ꞌRooma 11:22 - ꞌBuuk cĩ Thõõth cĩ Nyekuci

²² Nẽẽthĩ hoti ho, ummuhit tarbalꞌthẽẽt hĩ kõmĩĩth cĩ Nyekuci. Kõmĩĩth hĩ eet ꞌcĩg etteedito looc, nẽẽthĩ tarbalꞌthẽẽt hĩ ngagiita, hatĩ aallannu niig tarbalꞌthẽẽtaa cĩnnĩ. Má aitiõõ, occa hinnia hatĩ eꞌngeddoothiku niig buúk tuu.

ꞌRooma 11:22 ပူးပေါင်းရင်းမြစ်များ

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 8:31

Baa aduhaak Yeesu eet cĩg ꞌJudeei ꞌcĩg ẽlẽmĩ ĩnõõnnõ anneek, “Má aꞌthuunnu niig ꞌlimman caannĩ, iiginnu nuyyiook cĩgannĩg dĩdĩ.

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

ꞌRooma 11:21

Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

1 Korinthia 15:2

Nyeemuutaa ꞌcĩ abũnnaa ho, eelliau niig hatĩ aꞌthuunnu thõõth baa hirrioonĩkuung naa ngagiit jurrung. Nẽẽthĩ, má aitiõõ, ĩĩn thĩ lemiiniti cunuung ko ꞌgiimwa haaga.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

1 Tẽꞌthaloonika 3:5

Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.

1 Tẽꞌthaloonika 3:8

Aaĩ nyeemuut ꞌcĩ nga aꞌthuunnu niig lemiinit cĩ Makayyioohit Yeesu jurrung ko, hĩcĩ aaꞌnyeet ngagĩĩt haꞌnyakta rũgẽt ꞌcĩ ĩĩn ngeju.

Ebereei 10:23

Hĩrrĩcatta naag ngaatĩ haꞌnyahĩ muhẽẽnĩt cĩnaac nẽ hõkõmtĩ thõõth baa aduhaakeet Nyekuci ngagĩĩta, hĩnĩngĩtĩ adĩman hatĩ nẽẽ thõõth baa aduha nẽẽnĩ.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

1 Yõaannẽ 2:19

Baa ũtũngteek eeta cieeg lothippit cĩnaac, nẽẽthĩ hinnia, baa hõllõngaa ĩĩn nẽẽg eet cĩg lothippit cĩnaac dĩdĩ. Má baa hĩĩtõ nẽẽg eet cĩg lothippit cĩnaac, occa baa aalla nẽẽg lothippitaa cĩnaac. Nẽ hinnianĩ, baa ũtũngteeheet nẽẽg ngagĩĩta, ĩnõõ ꞌcĩ hau hagaĩ naag haĩnnĩ, hõllõngaa ĩĩn nẽẽg eet cĩg lothippit cĩnaac ko.

Terethiinit 2:5

Ĩcĩnĩt nõõ, ĩĩ ꞌrẽẽn nĩngĩtĩ adhukiaannu niig gẽrrẽẽt! Oboddia hĩ nganĩĩta nẽ ĩdĩmattu thooꞌthiok baag adĩmannu baa ĩĩcĩ oou. Má hõllõngaa õbõdaannu, hakuu hatĩ hõkõõĩ ꞌthiihit cunuung ꞌcĩ aꞌnyak ꞌloomo ngaatĩ aayyi hataa nẽ hõbõdĩ.