ꞌRooma 11:14 - ꞌBuuk cĩ Thõõth cĩ Nyekuci

¹⁴ haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ.

ꞌRooma 11:14 ပူးပေါင်းရင်းမြစ်များ

ꞌThianaattõ 29:14

Ma nĩngaata, ĩĩnnĩk Labanĩ ĩnõõnnõ, “Ĩĩnĩ nii ngeerĩngoonona dẽẽdẽ.” Ma baa aau Yakobo nyĩlõk hõdẽĩ õlõõ cĩ maalõnĩ,

ꞌRooma 10:19

Nẽẽthĩ, hijino hĩĩna, athĩknĩ baa ꞌthẽk eeta cĩg Ĩꞌthĩraẽlĩ jurrung? Eei, baa athĩknĩ, tananga korrioohĩĩ baag Mũũꞌtha, baa õthõõth Nyekuci aĩ, “Haaꞌnyihi hatĩ naa Ĩꞌthĩraẽl hiinanit eet ꞌcĩg hõllõngaa aꞌnyak looc. Haaꞌnyihi hatĩ naa ĩhõõggõ hiliilliyyieek eet ꞌcĩg hõllõngaa aga ꞌgiimwa.”

ꞌRooma 11:11

Haini ꞌyioko naa ũtũbũrĩt eeta cĩg Ĩꞌthĩraẽlĩ Nyekuc ũdũt? Aitiõõ ũdũt! Aaꞌnyĩk thõõth ꞌcĩ abũrrĩ nẽẽg Nyekuc, heellia eeta ꞌcĩg hõllõngaa ĩĩn ꞌJudeei nẽ aaꞌnyĩk thõõth ciee eet ꞌcĩg Ĩꞌthĩraẽlĩ hiinanit ĩhõõggõ.

ꞌRooma 9:3

Hĩnĩngĩtĩ occa baa hadiimi naa ẽllaa caannĩ hĩccĩĩnĩ nẽ heꞌngerriooa hĩ Krĩstõ, hatĩ má occa ẽẽla thõõth ciee eet cĩgannĩg

1 Korinthia 1:21

Baa ẽggẽẽnyĩth Nyekuci ngaatĩ hõllõngaa aaꞌnyĩkĩ eet cĩg looc nicci hidticattõõĩ ꞌgẽẽnyĩth cĩnĩĩng hagayyi ĩnõõnnõ. Nẽẽthĩ hinnianĩ, baa ẽbẽra Nyekuci ngaatĩ ẽẽlĩ eet ꞌcĩg ẽlẽmĩ nyeemuut ꞌcĩ aggiithi ꞌcĩ hallimanna naag ko diooni.

1 Korinthia 10:33

tananga hĩcĩ hattĩmani naa haaꞌnyĩk eet haccamattoothĩk ꞌgoolliohĩ vẽlẽk. Hĩnĩngĩtĩ hõllõngaa hadiimi naa bũnnai caannĩ dioo, hadiimi bũnnai cĩ eet ꞌcĩg mẽẽlĩg, hátĩ heellia nẽẽgĩ.

1 Korinthia 7:16

Occa aga nii ngaa hutuno ngaatĩ ẽẽlanĩ maac cunni, hode occa aga nii maac hutuno, ngaatĩ occa ẽẽlanĩĩ ngaa cunni?

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

1 Timotteeo 2:4

Adiim Nyekuci eet vẽlẽk heellia, hátĩ hiita hagaacõ thõõth ꞌcĩ ĩĩn dĩdĩ.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

2 Timotteeo 2:10

Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.

Tiito 3:5

ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ,

Vilõmẽẽnõ 1:12

Hĩꞌthõõakii naa nganiit Onethimo ꞌgõõna cĩ ꞌthĩnĩtõ, hõbõda hikia hĩ nganiita.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

ꞌJeemith 5:20

Nẽẽthĩ, ummuhuttooth thõõth icci. Ẽẽtĩ ꞌcĩ ammiira ꞌthẽccannioohit ꞌgõõlaa ꞌcĩ abathĩ, ẽẽla ẽẽtĩ tĩho ĩnõõnnõ daahĩtha nẽ ũmmũt ꞌthẽccanẽẽt ꞌcĩg mẽẽlĩg gẽrrẽẽt.