ꞌRooma 10:9 - ꞌBuuk cĩ Thõõth cĩ Nyekuci

⁹ Hĩnĩngĩtĩ má uduha nii ũtũũgaa cunni iinu, “Ĩĩn Yeesu Makayyioohit,” nẽ elemu ꞌthĩnĩtaa cunni iinu, baa arũgtha Nyekuci ĩnõõnnõ daahĩtha, eellia hatĩnĩ.

ꞌRooma 10:9 ပူးပေါင်းရင်းမြစ်များ

ꞌLuuka 12:8

“Huduhaahuunga, ẽẽtĩ ꞌcĩ ẽtẽrꞌtha ẽlẽ cĩnnĩ hõrggẽẽnaa cĩ eetu aĩ hĩĩnĩ caannĩ, ẽtẽrꞌtha hatĩ Ngeertĩ Eeto ĩnõõnnõ buúk hõrggẽẽnaa cĩ aajĩlẽẽt cĩg Nyekuci.

Yõaannẽ 9:22

Baa õthõõth maaꞌnyia hĩ aattĩnnĩ hoti, hĩnĩngĩtĩ baa iꞌngolli nẽẽg eet cĩg ꞌJudeei, hĩnĩngĩtĩ baa aarrik nẽẽg thõõth ꞌcĩ iiggiaẽẽkĩ eet ꞌcĩ ẽlẽmĩ aĩ ĩĩn Yeesu Krĩstõ ho, ꞌCieethaa cĩ Laiitto battaala.

Dtiicanĩ cĩg ꞌThooyyiahu 16:31

Ẽdẽcĩ Paaulo hĩ ꞌThĩĩla anneek, “Ẽlẽ, lẽẽm Makayyioohit Yeesu, hátĩ eellia nii hĩ halang cunni vẽlẽk.”

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 8:36

Ma baa nga ẽdẽcĩ nẽẽg ꞌgõõla, iita ummuddiaak nĩngĩtĩ õllõõdĩkĩ maama nẽ ĩĩ ꞌgaalacĩ, “Cĩĩn nõõ, maam ũgĩ cieegi. Ĩcca occa hõllõngaa haggami baattithimo?”

ꞌRooma 10:10

Hĩnĩngĩtĩ má elemi nii ꞌthĩnĩtaa cunni aini, aaꞌnyi hatĩ Nyekuci bũna nẽ má uduha nii lemiinit hĩ Krĩstõ ũtũgaa cunni, eellia thĩ niina.

ꞌRooma 14:11

Eheeddi ꞌBuuhaa cĩ Nyekuci aĩ, “Aduha Makayyioohiti aĩ, ‘Habũtani rũgẽtaa caannĩ haini, akatĩ hatĩ eeta vẽlẽk huruꞌnyia muumaa caannĩ, nẽ ĩdĩhĩthĩt ꞌthaar cĩgannĩg!’ ”

ꞌRooma 14:9

Hĩnĩngĩtĩ thõõth icci, baa adaahĩ Krĩstõ nẽ ũrũga daahĩtha, hátĩ hĩĩ nẽẽ Makayyioohit cĩ daakiahu hĩ cĩ eet ꞌcĩg arũgĩ.

ꞌRooma 4:24

baa eheeddi thõõth ciee hĩĩ cĩnaac, hĩnĩngĩtĩ helemmi hatĩ naag buúk, hĩnĩngĩtĩ lemiinit cĩnaac hĩ Nyekuc, baa arũgtha Makayyioohit cĩnaac Yeesu daahĩtha.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

1 Korinthia 12:3

Nẽẽthĩ ꞌyioko, hadiimmuung naa ngagiit agaac ĩĩtõ, aitiõõ ẽẽtĩ ꞌcĩ occa õthõõth loriia cĩ Nyekuci hõllõngaa occa accĩĩn Yeesu nẽ aitiõõ ẽẽtĩ ꞌcĩ occa õthõõth aĩ, ĩĩn Yeesu Makayyioohit, hatĩ aitiõõ Lorii ꞌcĩ Ẽllẽẽmĩth hĩ ĩnõõnnõ tõõ.

Pilippi 2:11

nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit bulẽẽttaa cĩ Nyekuc Bangeet.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Yõaannẽ 4:15

Arũmĩ Nyekuci hõdẽĩ hĩ eet vẽlẽk ꞌcĩg aduha lothippita aĩ, ĩĩn Yeesu Ngeertĩ Nyekuci. ꞌGõõl ꞌcĩ harũmẽẽnĩ hõdẽĩ hĩ Nyekuc ko niccia,

2 Yõaannẽ 1:7

Haduhaakuung naa ngagiit thõõth icci, hĩnĩngĩtĩ ĩĩ mẽẽlĩg oloꞌngiaaha ꞌcĩg aauto looccaa nĩĩcĩ gẽrrẽẽt. Ẽppẽhan nẽẽg aĩ, baa hõllõngaa aꞌnyak Yeesu Krĩstõ ẽlẽ cĩ eet ꞌcĩ holli õõ. Ĩĩn eeta ꞌcĩg aattĩg noho, oloꞌngiaak nẽ ĩĩn mĩrõk cĩg Krĩstõ.