ꞌRooma 11:2 - ꞌBuuk cĩ Thõõth cĩ Nyekuci

² Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja Nyekuc hĩnĩngĩtĩ eet cĩg Ĩꞌthĩraẽlĩ baa anneek,

ꞌRooma 11:2 ပူးပေါင်းရင်းမြစ်များ

ꞌThianaattõ 44:15

Ma ngaati, ijin Yothebo ĩhõõggõ nĩĩcĩ noho ĩĩnnĩk, “Ne ꞌyioko ꞌthẽk hatĩ ꞌcĩ aĩ ĩdĩmanit niig ko? Hõllõngaa agayyu niig ngaatĩ aduhaaka nganĩĩt bõllõõha thooꞌthiok?”

Maarko 12:26

Agayyu niig thõõth ꞌcĩ arũgthaanĩ Nyekuci eet daahĩtha nẽ agayyu dtẽẽllẽn cĩg Mũũꞌtha hĩ thõõth baa atũũthẽnĩ tumuth nẽ ĩĩnnĩk Nyekuci ĩnõõnnõ, ‘Hĩĩnĩ naa Nyekuc cĩ Abũrahamĩ hĩ cĩ Iꞌthaako nẽ hĩĩna Nyekuc cĩ Yakobo.’

ꞌLuuka 4:1

Ma baa õbõda Yeesu ĩĩcĩ hidioo cĩ ꞌJõrdanĩ, baa aaĩ Lorii ꞌcĩ Ẽllẽẽmĩth hĩ ĩnõõnnõ, nĩngĩtĩ õkõõĩ Lorii ꞌcĩ Ẽllẽẽmĩth ko ĩnõõnnõ ĩĩcĩ horu ꞌcĩ õdõhõhĩĩ kak.

Yõaannẽ 4:11

Ẽdẽcĩ ngaa nicciee Yeesu anneek, “Ẽẽtĩ cieeni, aitioonni nõõ uhucu ꞌcĩ adtĩĩlanĩ maam tõõ nẽ uuthik wĩĩtanẽẽcĩ thõng buúk, attiha occa hatĩ maam ꞌcĩg aaꞌnya rũgẽt ko ngaana?

Dtiicanĩ cĩg ꞌThooyyiahu 13:48

Ma baa athĩhĩ eeta ꞌcĩg hõllõngaa ĩĩn ꞌJudeei nyeemuut icci ho, iita accamattoothĩk gẽrrẽẽt nẽ ubuluthit thõõth cĩ Makayyiookto. Nẽ eeta vẽlẽk ꞌcĩg baag ẽbẽra rũgẽt ꞌcĩ aalla ũdũt, elemit Makayyioohit Yeesu.

Dtiicanĩ cĩg ꞌThooyyiahu 15:18

Baa huduha naa thõõth icci baangaani ẽlẽk.’

Dtiicanĩ cĩg ꞌThooyyiahu 3:17

“ꞌGotoonoga hĩ ngoonoga, hammuhi occa erekuung ngagiit ꞌgii baa adticannu hĩ baa makayyiooha cugguung.

Dtiicanĩ cĩg ꞌThooyyiahu 7:40

Ma nĩngaata, uduktaak nẽẽg Arõõnẽ ĩĩttĩk, ‘Dĩmanaaheet hẽlẽggĩ ꞌcĩg aar eeta hĩĩtõ nyekuꞌnya hetereꞌthieeheet ngagĩĩt ꞌgõõl ꞌcĩ hooyyia. Baa aꞌnyahaanneet Mũũꞌtha Ijjiba, nẽẽthĩ ꞌyioko, erekeet ꞌgii ꞌcĩ adak ĩnõõnnõ hiꞌnginõõthĩ ho!’

ꞌRooma 6:16

Hõllõngaa agayyu niig ngaatĩ iiginnu appahacaaꞌnya cĩg hẽlẽggĩ ꞌcĩg athiknu niiga? Occa iiginnu niig appahacaaꞌnya cĩg ꞌthẽccaanak nẽ adaaktu, hode occa iiginnu appahacaaꞌnya ꞌcĩg athiknu Nyekuc, ꞌcĩ hatĩ aaꞌnyuung ngagiit ũbũttaath rũgẽtaa cunuung.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

ꞌRooma 9:6

Nga hudhukia thõõth baa aduha Nyekuci. Hĩnĩngĩtĩ hõllõngaa lõhõlĩ ꞌcĩg Ĩꞌthĩraẽlĩ vẽlẽk ꞌcĩg ĩĩn Ĩꞌthĩraẽl.

1 Korinthia 6:2

Hõllõngaa agayyu niig aĩ, ẽttẽẽd hatĩ eeta cĩg Nyekuci thõõth cĩ eet cĩg looc nicci? Nẽ má õõ etteeddu thõõth cĩ looc nicci, occa hõllõngaa uuluyyu ngaatĩ akũmaneeku thooꞌthiok ꞌcĩg kidicig?

1 Korinthia 8:3

Nẽẽthĩ, ẽẽtĩ ꞌcĩ ammĩnan Nyekuc, aga Nyekuci ngaatĩ ammĩnanĩ nẽẽ ĩnõõnnõ.

Pilippi 1:22

Nẽẽthĩ, má haalla harugi naa ẽllaa, occa hatĩ hadticani dtiicanĩ ꞌcĩg abũnnaa. Nẽẽthĩ, hõllõngaa haga iina ꞌcĩ occa hẽbẽra.

Ebereei 1:1

Baangaani, baa gõõng othoothĩk Nyekuci hĩbaangĩ utugeetinii cĩg põrõvẽtaaꞌnyanu tabattĩ mẽẽlĩg ꞌgoolliohĩĩ cũũmõ cũũmõ.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.