ꞌRooma 10:2 - ꞌBuuk cĩ Thõõth cĩ Nyekuci

² Hĩnĩngĩtĩ occa haduha naa haini, ammĩnan nẽẽg Nyekuc, nẽẽthĩ hinnia, mĩnnanĩ cĩnĩĩng ko, hõllõngaa aku hĩ ꞌgẽẽnyĩth.

ꞌRooma 10:2 ပူးပေါင်းရင်းမြစ်များ

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Dtiicanĩ cĩg ꞌThooyyiahu 21:20

Ma baa athĩhĩ eeta vẽlẽk thõõth icci ho, iita atalit Nyekuc gẽrrẽẽt. Ma ho, ĩĩttĩk Paaulo, “ꞌGõtõna, cĩĩn nõõ ꞌgõõl ꞌcĩ au ĩĩnnĩ eeta cĩg ꞌJudeei ꞌcĩg ĩĩn aalibꞌnya ꞌcĩg mẽẽlĩg ko nuyyiook! Nẽ aalla aꞌthũũnnĩ Nyattal cĩ Mũũꞌtha gẽrrẽẽt.

Dtiicanĩ cĩg ꞌThooyyiahu 21:28

nẽ urruuyyioĩ ĩĩtõ, “Eeta cĩg Ĩꞌthĩraẽlĩ, eellieetu! Eet gõõng alliman eet vẽlẽk lokor nicci thõõth ꞌcĩ abathĩ hĩ eet cĩggaac hĩ nyattal cĩnaac, hĩ halang cĩ ꞌCieeth icci Nyekuci ho cieeni. Aꞌnyaha nẽẽ ngaaoni ngaatĩ aduknaanĩ eet ꞌcĩg ꞌGirihi ngaatĩ aꞌngirannii ꞌCieethaa cĩ Nyekuci nẽ ẽꞌthẽcan nĩngĩtĩ ẽllẽẽmĩth ko.”

Dtiicanĩ cĩg ꞌThooyyiahu 22:22

Baa athĩknĩ lothippiti ĩꞌthõng hẽdẽcaak Paaulo thõõth icci. Ma ho, iꞌthiattaaĩ awacahit ĩĩtõ, “Ammanyattõõĩ eet icci! Hõllõngaa ꞌthẽk occa arũgĩ!”

Dtiicanĩ cĩg ꞌThooyyiahu 22:3

“Hĩĩnĩ naa ꞌJudeeinit ꞌcĩ harittia ꞌtaaũnaa cĩ ꞌTaartho, looccaa cĩ ꞌCilicia, nẽẽthĩ, baa halĩꞌtha ꞌtaaũnaa cĩ. Baa hĩĩnĩ naa loholeec cĩ ꞌthukuul cĩ ꞌGamalieelĩ ꞌcĩ hallimannia nyattaalaa cĩ nyakangaaꞌnya cĩggaac. Nẽ dĩdĩ, haccamanaa naa buúk Nyekuc haau hĩcĩ accamanaannu niig kõr nicci ho.

ꞌRooma 10:1

ꞌGotoonoga hĩ ngoonoga, abũraneek nganĩĩt ꞌthĩnĩt nẽ hala naa Nyekuc, hátĩ horoong heellia eeta cĩg Ĩꞌthĩraẽlĩ.

ꞌRooma 10:3

Hĩnĩngĩtĩ hõllõngaa aga eeta cĩg Ĩꞌthĩraẽlĩ ꞌgõõl cĩ bũnnai ꞌcĩ aku hĩ Nyekuc nẽ idiimito ngaatĩ ammũdaanĩ ꞌgõõl ꞌcĩ bũnnai cĩnĩĩng ẽmmẽn nẽ ũtũbũrĩt bũnnai cĩ Nyekuci.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

2 Korinthia 8:3

Nẽ haduha dĩdĩ haini, baa attiha nẽẽg ꞌbaaninit ꞌcĩ maka hĩllõõan ꞌcĩ occa baa attiha nẽẽg ẽmmẽn. Hĩnĩngĩtĩ baa adiim nẽẽg adĩman noho.

ꞌGalaaꞌthia 1:14

Baa hĩĩnĩ naa ꞌJudeeinit ꞌcĩ habũnna gẽrrẽẽt, ngaatĩ haꞌthũũnnĩ nyepitee baa aarĩk nyakangaaꞌnya cĩgannĩg, hĩllõõan eet ꞌcĩg halĩꞌthaanna hĩ nganĩĩt hõdẽĩ vẽlẽk.

ꞌGalaaꞌthia 4:15

Ũũk taliiniti baa gõõng haccamanõõthĩkĩ naag ĩĩna? Haga naa occa baa õttõccakaangu niig nganĩĩt hẽbẽrĩ cugguung hĩcĩnõõĩ naa waathinnioohĩĩ nĩĩcag, má baa hũbũna ngaatĩ occa adĩmannu noho.

Pilippi 1:9

Halayyi naa, hátĩ haala hĩtĩlĩth mĩnnanĩ cunuung hũũk ĩĩcĩ oou nẽ agayyu nẽ tarĩ ĩthĩktu jurrung.

Pilippi 3:6

Nẽ baa hẽmmẽdaanĩ naa ngaatĩ hẽhẽcĩ lothippit cĩ lemmiook cĩg Krĩstõ ũgĩ nẽ huruha ũgĩ. Baa hadĩmani naa thooꞌthiok vẽlẽk ꞌcĩg adiim nyattalĩ jurrung hammuhi hinnia haini, hátĩ haccamanoothĩk Nyekuci.

Kolooꞌthe 4:13

Hĩcĩna naa thõõth ꞌcĩ adticaniini nẽẽ gẽrrẽẽt, hĩnĩngĩtĩ ngagiita, hĩ lemmiook cĩg ꞌtaaũn cĩ Laodicea hĩ cĩg Hierapoli buúk.