ꞌRooma 1:8 - ꞌBuuk cĩ Thõõth cĩ Nyekuci

⁸ Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

ꞌRooma 1:8 ပူးပေါင်းရင်းမြစ်များ

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

ꞌLuuka 2:1

Ma waathinniook nicciag, ikia uduhaak habuui cobbi cĩ ꞌRooma ꞌcĩ haĩ Agguutto eet looccaa cĩ ꞌRooma hũtũrũũr hõõt hitigiilli.

Dtiicanĩ cĩg ꞌThooyyiahu 11:28

Hõrggẽẽnaa cĩ põrõvẽtaaꞌnya iccig, baa aaĩ umwa ꞌcĩ haĩ Agabu. Eliittaa cĩ Loriio, uduha nẽẽ ngaatĩ hatĩ akuuni nyarõnĩ ꞌcĩ abathĩ dtẽc looc cĩ ꞌRooma hũtũrũũr. Nẽ baa uluba nyarõnĩ ciee irkiꞌnyiaannĩĩ baag ĩĩnnĩ Kalaudio habu cobbi.

Dtiicanĩ cĩg ꞌThooyyiahu 28:22

Hatabba ꞌyioko hathĩkna, aĩ muhẽẽnĩtĩ cunni neegi, hĩnĩngĩtĩ hagayya lokor nicci vẽlẽk, õthõõth eeta lothippit ꞌcĩ nga ĩĩn ngeju ho ꞌbuth.”

ꞌRooma 10:18

Nẽẽthĩ ꞌyioko, haini naa, nga baa hĩthĩhĩt eeta cĩg Ĩꞌthĩraẽlĩ? Aitiõõ ũdũt, ĩthĩhĩta! Aduha ꞌBuuhi cĩ Nyekuci aĩ, “Baa udukia nyeemuut loonyini vẽlẽk loota nĩnga. Baa irriõõnĩ looc vẽlẽk.”

ꞌRooma 16:19

Baa ĩthĩhĩt eeta vẽlẽk lemiinit cunuung nẽ haccamanoothihi naa gẽrrẽẽt, hĩnĩngĩtĩ ngagiita, nẽẽthĩ, hadiimmuung naa ngagiit eggeenyit thõõthaa ꞌcĩ abũnnaa nẽ ĩmmĩrru thõõthaa ꞌcĩ abathĩ.

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

1 Korinthia 1:4

Hanneehi naa Nyekuc hõdõõkõthĩ ĩlaallẽ, hĩnĩngĩtĩ ngagiit ngaatĩ aaꞌnyuung bũnnai cĩnnĩ ꞌthaarĩĩ cĩg Yeesu Krĩstõ.

2 Korinthia 2:14

Ĩlaallẽ hĩ Nyekuc ngaatĩ aaꞌnyĩkĩ Krĩstõ hutuanõõĩ nyeitee. Eelleet ngagĩĩt Nyekuci buúk, ngaatĩ hõõ hĩꞌthaanĩka nyeemuut cĩ Krĩstõ ꞌcĩ ẽmmẽdĩ loonyini vẽlẽk nẽ õꞌngõlĩ nyeemuut ciee haau hĩgõõng mõhõõkacĩ.

Eevvetho 1:15

Ngaanĩngĩtĩ hathĩknĩ naa thõõth ꞌcĩ elemmu niig Makayyioohit Yeesu hĩ mĩnnan ꞌcĩ ammĩnannu eet vẽlẽk cĩg Nyekuci,

Eevvetho 1:16

nga hĩbĩl naa ngaatĩ hannẽẽkĩ Nyekuc ĩlaallẽ, hĩnĩngĩtĩ ngagiita, hammuhaannuung naa ngagiit hatĩ halayyi.

Eevvetho 3:21

Aꞌnyĩĩk lothippit cĩ lemmioohu hĩ Yeesu Krĩstõ haanytĩk Nyekuc bulẽẽnĩt irkiꞌnyia hĩ irkiꞌnyia! Aamẽn.

Eevvetho 5:20

Ĩĩttĩk Nyekuc Baangeet ĩlaallẽ hõdõõkõthĩ, hĩnĩngĩtĩ thooꞌthiok vẽlẽk, ꞌthaarĩĩ cĩg Makayyioohit cĩnaac Yeesu Krĩstõ.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 1:3

Hanneehi naa Nyekuc hõdõõkõthĩ ĩlaallẽ hatĩ hammuhaannuung ngagiita.

Kolooꞌthe 1:3

Hanneeka naag hõdõõkõthĩ Nyekuc Maaꞌnyĩ Makayyioohit cĩnaac Yeesu Krĩstõ ĩlaallẽ, hatĩ halaiinnuung ngagiita.

1 Tẽꞌthaloonika 1:2

Hanneeka naag Nyekuc hõdõõkõthĩ ĩlaallẽ, hĩnĩngĩtĩ ngagiit vẽlẽk nẽ habbuꞌnguung ngagiit laiittaa cĩnaang.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

2 Timotteeo 1:3

Hanneehi naa Nyekuc ꞌcĩ hadticanoothihi ꞌthĩnĩtaa ꞌcĩ tẽllĩ ho ĩlaallẽ, hĩ baa anneek nyakangaaꞌnya cĩggaac ĩnõõnnõ ĩlaallẽ. Hammuhaannii naa nganiit baalin hĩ waathĩn hiriiri, hatĩ hala Nyekuc.

Vilõmẽẽnõ 1:4

Ẽlẽ Vilõmẽẽnõ, hanneehi naa Nyekuc hõdõõkõthĩ ĩlaallẽ hatĩ halaiinni nganiita.

Ebereei 13:15

Nẽẽthĩ hoti ho, haanytĩk Nyekuc ꞌgaarrieenit ꞌcĩ hadĩkꞌthĩ ĩnõõnnõ nẽ huduktaak hĩĩttĩk hathĩhĩ naag ĩnõõnnõ.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.