ꞌRooma 1:5 - ꞌBuuk cĩ Thõõth cĩ Nyekuci

⁵ Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 1:5 ပူးပေါင်းရင်းမြစ်များ

Yõaannẽ 1:16

Hĩnĩngĩtĩ makaaꞌthĩt cĩ bũnnai cĩnnĩ, hiita hummuddia naag vẽlẽk ꞌgattan tabattĩ mẽẽlĩg.

Dtiicanĩ cĩg ꞌThooyyiahu 1:25

hirigith dtiic cĩ ꞌthooyyiahit baa ũũnnĩk ꞌJuuda Ithkarioote nẽ ũũk ngaatĩnnĩ.”

Dtiicanĩ cĩg ꞌThooyyiahu 15:14

Ẽddẽbaheet ꞌThimõõnẽ ꞌgõõl ꞌcĩ baa akuuni Nyekuci ĩĩcĩ oou hĩ eet ꞌcĩg hõllõngaa ĩĩn ꞌJudeei nẽ aaꞌnyĩk ũgĩ hĩĩtõ eet cĩgĩnnĩg.

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

ꞌRooma 16:26

Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ.

ꞌRooma 3:29

Ĩĩn Nyekuci Nyekuc cĩ ꞌJudeei diooni? Hõllõngaa ĩĩn nẽẽ Nyekuc cĩ eet ꞌcĩg hõllõngaa ĩĩn ꞌJudeei buúk? Eei, ĩĩn nẽẽ Nyekuc cĩ eet ꞌcĩg hõllõngaa ĩĩn ꞌJudeei buúk!

1 Korinthia 15:10

Nẽẽthĩ, bũnnaiittaa cĩ Nyekuci, hĩĩna naa nganĩĩt hĩ ꞌyioko ho nẽ baa hõllõngaa hahirangĩĩ naa bũnnai cĩ Nyekuci haaga. Aitiõõ ũdũt, baa hadticannii naa hĩllõõan ꞌthooyyiak vẽlẽk, nẽẽthĩ, baa hõllõngaa nganĩĩt ẽmmẽn ꞌcĩ hadticannii ho, baa hadticannii hĩnĩngĩtĩ baa aaĩ bũnnai cĩ Nyekuci hĩ nganĩĩta.

1 Korinthia 9:2

Tananga hõllõngaa hĩĩnĩ naa ꞌthooyyiahit hĩ eet ũgĩ, hĩĩnĩ ꞌthooyyiahit hĩ ngagiit dĩdĩ! Hĩnĩngĩtĩ iiginnu eet dẽẽdẽ ꞌcĩg aggamoothĩka nganĩĩt dtiici ꞌcĩ hĩĩnnĩ ꞌthooyyiahit cĩ Makayyiookto ho.

Eevvetho 1:12

Baa adĩman nẽẽ hoti, hátĩ hidihiꞌthia naag ꞌJudeei ĩnõõnnõ, hitimatta ngaatĩ haꞌnyaka muhẽẽnĩt ꞌcĩ abũnnaa hĩ Krĩstõ.

Eevvetho 1:6

Baa tarbal nẽẽ gẽrrẽẽt hĩ ngagĩĩt, ngaatĩ aaꞌnyeet Ngeerĩnĩ ꞌcĩ ammĩnan nẽẽ gẽrrẽẽt, nẽẽthĩ hoti ho, occa hadĩhĩth naag Nyekuc.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.