ꞌRooma 1:28 - ꞌBuuk cĩ Thõõth cĩ Nyekuci

²⁸ Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

ꞌRooma 1:28 ပူးပေါင်းရင်းမြစ်များ

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

Dtiicanĩ cĩg ꞌThooyyiahu 17:23

Ma hõvvõõĩ naa ꞌtaaũn cunuung nẽ hudtuuha hẽlẽggĩ ꞌcĩg alayyu niiga, hammũda hinnia nĩngĩtĩ ĩbboorini ꞌgaarrieeniti ꞌcĩ eheedothoothĩk thooꞌthioha ꞌcĩg aĩ, ‘Cĩ Nyekuc ꞌcĩ hõllõngaa agayyi.’ Alayyu niig nyekuc icci, nẽẽthĩ hinnia, hõllõngaa agayyu ĩnõõnnõ. Nẽ hadiimi ꞌyioko haduhaakuung naa ngagiit thõõth cĩnnĩ.

Dtiicanĩ cĩg ꞌThooyyiahu 17:32

Ma baa athĩhĩ eeta thõõth ꞌcĩ arũgnaanĩ ẽẽtĩ daahĩtha ho, iꞌthiattaaĩ ũgẽẽgĩ atararit nĩĩcĩ noho. Baa aĩ ũgẽẽgĩ nẽẽ, “Hadiim hatĩ hau hathĩkna thõõth icci hĩ nganiit tarĩ kõr umwa.”

ꞌRooma 1:18

Ẽtẽrꞌtha Nyekuci liilii cĩnnĩ hẽẽtahujjieen, ꞌcĩ aꞌnyaheek nẽẽ eet vẽlẽk ꞌcĩg ĩĩn ꞌthẽccanniook, ꞌcĩg ammũt thõõth ꞌcĩ ĩĩn dĩdĩ ꞌthẽccanẽẽtĩĩ cĩggĩĩng,

ꞌRooma 1:21

Tananga baa aga ꞌthẽccanniooha Nyekuc, baa hõllõngaa abuluth nẽẽg ĩnõõnnõ haau hĩ Nyekuci dĩdĩ, hode anneek ĩnõõnnõ ĩlaallẽ, nẽẽthĩ, ikia ẽꞌthẽcanĩ muhẽẽnĩtĩ cĩnĩĩng nẽ abathit ꞌthinneeti cĩggĩĩng.

ꞌRooma 1:24

Nẽẽthĩ hoti ho, ikia alahaneek Nyekuci ĩhõõggõ hĩdĩmanit thooꞌthiok ꞌcĩg ĩĩn ꞌriiring ꞌcĩg aaꞌnyĩkĩ nẽẽg eleeti cĩggĩĩng ngaaoni.

ꞌRooma 1:26

Hĩnĩngĩtĩ thooꞌthiok iccig, ikia alahaneek Nyekuci ĩhõõggõ hũbũratteek thooꞌthiok ꞌcĩg ĩĩn ꞌriiring, tananga ngaaĩ cĩggĩĩng buúk, iita ũtũngteek maaccwa cĩggĩĩng nẽ itikto hĩ ꞌgõõnõgĩ ꞌcĩg ngayyig.

1 Korinthia 15:34

Udtuukta thõõth ꞌcĩ abathĩ nẽ ibillu ꞌthẽccan, hĩnĩngĩtĩ aattĩg eeta ũgẽẽgĩ hõrggẽẽnaa cunuung, ꞌcĩg nga hagaacõ thõõth cĩ Nyekuci. Haduha naa thõõth icci, hátĩ haggamuung ngagiit ngaaoni.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

Eevvetho 5:4

Hode ma hothooꞌthu thooꞌthiok ꞌcĩg ĩĩn ꞌriiring ꞌcĩg occa aꞌnyaha ngaaoni, hode thooꞌthiok ꞌcĩg occa hõllõngaa eelluunga, ꞌcĩg hõllõngaa abũnnaa, nẽẽthĩ, othoothit thooꞌthiok ꞌcĩg occa anneeku Nyekuc ĩlaallẽ.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

2 Timotteeo 3:8

Hĩ baa ẽppẽhan eeta baag haĩ hĩ ꞌJaannẽthĩ hĩ ꞌJambere thõõth cĩ Mũũꞌtha, abũrĩ eeta cieeg thõõth ꞌcĩ ĩĩn dĩdĩ, ĩĩn nẽẽg eet ꞌcĩg ẽꞌngẽjĩ ooti nẽ hõllõngaa ĩĩn lemiiniti cĩnĩĩng dĩdĩ.

Tiito 1:16

Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.

Vilõmẽẽnõ 1:8

Aaꞌnya Krĩstõ nganĩĩt hõkõm ꞌthĩnĩt huduhaaki nganiit ꞌgii ꞌcĩ occa adticani niina.

2 Pẽẽtũrũ 3:5

Aduha hatĩ nẽẽg thõõth icci, hĩnĩngĩtĩ adiim ataarrothi ngaatĩ baa ẽhẽnytaanĩ Nyekuci hẽẽtkujjieen hĩ looc thõõthaa ꞌcĩ aduha nẽẽnĩ. Baa ẽhẽnytaa lõõcĩ maamĩ nẽ irriamatteek maama looc.