ꞌRooma 10:3 - ꞌBuuk cĩ Thõõth cĩ Nyekuci

³ Hĩnĩngĩtĩ hõllõngaa aga eeta cĩg Ĩꞌthĩraẽlĩ ꞌgõõl cĩ bũnnai ꞌcĩ aku hĩ Nyekuc nẽ idiimito ngaatĩ ammũdaanĩ ꞌgõõl ꞌcĩ bũnnai cĩnĩĩng ẽmmẽn nẽ ũtũbũrĩt bũnnai cĩ Nyekuci.

ꞌRooma 10:3 ပူးပေါင်းရင်းမြစ်များ

ꞌLuuka 10:29

Baa adiim ẽtẽrꞌtha ẽẽtĩ nicciee ngaatĩ ĩĩnnĩ nẽẽ eet ꞌcĩ aga nyattal gẽrrẽẽt, nĩngĩtĩ ajini nẽẽ Yeesu tarĩ annẽẽkĩ, “Eet iina ꞌcĩ haaronna ho?”

ꞌLuuka 16:15

Nĩngĩtĩ annẽẽkĩ Yeesu ĩhõõggõ, “Gõõng ꞌthẽk ngagiit ꞌcĩg athĩngõnyannu ainnu abũnnayyu hẽbẽrẽẽnnĩĩ cĩg eet vẽlẽk. Nẽẽthĩ, aga Nyekuci ꞌthinneeti cugguung. ꞌGii ꞌcĩ tiiri hĩ eeta, ĩĩn ꞌgii ꞌcĩ abathĩ hĩ Nyekuc.”

ꞌRooma 1:17

Aduha nyeemuut ꞌcĩ abũnnaa ho, ꞌgõõl ꞌcĩ elemmeet Nyekuci hĩĩtõ tẽllĩg muumaa cĩnnĩ. Iꞌthianaanĩ thõõth ciee nẽ ũttũbanoothĩk lemiitta. Attũbanoothĩk thõõth ciee ꞌthianaatta ĩꞌthõng decciaanĩt lemiitta. Hĩcĩ aduha ꞌBuuhi cĩ Nyekuci aĩ, “Arũgĩ hatĩ ẽẽtĩ ꞌcĩ ẽlẽmĩ Nyekuci, hĩnĩngĩtĩ lemiinit.”

ꞌRooma 10:2

Hĩnĩngĩtĩ occa haduha naa haini, ammĩnan nẽẽg Nyekuc, nẽẽthĩ hinnia, mĩnnanĩ cĩnĩĩng ko, hõllõngaa aku hĩ ꞌgẽẽnyĩth.

ꞌRooma 10:20

Baa hõllõngaa itieelli põrõvẽtaacĩ Iꞌthaia ngaatĩ aduhaanĩ thõõth cĩ Makayyiookto aĩnnĩ, “Baa ummuddiaawa eeta baag hõllõngaa adiimma nganĩĩta. Nẽ huppwaannaha eet baag hõllõngaa ajinna nganĩĩta.”

ꞌRooma 11:7

Aĩ thõõth ciee nẽẽ, eet cĩg Ĩꞌthĩraẽlĩ ꞌcĩg abadtẽc haaga ꞌcĩg eberriaa ꞌcĩg ummuddia thõõth ꞌcĩ baa attarraaban nẽẽg vẽlẽk ko. Nẽ aaꞌnyĩk Nyekuci ũgĩ hidiitti ooti pĩd,

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 3:26

Baa adĩman Nyekuci hoti, hátĩ hẽtẽrẽtha bũnnai cĩnnĩ kõr nicci noho nẽ uduha ĩĩ, ĩmmĩrĩt ꞌthẽccanniooha, hĩnĩngĩtĩ baa athĩhĩ Yeesu Nyekuc.

ꞌRooma 5:19

Baa hõllõngaa athĩhĩ Aadamĩ thõõth cĩ Nyekuci nẽ ĩtĩhĩĩnak eet ꞌcĩg mẽẽlĩg hĩĩtõ ꞌthẽccanniook. Nẽẽthĩ, baa athĩhĩ Yeesu Nyekuc nẽ aaꞌnyĩk eet ꞌcĩg mẽẽlĩg hũbũttaathõ muumaa cĩ Nyekuci.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.