ꞌRooma 1:9 - ꞌBuuk cĩ Thõõth cĩ Nyekuci

⁹ Ĩĩn Nyekuci ꞌcĩ hadticanoothihi naa ꞌthĩnĩtaa caannĩ vẽlẽk, hirrioonĩk eet nyeemuut ꞌcĩ abũnnaa cĩ Ngeerĩnĩ ho, hebereec caannĩ ꞌcĩ aga ꞌgõõl ꞌcĩ hammuhaannuung naa ngagiit hõdõõkõthĩ

ꞌRooma 1:9 ပူးပေါင်းရင်းမြစ်များ

Maarko 1:1

Ĩĩn ciee ꞌthianaanĩt cĩ nyeemuut ꞌcĩ abũnnaa cĩ Ngeertĩ Nyekuci Yeesu Krĩstõ.

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

Dtiicanĩ cĩg ꞌThooyyiahu 12:5

Nĩngĩtĩ aarĩhõõthĩkĩ Pẽẽtũrũ baabuuth nẽẽthĩ, baa ala lothippiti cĩ lemmioohu Nyekuc gẽrrẽẽt, hĩnĩngĩtĩ ĩnõõnnõ.

Dtiicanĩ cĩg ꞌThooyyiahu 19:21

Ma urutaa cĩ thooꞌthiok iccig vẽlẽk, ummuk Paaulo ngaatĩ õkõõyyĩ ꞌJeruꞌthalẽma adukni ꞌgõõlaa ꞌcĩ õkõ looccaa cĩ Maccedoonia hĩ looccaa cĩ Acaia. Nĩngĩtĩ aĩnnĩ Paaulo, “Ma hõdõlana ĩĩca, hõkõ hatĩ heheeroni ĩꞌthõng hõdõlan ꞌRooma buúk.”

Dtiicanĩ cĩg ꞌThooyyiahu 24:14

Nẽẽthĩ ꞌyioko helemi dĩdĩ, hala naa Nyekuc cĩ hĩbaangĩ cĩggaac hĩ nuyyioohiti cĩ ꞌgõõl cĩ Makayyioohit Yeesu, ꞌcĩ akanneek nẽẽg õlõng ko. Helemi thooꞌthiok vẽlẽk ꞌcĩg õõkõrõõ hĩ nyattal hĩ thooꞌthiok ꞌcĩg ẽhẽẽd põrõvẽtaaꞌnya,

Dtiicanĩ cĩg ꞌThooyyiahu 27:23

Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal,

Dtiicanĩ cĩg ꞌThooyyiahu 3:26

Ma baa ũrũgũtha Nyekuci dticciannioohit cĩnnĩ, baa nõõ ĩꞌthõõa nẽẽ ĩnõõnnõ hikia haggatanuung ngagiit hõdẽĩ hõdẽĩ ũtũngteek ꞌthẽccanẽẽta.”

ꞌRooma 9:1

Hothoothi naa thõõth dĩdĩ cĩ Krĩstõ, hõllõngaa hoolongi thõng, aduha ꞌthĩnĩt caannĩ thõõth icci Loriiaa ꞌcĩ Ẽllẽẽmĩthĩ,

2 Korinthia 1:23

Baa haari naa Nyekuc hĩĩ hebereec caannĩ. Ĩnõõ ꞌcĩ hõllõngaa hõbõdaanĩ naa ꞌtaaũnaa cĩ Korinthia tarĩ haini, hátĩ hiittiõõ hõllõngaa hakuu hiloottuung ngagiita.

2 Korinthia 11:31

Nyekuc Maaꞌnyĩ Makayyioohit cĩnaac Yeesu Krĩstõ, ꞌcĩ aga aĩ hõllõngaa hoolongi naana nẽ aꞌnyĩĩk hĩdĩhĩthĩ nẽẽ ooo!

ꞌGalaaꞌthia 1:20

Habũtani Nyekuc dĩdĩ, thõõth ꞌcĩ heheedi naa ho, ĩĩn thõõth dĩdĩ ꞌcĩ hiꞌthihi õlõng.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 1:3

Hanneehi naa Nyekuc hõdõõkõthĩ ĩlaallẽ hatĩ hammuhaannuung ngagiita.

Pilippi 1:4

Ma halayyi naana, halaiinnuung ngagiit vẽlẽk hõdõõkõthĩ taliitta,

Pilippi 2:22

Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

1 Tẽꞌthaloonika 1:2

Hanneeka naag Nyekuc hõdõõkõthĩ ĩlaallẽ, hĩnĩngĩtĩ ngagiit vẽlẽk nẽ habbuꞌnguung ngagiit laiittaa cĩnaang.

1 Tẽꞌthaloonika 3:10

Halaiinna naag waathĩn hĩ baalin hõdõõkõthĩ ꞌthinneetinii cĩggaang dĩdĩ, hátĩ haaꞌnyeet Nyekuci hommottio tarĩ, hátĩ hiita haanytuung ngagiit thooꞌthiok ꞌcĩg nga aitiõõ lemiittaa cunuung ĩcĩ Nyekuci.

1 Tẽꞌthaloonika 5:17

Alayyio hõdõõkõthĩ.

1 Timotteeo 2:7

Nẽ baa ẽbẽraanna Nyekuci nganĩĩt hĩĩ eet ꞌcĩ hirriooni nyeemuut ꞌcĩ abũnnaa nẽ hĩĩna ꞌthooyyiahit ꞌcĩ hallimaneehi eet ꞌcĩg hõllõngaa ĩĩn ꞌJudeei, nyeemuut cĩ lemiitto hĩ cĩ thõõth ꞌcĩ ĩĩn dĩdĩ. Hõllõngaa hittoorihi naa thõõth umwa, haduha thõõth ꞌcĩ ĩĩn dĩdĩ.

2 Timotteeo 1:3

Hanneehi naa Nyekuc ꞌcĩ hadticanoothihi ꞌthĩnĩtaa ꞌcĩ tẽllĩ ho ĩlaallẽ, hĩ baa anneek nyakangaaꞌnya cĩggaac ĩnõõnnõ ĩlaallẽ. Hammuhaannii naa nganiit baalin hĩ waathĩn hiriiri, hatĩ hala Nyekuc.

Vilõmẽẽnõ 1:4

Ẽlẽ Vilõmẽẽnõ, hanneehi naa Nyekuc hõdõõkõthĩ ĩlaallẽ hatĩ halaiinni nganiita.