ꞌRooma 10:10 - ꞌBuuk cĩ Thõõth cĩ Nyekuci

¹⁰ Hĩnĩngĩtĩ má elemi nii ꞌthĩnĩtaa cunni aini, aaꞌnyi hatĩ Nyekuci bũna nẽ má uduha nii lemiinit hĩ Krĩstõ ũtũgaa cunni, eellia thĩ niina.

ꞌRooma 10:10 ပူးပေါင်းရင်းမြစ်များ

Maarko 9:23

Ẽdẽcĩ Yeesu ĩnõõnnõ anneek, “Inni nii ĩnnĩhaa nganĩĩt occa adĩmani ꞌgiimwa ho? Ammũjĩ hẽlẽggĩ vẽlẽk hĩ eet ꞌcĩ aꞌnyak lemiinit.”

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

Dtiicanĩ cĩg ꞌThooyyiahu 8:37

Nĩngĩtĩ aĩnnĩ Pilippo, “Má elemmi ꞌthĩnĩtaa cunni vẽlẽk, occa ꞌthẽk aggami.” Ma ho, ẽdẽc ꞌgaalacĩ ĩĩ, “Helemi naa ngaatĩ ĩĩnnĩ Yeesu Krĩstõ Ngeertĩ Nyekuci.”

ꞌRooma 10:11

Hĩcĩ aduha ꞌBuuhi cĩ Nyekuci aĩ, “Ẽẽtĩ ꞌcĩ ẽlẽmĩ ĩnõõnnõ, hõllõngaa hatĩ aggam ngaaoni ũdũt.”

ꞌRooma 10:9

Hĩnĩngĩtĩ má uduha nii ũtũũgaa cunni iinu, “Ĩĩn Yeesu Makayyioohit,” nẽ elemu ꞌthĩnĩtaa cunni iinu, baa arũgtha Nyekuci ĩnõõnnõ daahĩtha, eellia hatĩnĩ.

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

1 Yõaannẽ 4:15

Arũmĩ Nyekuci hõdẽĩ hĩ eet vẽlẽk ꞌcĩg aduha lothippita aĩ, ĩĩn Yeesu Ngeertĩ Nyekuci. ꞌGõõl ꞌcĩ harũmẽẽnĩ hõdẽĩ hĩ Nyekuc ko niccia,

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.