ꞌRooma 10:16 - ꞌBuuk cĩ Thõõth cĩ Nyekuci

¹⁶ Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 10:16 ပူးပေါင်းရင်းမြစ်များ

Maatteeo 13:14

Nĩngĩtĩ aku ĩĩnnĩ thõõth baa Nyekuci dĩdĩ baa aduha põrõvẽtaacĩ Iꞌthaia aĩ, ‘Arayyu hatĩ athĩkneennu nẽ hõllõngaa agayyu ũdũt; arayyu hatĩ atarraabannu nẽ hõllõngaa ammũdaannu ũdũt.

Yõaannẽ 10:26

Nẽẽthĩ, aitiõõ niig hõllõngaa ẽlẽmmaangu nganĩĩt, hĩnĩngĩtĩ hõllõngaa iiginnu niig aꞌtha cĩgannĩg.

Dtiicanĩ cĩg ꞌThooyyiahu 28:24

Ma ho, iita elemit eeta ũgẽẽgĩ thooꞌthiok ꞌcĩg aduha Paaulo ho, nẽẽthĩ hinnia, baa abũrĩ ũgẽẽgĩ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 11:17

Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci.

ꞌRooma 16:26

Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ.

ꞌRooma 2:8

Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt.

ꞌRooma 3:3

Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 4:2

Baa hĩthĩhĩt naag nyeemuut ꞌcĩ abũnnaa ho, hĩ baa athĩhĩ eeta cĩg Ĩꞌthĩraẽlĩ. Nẽ baa ũtũbũrĩt nẽẽg thõõth baa ĩthĩhĩt ẽlẽk. Ma ho, iittiõõ nyeemuut ciee hõllõngaa ẽẽl ĩhõõggõ, hĩnĩngĩtĩ hõllõngaa aꞌnyak nẽẽg lemiinit.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.

1 Pẽẽtũrũ 3:1

Nẽẽthĩ, má ĩĩnĩ ngaa cĩ eeto, adiim athihi thõõth cĩ maac cunni. Tananga abũrĩ nẽẽ nyeemuut cĩnaang, aaꞌnyihi hatĩ nii ĩnõõnnõ hikia hĩĩ lemmioohit ꞌgõõlaa ꞌcĩ adĩmanĩĩ thooꞌthiok ꞌcĩg abũnnaa. Iittiõõ hatĩ eet umwaa ꞌcĩ occa aduhaak ĩnõõnnõ thõõth ꞌcĩ aku ĩĩnnĩ nẽẽ Lemmioohit tõõ,