 13:24

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

Yõaannẽ 12:40

“Akata Nyekuci hẽbẽrĩ cĩggĩĩng, nẽ aaꞌnyĩk ooti cĩggĩĩng hilloorito. Adĩman Nyekuci thõõth icci, hátĩ hiittiõõ hõllõngaa acĩnĩ nẽẽgĩ, nẽ iittiõõ hõllõngaa athĩknĩ, nẽ iittiõõ hõllõngaa õbõda hĩ nganĩĩt nẽ haaꞌnyĩha ĩhõõggõ hũbũttaathõ.”

ꞌRooma 10:3

Hĩnĩngĩtĩ hõllõngaa aga eeta cĩg Ĩꞌthĩraẽlĩ ꞌgõõl cĩ bũnnai ꞌcĩ aku hĩ Nyekuc nẽ idiimito ngaatĩ ammũdaanĩ ꞌgõõl ꞌcĩ bũnnai cĩnĩĩng ẽmmẽn nẽ ũtũbũrĩt bũnnai cĩ Nyekuci.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

ꞌRooma 11:5

Nẽẽthĩ, aaĩ thõõth noho buúk waathinnioohĩĩ nĩĩcĩg. Nga idiongan eeta ꞌcĩg Ĩꞌthĩraẽlĩ ꞌcĩg abadtẽc ꞌcĩg nga anũ ĩnõõnnõ, hĩnĩngĩtĩ baa tarbal Nyekuci hĩ ĩhõõggõ.

ꞌRooma 3:9

Hõthõõth occa ꞌthẽk ꞌyioko thõõth icci haĩ ne? Haĩ hĩĩgĩn naag ꞌJudeei mẽẽttĩg? Aitiõõ ũdũt! Hĩnĩngĩtĩ hagaacõ naag ẽlẽk ngaatĩ aduhõõnĩ eeta ꞌcĩg ĩĩn ꞌJudeei hĩ ꞌcĩg hõllõngaa ĩĩn ꞌJudeei ꞌthẽccanẽẽtĩĩ cĩggĩĩng thõng.

ꞌRooma 6:15

Aĩ occa ꞌthẽk thooꞌthioha cieeg vẽlẽk ne? Ĩcca occa ꞌthẽk hara ꞌthẽccan, hĩnĩngĩtĩ hõllõngaa aggammeet nyattalĩ, nẽẽthĩ hinnia, aggammeet bũnnai? Aitiõõ ũdũt!

ꞌRooma 9:18

Nẽẽthĩ hoti ho, ammaannĩk Nyekuci eet ꞌcĩg adiim ammaannĩk nẽẽnĩ nẽ aaꞌnyĩk ꞌlõõrĩth eet ꞌcĩg adiim nẽẽ hilloorito.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 10:19

Haini ꞌyioko naa ĩĩn ꞌgaarrieeniti ꞌcĩ ĩbboorothoothĩk ꞌgii ꞌcĩ aar eeta hĩĩ nyekuc ko ꞌgiimwa, hode haini ĩĩn ꞌgii ꞌcĩ aar eeta hĩĩ nyekuc ko ꞌgiimwa haaga?

2 Korinthia 3:14

Nẽẽthĩ hinnia, nga adĩĩtĩ ĩhõõggõ ooti pĩd hĩĩ kõr hĩ niccieeni, hiittiõõ hõllõngaa acĩn thõõth ꞌcĩ ĩĩn dĩdĩ, hatĩ agiili lõhõt baa baarkit. Nẽ Krĩstõ dioo ꞌcĩ occa abbuuk hẽbẽrĩ cĩggĩĩng hĩcĩttĩ.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 4:18

Adĩĩtĩ ĩhõõggõ ooti pĩd nẽ ĩĩtõ ꞌrẽẽttĩg hĩ authet cĩ Nyekuci, hĩnĩngĩtĩ aggiithi nẽẽg nẽ aalla õkõmĩ ĩhõõggõ ooti kak.

Pilippi 1:18

Nẽẽthĩ, ne ꞌcĩ abathĩ hatĩ irrioon eeta nyeemuut cĩ Krĩstõ? Thõõth ꞌcĩ aaddi dioo, ꞌcĩ illimanõõĩ thõõth cĩ Krĩstõ ꞌgoolliohĩ vẽlẽk, tananga muhẽẽttaa ꞌcĩ abũnnaa hode ĩcĩ abathĩ. Nẽ hĩnĩngĩtĩ thõõth cĩ ꞌlimman icci, haccamanoothĩha naana. Eei, haalla hatĩ naa haccamanoothihi,

Ebereei 12:17

Agayyu niig urutaa cĩnnĩ ikia idiim Eꞌthaau haggatan maaꞌnyia ĩnõõnnõ, aku hinnia abũrĩ maaꞌnyia thõng. Nẽẽthĩ, baa aꞌnyaman Eꞌthaau ngaatĩ amammaayanĩ maaꞌnyĩ hõbõdaaĩ ꞌthĩnĩt haggatan ĩnõõnnõ, tananga baa arruui nẽẽ gẽrrẽẽt.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.