ꞌRooma 10:14 - ꞌBuuk cĩ Thõõth cĩ Nyekuci

¹⁴ Nẽ occa ẽlẽmĩ nẽẽg eet ꞌcĩ nga hagaacõ hutuno? Occa ẽlẽmĩ nẽẽg eet ꞌcĩ nga hĩthĩhĩt hutuno? Nẽ occa athĩhĩ nẽẽg hatĩ aitiõõ ẽẽtĩ ꞌcĩ irrioonĩk ĩhõõggõ tõõ hutuno?

ꞌRooma 10:14 ပူးပေါင်းရင်းမြစ်များ

Yõõna 1:16

Ma ho, iita itingolli eeta cĩg haahũlaak thõõth icci gẽrrẽẽt, nĩngĩtĩ ĩbbõõrĩkĩ nẽẽg Makayyioohit ꞌgaarrieenit nẽ ũbũtanit ngaatĩ adticanõõthĩkĩ ĩnõõnnõ.

Yõõna 1:5

Ma ho, iita abarritit dticcianniooha cĩg haahũl cobbi ho gẽrrẽẽt, nĩngĩtĩ alaĩ nyekuꞌnya cĩggĩĩng. Nẽ tarĩ udhukteek ijjio cĩggĩĩng ũgĩ bũlũcatõõ, aĩ hátĩ hõõlõl haahũlĩ. Kõr tĩho, ĩko nẽẽ hinnia atangu Yõõna ngaamwaanĩ haahũlatõõ loota.

Maatteeo 20:7

“Ẽdẽcĩ eeta tĩko ĩnõõnnõ anneek, ‘Hĩnĩngĩtĩ aitiõõ ẽẽtĩ ꞌcĩ alũtteet nẽ aaꞌnyeet dtiic tõõ.’ “Ẽdẽcĩ nẽẽ ĩhõõggõ anneek, ‘Õõt idticattõ niig buúk manaa caannĩ ĩcĩ viinoo.’

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Yõaannẽ 9:36

Ẽdẽcĩ rubenniaahiti nicciee anneek, “Makayyioohit, duhaahaa eet tĩho, hátĩ hẽlẽm ĩnõõnnõ.”

Dtiicanĩ cĩg ꞌThooyyiahu 19:2

nẽ ijin ĩhõõggõ ĩĩnnĩk, “Aaꞌnyĩhoothĩhuung baa Lorii ꞌcĩ Ẽllẽẽmĩth, kõr baa elemmu niig Yeesu?” Ẽdẽcĩ nẽẽg aĩ “Aitiõõ, baa nga hĩthĩkta ngaatĩ aayyi Lorii ꞌcĩ Ẽllẽẽmĩthĩ.”

Dtiicanĩ cĩg ꞌThooyyiahu 8:31

Ẽdẽcĩ nẽẽ aĩ, “Hathihi ꞌthẽk tarĩ hutuno ẽlẽ? Ma haau eet umwaa ꞌcĩ aduhaakaanĩ, occa nuun hathihi.” Nĩngĩtĩ aduhaakĩ nẽẽ Pilippo hikia hũrũmtĩ hĩ ĩnõõnnõ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

Eevvetho 2:17

Baa aꞌnyahaakuung nẽẽ ngagiit Nyeemuut icci Abũnnaa cĩ ganõnõõ ho, eet ꞌcĩg hõllõngaa iiginnu ꞌJudeei, baa iiginnu ꞌrẽẽttĩg hĩ ĩnõõnnõ nẽ aꞌnyahaak ganõn eet cĩg ꞌJudeei ꞌcĩg õbõhõõ hĩ ĩnõõnnõ.

Eevvetho 4:21

Dĩdĩ, iita agayyu niig ĩnõõnnõ nẽ baa illimatteeu niig thõõthaa cĩnnĩ ꞌgõõlaa cĩ thõõth ꞌcĩ ĩĩn dĩdĩ, ꞌcĩ aaĩ hĩ Yeesu.

2 Timotteeo 4:17

Nẽẽthĩ, baa Makayyioohit dioo ꞌcĩ abĩlĩ dhoortaa caannĩ nẽ aaꞌnya ꞌtirrian, hátĩ hillimaneek eet nyeemuut cĩ Nyekuci nẽ ĩthĩhĩt eeta ꞌcĩg hõllõngaa ĩĩn ꞌJudeei vẽlẽk, hĩnĩngĩtĩ nganĩĩta nẽ heellia ũtũũgaa cĩ ꞌmaaõ.

Tiito 1:3

Ma kõr baa ẽbẽraanna nẽẽ nganĩĩta, ikia uppulanaaha Nyekuci Ellioohiti cĩnaac nyeemuut icci, ꞌlimmaanaa baa aaꞌnyĩhoothĩkaa nganĩĩta.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

ꞌJeemith 5:15

Aaꞌnyĩk hatĩ laiiniti cĩ lemiinit cunuung eet ꞌcĩ õmmõõrĩ ho hũbũna. Aaꞌnyĩk hatĩ Makayyioohiti ĩnõõnnõ hĩtĩnga haau ꞌjieena. Ma baa ĩĩn eet ꞌcĩ ẽꞌthẽcanõõ, ũũnnĩk hatĩ Makayyioohiti ꞌthẽccanẽẽt cĩgĩnnĩg.