ꞌRooma 10:6 - ꞌBuuk cĩ Thõõth cĩ Nyekuci

⁶ Nẽẽthĩ, aduha bũnnai ꞌcĩ aku lemiitta aĩ, “Ma hothooꞌthu ꞌthinneetinitõõ hainnu, ‘Nganĩ ꞌcĩ occa õtõd hẽẽtahujjieen?’ ” Nĩngĩtĩ aĩ, hũũk haꞌnyaha Krĩstõ loota.

ꞌRooma 10:6 ပူးပေါင်းရင်းမြစ်များ

Yõaannẽ 6:33

Nẽ ũbũnĩ ꞌcĩ aaꞌnyĩk Nyekuci eet ko, ĩnõõnnõ ꞌcĩ alluuccia hẽẽtahujjieen hikia haaꞌnyĩk eet cĩg looc nicci rũgẽt.”

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 6:58

Ũbũnĩ baa aku hẽẽtahujjieen cieeni. Baa aduk hĩbaangĩ cugguung manna nẽ aalla adaahĩ noho, nẽẽthĩ, ẽẽtĩ ꞌcĩ aduk ũbũnĩ icci, arũgĩ hatĩ nẽẽ ũdũt.”

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 3:25

Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng.

ꞌRooma 4:13

Baa hõllõngaa ammũda Abũrahamĩ hĩ lõhõlĩ cĩg lõhõlĩ cĩgĩnnĩg, thõõth ꞌcĩ aduha Nyekuci, aĩ ĩĩn hatĩ nẽẽg ꞌrigiꞌthiook cĩg lootu, hĩnĩngĩtĩ nyattal. Nẽẽthĩ, baa ammũda, hĩnĩngĩtĩ bũnnai ꞌcĩ aku, hĩnĩngĩtĩ lemiinit.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.