ꞌRooma 10:15 - ꞌBuuk cĩ Thõõth cĩ Nyekuci

¹⁵ Occa irrioonĩk nẽẽg eet hutuno hatĩ nga hĩꞌthooyyii nẽẽgĩ? Hĩcĩ eheeddi ꞌBuuhaa cĩ Nyekuci aĩ, “Ĩĩn occa ꞌlẽẽmĩthĩ cĩ ꞌthoo cĩg eet ꞌcĩg aꞌnyaha nyeemuut ꞌcĩ abũnnaa hutuno?”

ꞌRooma 10:15 ပူးပေါင်းရင်းမြစ်များ

Maatteeo 9:38

Nẽẽthĩ hoti ho, ijinit Makayyioohit cĩ manu haꞌnyaha dticcianniook cĩg janiittak manatõõ cĩnnĩ.”

ꞌLuuka 10:1

Ma urutaa cĩnnĩ, ẽbẽra Yeesu Makayyioohiti nuyyiook hẽẽn tũkĩramma hĩ ꞌramma tarĩ nẽ ĩꞌthõ hĩ ꞌramma hĩ ꞌramma, hutuwattĩ hõõt ꞌtaaũnnioohĩ hĩ ꞌgoolliohĩ vẽlẽk ĩcĩg hatĩ õkõõĩ nẽẽnĩ.

ꞌLuuka 2:10

Ma nĩngaata, ĩĩnnĩk aajĩlõ nicciee ĩhõõggõ, “Ma hiteelinnu, haꞌnyahaakuung naa ngagiit nyeemuut ꞌcĩ abũnnaa gẽrrẽẽt, ꞌcĩ hatĩ aaꞌnyahaak eet vẽlẽk taliinit cobbi gẽrrẽẽt.

ꞌLuuka 2:14

“Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

ꞌLuuka 8:1

Ma urutaa cĩnnĩ, ĩtĩnga Yeesu ũũk illimaneek eet nyeemuut ꞌcĩ abũnnaa cĩ habuccieet cĩ Nyekuci ꞌtaaũnnioohĩ hĩ olooyyiohĩ. Baa õõkõr nẽẽ hĩ ꞌthooyyiak baag ĩĩn õmmõtõ hĩ ꞌramma,

Yõaannẽ 20:21

Nẽ õbõdẽẽhĩ Yeesu õthõõth tarĩ ĩĩ, “Aꞌnyĩĩk ganõn haau hĩ ngagiita! Hĩ baa ĩꞌthõõannaa nganĩĩt Baaba, hĩꞌthooyyuung naa ngagiit buúk.”

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

Dtiicanĩ cĩg ꞌThooyyiahu 13:26

“ꞌGotoonoga hĩ ngoonoga, lõhõlẽẽtĩg Abũrahamĩ hĩ ngagiit eet ꞌcĩg hõllõngaa iiginnu eet cĩg ꞌJudeei nẽ iꞌngolinnu Nyekuc ko, ngagĩĩt vẽlẽk ꞌcĩg baag iꞌthooyyiakeet nyeemuut ciee elliitto ho.

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 1:15

Ĩnõõ ꞌcĩ habũranẽẽkĩ naa ngaatĩ hirriõõnĩ nyeemuut ꞌcĩ abũnnaa hĩ ngagiit buúk ꞌcĩg aattiyyu ꞌRoomattĩ ho.

ꞌRooma 15:20

Baa gõõng ĩĩn ꞌrianĩĩth caannĩ ꞌcĩ hirrioonĩ nyeemuut ꞌcĩ abũnnaa gẽrrẽẽt, ngaatĩ nga hagaõõĩ Krĩstõ, hátĩ hiittiõõ hõllõngaa hiꞌthianaanĩ dtiic caannĩ dtiicaa ꞌcĩ baa iꞌthianaaĩ eet umwaa ẽlẽk.

Eevvetho 2:17

Baa aꞌnyahaakuung nẽẽ ngagiit Nyeemuut icci Abũnnaa cĩ ganõnõõ ho, eet ꞌcĩg hõllõngaa iiginnu ꞌJudeei, baa iiginnu ꞌrẽẽttĩg hĩ ĩnõõnnõ nẽ aꞌnyahaak ganõn eet cĩg ꞌJudeei ꞌcĩg õbõhõõ hĩ ĩnõõnnõ.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 6:15

Itihimit ganõn ꞌcĩ aku nyeemuutaa ꞌcĩ abũnnaa hĩ caawa, hátĩ ũkũmattoothĩk jurrung.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.