ꞌRooma 11:20 - ꞌBuuk cĩ Thõõth cĩ Nyekuci

²⁰ Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc.

ꞌRooma 11:20 ပူးပေါင်းရင်းမြစ်များ

ꞌLuuka 18:14

Ma ho, uduha Yeesu ĩĩ, “Haduhaakuung dĩdĩ, luttioohit cĩ occoro ho ꞌcĩ aku accamana Nyekuci, baa ikia õbõdõõthĩ ĩĩcĩ olu hĩllõõan Variꞌtheenit. Hĩnĩngĩtĩ ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

Dtiicanĩ cĩg ꞌThooyyiahu 18:6

Ma baa iita ũtũbũrĩt eet cĩg ꞌJudeei Paaulo nẽ odoomito ĩnõõnnõ thõng, ikia utuddung nẽẽ tuduhaac ceremwaanĩĩ cĩgĩnnĩg nẽ ĩĩnnĩk ĩhõõggõ, “Eheellu hatĩ niig ꞌgii ꞌcĩ hatĩ alubaakuung ngagiit ẽmmẽn! Hõllõngaa hatĩ addangaaka eet umwaa nganĩĩta. Iꞌthianaanĩ ꞌyioko kõr nicci, hũũk hillimmana naa eet ꞌcĩg hõllõngaa ĩĩn ꞌJudeei.”

ꞌRooma 11:18

Nẽẽthĩ, ma hirriannu, hĩnĩngĩtĩ taba tĩko. Má adĩmannu noho, ummuhit thõõth icci. Hõllõngaa aaꞌnyĩku niig correenit hĩtĩlĩth, correenit ꞌcĩ aaꞌnyuung ngagiit ĩtĩlĩthĩt ko.

ꞌRooma 11:21

Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.

ꞌRooma 12:16

Aaut jurrung hĩ eet vẽlẽk. Ma hathĩngõõnyannu nẽ iittu eggeeꞌnyu ĩllõõannu ꞌgoonogu. Ookorrio hĩ eet vẽlẽk lõꞌngõõc.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

ꞌRooma 3:3

Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!

1 Korinthia 15:1

Nẽẽthĩ ꞌyioko, ꞌgotoonoga hĩ ngoonoga, hadiimi hammuhaakuung nyeemuut ꞌcĩ abũnnaa baa hirrioonĩkuung naa ngagiit nẽ nga elemmu hĩĩ noho.

1 Korinthia 16:13

Aaut dĩkĩĩm, okomit lemiittaa cunuung, aanytĩk ꞌthinneeti hokomit.

2 Korinthia 1:24

Nẽ hõllõngaa hĩĩgĩnna makayyiook cĩg hattĩnganeekuung ngagiit ꞌgii ꞌcĩ occa elemmu. Hadticanni naag hĩ ngagiit hõdẽĩ, hĩnĩngĩtĩ taliinit cunuung, hátĩ iita okomit niig lemiittaa cunuung.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

Ebereei 3:19

Hĩcĩnĩt naag ngaatĩ hõllõngaa adukni nẽẽg nĩngĩtĩ ꞌyiommaanõ ho, hĩnĩngĩtĩ abũrĩ nẽẽg thõõth cĩ Nyekuci.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 4:6

Nga abbuuhi nĩngĩtĩ ꞌyiommaanõ ho, hátĩ huduhunit eeta ũgẽẽgĩ, aitiõõ eeta baag ĩthĩhĩt nyeemuut ꞌcĩ abũnnaa nẽ ũtũbũrĩt hõllõngaa aduhuni.

ꞌJeemith 2:19

Elemmu niig ngaatĩ aayyi Nyekuci hõdẽẽthõng. Abũnnaa! Ẽlẽmĩ loriẽẽta ꞌcĩg abathĩ buúk thõõth icci nẽ aaꞌnyĩk ĩhõõggõ habarritit tẽẽlꞌthĩta.

ꞌJeemith 4:6

Nẽẽthĩ, aaꞌnyeet Nyekuci ngagĩĩt tarbalꞌthẽẽt cobbi. Ĩnõõ ꞌcĩ aĩnnĩ ꞌBuuhi cĩ Nyekuci, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

1 Pẽẽtũrũ 1:17

Ummuhutooth ngaatĩ hõllõngaa ahalĩ Nyekuci baangẽẽtĩ cunuung cĩ hẽẽtkujjieen ꞌcĩ alayyu niig ko eeta. Etteedĩk hatĩ nẽẽ eet hõdẽĩ hõdẽĩ thõõth nẽ ũdũman ꞌgõõlaa ꞌcĩ baa thooꞌthiok ꞌcĩg adĩman ẽẽtĩ loota nĩnga. Nẽẽthĩ hoti ho, adiim iꞌngollinnu Nyekuc nga aattiyyu looccaa ꞌcĩ aattiyyu hĩcĩ iiginnu tahan ko.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.

1 Pẽẽtũrũ 5:9

Aꞌnyamanit ĩnõõnnõ nẽ okomtu lemiittaa cunuung, hĩnĩngĩtĩ agayyu niig ngaatĩ accananiini lemmiooha ũgẽẽgĩ buúk looc nicci vẽlẽk hĩ ꞌyioko niig ko.

Terethiinit 18:7

Aꞌnyĩĩk ĩnõõnnõ ukẽẽnĩt hĩ huciith ꞌcĩ ĩllõõanĩ, hĩ baa abuluth nẽẽ ẽlẽ cĩnnĩ nẽ abalõ. Aĩ nẽẽ ꞌthĩnĩtaa cĩnnĩ nẽẽ, ‘Haayyi naa dtaaba nẽ hĩĩnĩ habu ꞌcĩ ngayyi, hõllõngaa hĩĩnĩ ngaatĩbõyyĩ nẽ hõllõngaa hatĩ homoꞌthi ũdũt.’

Terethiinit 3:17

Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny.