ꞌRooma 1:25 - ꞌBuuk cĩ Thõõth cĩ Nyekuci

²⁵ Iita ũtũngteek nẽẽg thõõth cĩ Nyekuci ꞌcĩ ĩĩn dĩdĩ nẽ idticattõõĩ thõõth ꞌcĩ ĩĩn õlõng, ala nẽẽg nẽ idticattoothĩk hẽlẽggĩ ꞌcĩg ẽhẽnyta Nyekuci nẽ ũtũbũrĩt ngaatĩ alaĩ Teheꞌnyioohit ꞌcĩ adĩkꞌthĩ ooo. Aamẽn.

ꞌRooma 1:25 ပူးပေါင်းရင်းမြစ်များ

Maatteeo 10:37

“Ẽẽtĩ ꞌcĩ ammĩnan maaꞌnyĩ hode aattĩnnĩ hĩllõõan ngaatĩ ammĩnanna nganĩĩta, hõllõngaa ĩĩn caannĩ. Nẽ ẽẽtĩ ꞌcĩ ammĩnan ngeerĩnĩ hode bũhaanyĩnĩ hĩllõõan ngaatĩ occa ammĩnanna nganĩĩta, hõllõngaa ĩĩn nẽẽ buúk eet caannĩ,

Maatteeo 6:24

“Aitiõõ ẽẽtĩ ꞌcĩ occa adticanoothĩk makayyiook ꞌramma tõõ! Ma adĩman noho, occa hinnia hatĩ aaburreek makayyioohit umwa nẽ ĩmmĩnan umwa, hode occa hinnia hatĩ adticanoothĩk makayyioohit hõdẽẽthõng nẽ aabureek umwa. Aitiõõ niig hõllõngaa occa adticanoothiku Nyekuc hĩ ꞌrabbẽẽt hõdẽĩ.”

Yõaannẽ 2:8

uduhaak Yeesu dticcianniook ĩĩnnĩk, “Idtiillia maam ũgĩ nẽ aꞌnyaktoothihu jayyio.” Iita ĩdĩmanit nẽẽg hĩcĩ aduhaak Yeesu ho.

ꞌRooma 1:18

Ẽtẽrꞌtha Nyekuci liilii cĩnnĩ hẽẽtahujjieen, ꞌcĩ aꞌnyaheek nẽẽ eet vẽlẽk ꞌcĩg ĩĩn ꞌthẽccanniook, ꞌcĩg ammũt thõõth ꞌcĩ ĩĩn dĩdĩ ꞌthẽccanẽẽtĩĩ cĩggĩĩng,

ꞌRooma 1:23

nẽ ũtũngteek ngaatĩ alaĩ Nyekuc ꞌcĩ abuli ꞌcĩ aalla ooo nẽ alaacõ ꞌthoourẽẽt ꞌcĩg ẽhẽnytaa haauto hĩ eeta, hĩ hĩbaallĩ hĩ idiꞌngwa cĩg moru hĩ idiꞌngwa ꞌcĩg õgõlĩt loota ꞌcĩg hatĩ adaahĩ.

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

2 Korinthia 11:31

Nyekuc Maaꞌnyĩ Makayyioohit cĩnaac Yeesu Krĩstõ, ꞌcĩ aga aĩ hõllõngaa hoolongi naana nẽ aꞌnyĩĩk hĩdĩhĩthĩ nẽẽ ooo!

Eevvetho 3:21

Aꞌnyĩĩk lothippit cĩ lemmioohu hĩ Yeesu Krĩstõ haanytĩk Nyekuc bulẽẽnĩt irkiꞌnyia hĩ irkiꞌnyia! Aamẽn.

1 Tẽꞌthaloonika 1:9

Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

1 Timotteeo 1:11

ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

2 Timotteeo 3:4

Au hatĩ õhõppõõcan ꞌgõõnõgĩ, ajanĩ thooꞌthiok tahatak, attik iꞌnyiaati nẽ accamattoothĩk, hĩnĩngĩtĩ ammĩnan ngaatĩ adĩmanĩ thooꞌthiok ꞌcĩg adiim nẽẽgĩ nẽ ũtũbũrĩt ngaatĩ ammĩnanĩ Nyekuc.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.