ꞌRooma 1:29 - ꞌBuuk cĩ Thõõth cĩ Nyekuci

²⁹ Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 1:29 ပူးပေါင်းရင်းမြစ်များ

Maatteeo 5:32

Nẽẽthĩ, hanneekuung naa nẽẽ, occa õõg ẽẽtĩ ngaa, hatĩ aggamoothĩk hĩ eet umwa diooni. Nẽ ẽẽtĩ ꞌcĩ õõg ngaa cĩnnĩ, aaꞌnyĩk ĩnõõnnõ hẽꞌthẽcanõõ ngaatĩ ooginni hĩ eet umwa nẽ ẽẽtĩ ꞌcĩ attik ngaa ꞌcĩ itiggia eet umwaanĩ, adĩman nẽẽ ꞌthẽccan ꞌcĩ attihi ngaa cĩrrĩĩng.”

ꞌRooma 3:10

Hĩcĩ eheeddi ꞌBuuhaa cĩ Nyekuci aĩ, “Aitiõõ ẽẽtĩ ꞌcĩ abũnnaa tõõ, hiꞌthihi tananga hõdẽẽthõng haaga;

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

1 Timotteeo 3:11

Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.