ꞌRooma 10:17 - ꞌBuuk cĩ Thõõth cĩ Nyekuci

¹⁷ Nẽẽthĩ, aku lemiiniti, hĩnĩngĩtĩ thĩhẽẽnĩt cĩ nyeemuut ꞌcĩ abũnnaa nẽ aduha nyeemuut ciee thõõth cĩ Krĩstõ.

ꞌRooma 10:17 ပူးပေါင်းရင်းမြစ်များ

Maarko 4:24

Nẽ uduhaak Yeesu ĩhõõggõ tarĩ ĩĩnnĩk, “Uꞌthuutti thooꞌthiok ꞌcĩg athiknu niig ko jurrung. ꞌGii ꞌcĩ adĩmaneeku niig eet umwa, adĩmaneekuung hatĩ Nyekuci ngagiit buúk ꞌgõõlaa tĩho dioo, komiitta ꞌcĩ ĩllõõan gẽrrẽẽt.

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

ꞌLuuka 8:11

“Aĩ ꞌlimmanĩ ꞌcĩ awantoothĩk ko nẽẽ, ĩthakꞌthoothĩk hinyomona ꞌcĩg athacci ho thõõth cĩ Nyekuci.

ꞌLuuka 8:21

Ẽdẽcĩ hinnia Yeesu ĩnõõnnõ anneek, “Morwahit hĩ ꞌgotoonoga eeta ꞌcĩg athĩhĩ thõõth cĩ Nyekuci nẽ idticattõõĩ.”

Yõaannẽ 1:37

Ma baa athĩhĩ nuyyiooha ꞌcĩg ĩĩn ꞌramma thõõth icci ho, iita unuyyiõõthĩ Yeesu.

ꞌRooma 1:16

Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌRooma 10:14

Nẽ occa ẽlẽmĩ nẽẽg eet ꞌcĩ nga hagaacõ hutuno? Occa ẽlẽmĩ nẽẽg eet ꞌcĩ nga hĩthĩhĩt hutuno? Nẽ occa athĩhĩ nẽẽg hatĩ aitiõõ ẽẽtĩ ꞌcĩ irrioonĩk ĩhõõggõ tõõ hutuno?

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

ꞌGalaaꞌthia 3:2

Hadiimi naa haga ꞌgii hõdẽẽthõng diooni hĩ ngagiita. Ammũdaannu baa niig Lori ꞌcĩ Ẽllẽẽmĩth, hĩnĩngĩtĩ aꞌthuunnu nyattal cĩ Mũũꞌtha, hode hĩnĩngĩtĩ elemtu thõõth baa allimanoothikuung ngagiita?

ꞌGalaaꞌthia 3:5

Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

Ebereei 4:2

Baa hĩthĩhĩt naag nyeemuut ꞌcĩ abũnnaa ho, hĩ baa athĩhĩ eeta cĩg Ĩꞌthĩraẽlĩ. Nẽ baa ũtũbũrĩt nẽẽg thõõth baa ĩthĩhĩt ẽlẽk. Ma ho, iittiõõ nyeemuut ciee hõllõngaa ẽẽl ĩhõõggõ, hĩnĩngĩtĩ hõllõngaa aꞌnyak nẽẽg lemiinit.

1 Pẽẽtũrũ 1:23

Baa aaꞌnyuung Nyekuci ngagiit rũgẽt ꞌcĩ ĩĩn ngeju ꞌcĩ hõllõngaa aku ꞌgiiaa ꞌcĩ occa adaahĩ, nẽẽthĩ, aku ꞌgiiaa ꞌcĩ hõllõngaa occa adaahĩ. Baa ittirriaau niig tarĩ, nyeemuutaa cĩ Nyekuci ĩcĩ arũgĩ ũdũt.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.