ꞌRooma 1:7 - ꞌBuuk cĩ Thõõth cĩ Nyekuci

⁷ Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 1:7 ပူးပေါင်းရင်းမြစ်များ

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Dtiicanĩ cĩg ꞌThooyyiahu 15:23

Baa ẽhẽẽd nẽẽg waraga ꞌcĩ aĩ, Hĩꞌthõõakuung naag ꞌthooyyiaha hĩ makayyiook ꞌthaainit ngagiit vẽlẽk eet ꞌcĩg hõllõngaa iiginnu ꞌJudeei ꞌcĩg aattiyyu Antioha hĩ loonyinii cĩg Thiiria hĩ ꞌCilicia.

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

ꞌRooma 1:6

Aattiyyu niig buúk hõrggẽẽnaa cĩ eet ꞌcĩg avva Yeesu Krĩstõ hĩĩtõ cĩgĩnnĩg ko.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

ꞌRooma 8:39

ꞌcĩ aku hẽẽtahujjieen hode ꞌtirrian ꞌcĩ aku loota, ꞌcĩ eꞌngerreet ngagĩĩt mĩnnaanaa cĩ Nyekuci. Hiꞌthihi ꞌgii ꞌcĩ occa eꞌngerreet ngagĩĩt hẽlẽggẽẽnnĩĩ vẽlẽk ĩĩcĩg ẽhẽnytaa mĩnnaanaa cĩ Nyekuci, hĩnĩngĩtĩ Yeesu Krĩstõ Makayyioohit cĩnaac.

ꞌRooma 9:25

hĩcĩ õthõõth Makayyioohiti eet ꞌcĩg hõllõngaa ĩĩn ꞌJudeei ꞌBuuhaa cĩ põrõvẽtaac Hoꞌthẽa aĩ, “Eeta baag hõllõngaa ĩĩn eet cĩgannĩg, hũtũvva hatĩ ꞌyioko ĩhõõggõ hĩĩnnĩha eet cĩgannĩg. Nẽ hĩmmĩnana eet baag nga hĩmmĩnan ĩĩcĩ oou.”

1 Korinthia 1:24

Nẽẽthĩ, hĩ eet ꞌcĩg aũ Nyekuci, ꞌJudeei hĩ ꞌGirik vẽlẽk, ĩĩn Krĩstõ ꞌtirrian cĩ Nyekuci nẽ ĩĩ ꞌgẽẽnyĩth cĩ Nyekuci.

1 Korinthia 16:23

Aꞌnyĩĩk bũnnai cĩ Makayyioohit Yeesu haau hĩ ngagiita.

2 Korinthia 13:14

Aꞌnyĩĩk bũnnai cĩ Makayyioohit cĩnaac Yeesu Krĩstõ hĩ mĩnnan cĩ Nyekuci hĩ rũmẽẽnĩt cĩ Lori ꞌcĩ Ẽllẽẽmĩth, haau hĩ ngagiit vẽlẽk.

ꞌGalaaꞌthia 6:18

ꞌGotoonoga hĩ ngoonoga ꞌcĩg iiginnu lemmiook cĩgannĩg ko, aꞌnyĩĩk bũnnai cĩ Makayyioohit Yeesu Krĩstõ haau loriẽẽtĩĩ cugguung vẽlẽk. Aamẽn.

Eevvetho 1:2

Halayyi naa, hátĩ hĩĩtõ Nyekuci Baangẽẽtĩ hĩ Makayyioohit cĩnaac Yeesu Krĩstõ, tarbalĩg hĩ ngagiit nẽ aggatattuung ngagiit ganõõna.

Eevvetho 6:23

Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga.

Pilippi 1:2

Halayyi naa haini, aꞌnyĩĩk Nyekuc Baangeet hĩ Makayyioohit Yeesu Krĩstõ, hĩĩtõ tarbalĩg hĩ ngagiit nẽ aggatattuung ngagiit ganõõna!

Pilippi 4:13

Occa hadticani ꞌgii vẽlẽk, hĩnĩngĩtĩ Krĩstõ ꞌcĩ aaꞌnya nganĩĩt ꞌtirrian ko.

Pilippi 4:20

Aꞌnyĩĩk Nyekuc Baangeet cĩnaac hĩdĩhĩthĩ ooo. Aamẽn.

Pilippi 4:23

Aꞌnyĩĩk bũnnai cĩ Makayyioohit Yeesu Krĩstõ haau hĩ ngagiita. Aamẽn.

Kolooꞌthe 1:2

Hẽhẽẽdakuung naag ngagiit waraga eet ꞌcĩg elleemmu nẽ aallannu elemmu thõõth cĩ Nyekuci, ꞌgotoonoga hĩ ngoonoga cĩg Krĩstõ ꞌtaaũnaa cĩ Kolooꞌthe. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac haau hĩ ngagiita.

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

1 Tẽꞌthaloonika 1:1

Nganĩĩt Paaulo, hĩ ꞌThĩĩla hĩ Timotteeo ꞌcĩg hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika waraga icci ho. Hẽhẽẽdakuung ngagiit eet ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Aꞌnyĩĩk bũnnai cĩ Nyekuci hĩ authet ꞌcĩ aattiyyu lõꞌngõõc, haau hĩ ngagiit vẽlẽk.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 1:4

ꞌGotoonoga hĩ ngoonoga, hagayyia naag ngaatĩ ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg,

1 Tẽꞌthaloonika 4:7

Baa avvaanneet ngagĩĩt Nyekuci hiita hĩĩtõ eet ꞌcĩg ẽllẽẽmĩth, ꞌcĩg haburi thooꞌthiok ꞌcĩg ĩĩn ꞌriiring.

1 Tẽꞌthaloonika 5:28

Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiit vẽlẽk.

2 Tẽꞌthaloonika 1:2

Aꞌnyĩĩk bũnnai cĩ Nyekuc Baangeet cĩnaac hĩ Makayyioohit Yeesu Krĩstõ, haggatanuung ngagiit aaut lõꞌngõõc.

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

2 Tẽꞌthaloonika 3:18

Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiit vẽlẽk.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

1 Timotteeo 6:2

Má aꞌnyaku niig eeta ꞌcĩg iiginnu appahacaaꞌnya makayyiook cugguung ꞌcĩg ĩĩn lemmiook cĩg Nyekuci, ma hamaaccu makaaꞌthĩt cĩnĩĩng, hĩnĩngĩtĩ ĩĩn nẽẽg ꞌgotoonogu ꞌthaarĩĩ cĩg Yeesu nẽ ammĩnannu niig buúk ĩhõõggõ. ꞌLimman thooꞌthiok iccig jurrung.

2 Timotteeo 1:2

Timotteeo, ĩĩnĩ nii loholeec caannĩ cĩ ꞌthĩnĩtõ. ꞌNyaak bũnnai hĩ tamaati hĩ authet ꞌcĩ aayyi lõꞌngõõc, ꞌcĩ aku hĩ Nyekuc Baangeet hĩ Makayyioohit cĩnaac Yeesu Krĩstõ.

2 Timotteeo 4:22

Aꞌnyĩĩk Makayyioohit haau loriiaa cunni. Aꞌnyĩĩk bũnnai cĩ Nyekuci haau hĩ ngagiita.

Tiito 1:4

Ẽlẽ Tiito, hẽhẽẽdakii naa nganiit waraga icci, aau nii hĩ loholeec caannẽẽnĩ, hĩnĩngĩtĩ helemit naag hĩ nganiit thõõth cĩ Nyekuci hõdẽĩ. Aꞌnyĩĩk Nyekuc Baangeet cĩnaac hĩ Makayyioohit Ellioohit cĩnaac Yeesu Krĩstõ, haanyti bũnnai nẽ aau lõꞌngõõc.

Vilõmẽẽnõ 1:25

Aꞌnyĩĩk bũnnai cĩ Makayyioohit Yeesu Krĩstõ haau hĩ ngagiita.

Vilõmẽẽnõ 1:3

Halayyi naa, hátĩ hĩĩtõ Nyekuci Baangẽẽtĩ cĩnaac hĩ Makayyioohit cĩnaac Yeesu Krĩstõ tarbalĩg hĩ ngagiit nẽ aggatattuung ganõõna!

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

1 Pẽẽtũrũ 1:15

Nẽẽthĩ, hĩcĩ ẽllẽẽmĩth ẽẽtĩ baa aũũyyuung ngagiita, elleemit niig buúk thooꞌthiohĩ vẽlẽk ĩcĩg adĩmannu niiga.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.

2 Yõaannẽ 1:3

Halayyi naa, hátĩ hĩĩtõ Nyekuci Baangẽẽtĩ hĩ Ngeerĩnĩ Yeesu Krĩstõ tarbalĩg nẽ atamaattiheet ngagĩĩta! Aꞌnyĩĩk nuun haanyteet ngagĩĩt ganõn, hĩ thõõth ꞌcĩ ĩĩn dĩdĩ, hĩ mĩnnan.

Terethiinit 2:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Eevvetho. “Duhaak anneek, aku nyeemuut nicciaa hĩ eet ꞌcĩ aggam mũnyũny tũkĩramma attiaa cobbi, nẽ õtõ hõrggẽẽnaa cĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt.

Terethiinit 2:12

Ma ho ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Pẽrgamo. “Duhaak anneek, nyeemuut ꞌcĩ aku hĩ eet ꞌcĩ aꞌnyak nyetuboot ꞌcĩ ꞌlẽhẽdĩ gẽrrẽẽt nicciaani.

Terethiinit 2:18

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thiatira. “Duhaak anneek, nyeemuut nicciaa ꞌcĩ ĩꞌthõõa Ngeertĩ Nyekuci, ꞌcĩ alanyĩt hẽbẽrĩ haauto hĩ lanyit cĩ ꞌgwoyyio nẽ attaalito ꞌthoona hĩ ꞌthĩĩha ꞌcĩg attalĩthĩ.

Terethiinit 2:29

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 22:21

Aꞌnyĩĩk bũnnai cĩ Makayyioohit Yeesu haau hĩ eet ꞌcĩg ẽllẽẽmĩth cĩg Nyekuci.

Terethiinit 3:14

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea. “Duhaak anneek, aku nyeemuut ciee hĩ eet ꞌcĩ haĩ Aamẽn, eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng.

Terethiinit 3:22

Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.