ꞌRooma 1:23 - ꞌBuuk cĩ Thõõth cĩ Nyekuci

²³ nẽ ũtũngteek ngaatĩ alaĩ Nyekuc ꞌcĩ abuli ꞌcĩ aalla ooo nẽ alaacõ ꞌthoourẽẽt ꞌcĩg ẽhẽnytaa haauto hĩ eeta, hĩ hĩbaallĩ hĩ idiꞌngwa cĩg moru hĩ idiꞌngwa ꞌcĩg õgõlĩt loota ꞌcĩg hatĩ adaahĩ.

ꞌRooma 1:23 ပူးပေါင်းရင်းမြစ်များ

Dtiicanĩ cĩg ꞌThooyyiahu 10:12

Baa aꞌnyak nyatõõga nicciee hallĩbĩꞌnya cĩg idiꞌngwa ꞌcĩg aꞌnyak ꞌthoo ꞌwec, hĩ hũkaaꞌnya hĩ lommorohooꞌnya hĩ hĩbaallĩ cĩg hẽẽtkujjieen.

Dtiicanĩ cĩg ꞌThooyyiahu 17:29

“Nẽẽthĩ, hĩcĩ ꞌyioko hĩĩgĩn naag lõhõlĩ cĩg Nyekuci ho, occa hõllõngaa hĩthakꞌtheek ĩnõõnnõ ꞌdaab hode maccĩrẽẽn hode bẽẽ. Hõllõngaa aaĩ Nyekuci hĩ ꞌgiimwaa ꞌcĩ ammuk ẽẽtĩ nẽ ẽtẽhẽnya.

ꞌRooma 1:25

Iita ũtũngteek nẽẽg thõõth cĩ Nyekuci ꞌcĩ ĩĩn dĩdĩ nẽ idticattõõĩ thõõth ꞌcĩ ĩĩn õlõng, ala nẽẽg nẽ idticattoothĩk hẽlẽggĩ ꞌcĩg ẽhẽnyta Nyekuci nẽ ũtũbũrĩt ngaatĩ alaĩ Teheꞌnyioohit ꞌcĩ adĩkꞌthĩ ooo. Aamẽn.

1 Korinthia 12:2

Agayyu niig baa nga agaac niig Nyekuc, baa arahannuung ngagiit hẽlẽggĩ ꞌcĩg aarru niig hĩĩtõ nyekuꞌnya nẽ alayyu hẽlẽggĩ ꞌcĩg hõllõngaa õthõõth buúk.

1 Pẽẽtũrũ 4:3

Baa unuuktihu niig ngaatĩ aattiyyu hĩ eeta ꞌcĩg hõllõngaa aga Nyekuc. Baa iiginnu niig ꞌthẽccanniook nẽ unuyyu thooꞌthiok ꞌcĩg abathĩ ꞌcĩg abũraneeku niiga. Baa adaku karramẽẽt ꞌcĩg adĩmannu thooꞌthiok ꞌcĩg ĩĩn ꞌriiring nẽ tarĩ, uhuddieeu ũdũũtĩt tahatak. Nẽ dĩdĩ, alayyu hẽlẽggĩ ꞌcĩg aar eeta hĩĩtõ nyekuꞌnya nẽ iittiõõ hõllõngaa aꞌngaonnu buúk.

Terethiinit 9:20

Nẽ eeta ꞌcĩg baag nga arũgĩ nẽ hõllõngaa ũũnnĩk ꞌthẽccanẽẽt cĩggĩĩng ko buúk, aalla ala loriẽẽt ꞌcĩg abathĩ noho hĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg adĩmanniaa ꞌdaaba, hĩ maccĩrẽẽnĩ, hĩ biyyiẽẽnĩ, hĩ ꞌcĩg adamanniaa hẽẽnĩ. Nẽ cieeg vẽlẽk, ĩĩn hẽlẽggĩ ꞌcĩg aar eeta hĩĩtõ nyekuꞌnya ꞌcĩg hõllõngaa acĩnĩ hode athĩknĩ hode õvvõ.