ꞌRooma 1:16 - ꞌBuuk cĩ Thõõth cĩ Nyekuci

¹⁶ Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌRooma 1:16 ပူးပေါင်းရင်းမြစ်များ

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

ꞌLuuka 9:26

Nẽ má abũrĩ ẽẽtĩ umwaa ngaatĩ ẽlẽmma nganĩĩt hĩ thõõth caannĩ, abũrĩ hatĩ Ngeertĩ Eeto buúk ngaatĩ ẽlẽmmĩ ĩnõõnnõ, hatĩ ikia nẽẽ bulẽẽttaa cĩnnĩ, hĩ ĩĩcĩ Maacõnĩ, hĩ ĩĩcĩ aajĩlẽẽt ꞌcĩg ẽllẽẽmĩthĩ.

Yõaannẽ 7:35

Nĩngĩtĩ ajinõõnĩ makayyiooha cĩg ꞌJudeei ẽmmẽn aĩnnĩ, “Õkõ occa hatĩ nẽẽ ĩĩna hanyamaneet hatĩ ngaatĩ hammũdaanĩ ĩnõõnnõ ho? Õkõ occa hatĩ looccaa cĩ ꞌGirihi, ĩĩ gõõng ĩꞌthanõthõõthĩkĩ eeta cĩggaac eetinii cĩg ꞌGirihi nẽ ũũk illiman eet cĩg ꞌGirihi?

Dtiicanĩ cĩg ꞌThooyyiahu 3:26

Ma baa ũrũgũtha Nyekuci dticciannioohit cĩnnĩ, baa nõõ ĩꞌthõõa nẽẽ ĩnõõnnõ hikia haggatanuung ngagiit hõdẽĩ hõdẽĩ ũtũngteek ꞌthẽccanẽẽta.”

ꞌRooma 10:17

Nẽẽthĩ, aku lemiiniti, hĩnĩngĩtĩ thĩhẽẽnĩt cĩ nyeemuut ꞌcĩ abũnnaa nẽ aduha nyeemuut ciee thõõth cĩ Krĩstõ.

ꞌRooma 15:19

Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.

ꞌRooma 15:29

Haga naa haini, ma hikia hĩ ngagiita, haꞌnyaha hatĩ ꞌgattan cobbi gẽrrẽẽt cĩ Yeesu Krĩstõ.

ꞌRooma 2:9

Uuki hatĩ ꞌthẽccanniooha vẽlẽk ꞌcannaana, tananga eet cĩg ꞌJudeei hode ꞌcĩg hõllõngaa ĩĩn ꞌJudeei.

ꞌRooma 4:11

Baa aaꞌnyĩk Abũrahamĩ ẽlẽ cĩnnĩ hẽttẽẽdĩ, hĩnĩngĩtĩ hẽtẽrẽtha aĩ, baa ẽlẽmĩ Nyekuci ĩnõõnnõ, hĩnĩngĩtĩ lemiinit cĩnnĩ, tananga baa nga hẽttẽẽdĩ ẽlẽ cĩnnẽẽnĩ. Thõõth ꞌcĩ aaꞌnyĩk Abũrahaamõ hĩĩ maaꞌnyĩ eet vẽlẽk ꞌcĩg ẽlẽmĩ Nyekuc ko cieeni, tananga nga hetteeddi eleeti cĩggĩĩng.

1 Korinthia 15:2

Nyeemuutaa ꞌcĩ abũnnaa ho, eelliau niig hatĩ aꞌthuunnu thõõth baa hirrioonĩkuung naa ngagiit jurrung. Nẽẽthĩ, má aitiõõ, ĩĩn thĩ lemiiniti cunuung ko ꞌgiimwa haaga.

1 Korinthia 2:2

Nẽ dĩdĩ, baa nga harũmĩ naag hĩ ngagiita, baa hẽbẽra ngaatĩ hõthõõthĩ thõõth cĩ Yeesu Krĩstõ, baa odooddothoothĩk hurucceea diooni.

1 Korinthia 2:4

Baa hõllõngaa aꞌnyak nyeemuut caannĩ hĩ ꞌlimman caannĩ thooꞌthiok ꞌcĩg ẽggẽẽnyĩth hĩ thooꞌthiok cĩg lũllũũmaniittak, baa hallimaniini naa ꞌtirrian cĩ Loriio,

1 Korinthia 9:12

Má aꞌnyak eeta ũgẽẽgĩ makaaꞌthĩt ꞌcĩ eellu niig ĩhõõggõ, hõllõngaa occa haꞌnyaka naag makaaꞌthĩt niccia hĩllõõan? Baa hõllõngaa hadticaniinna naag makaaꞌthĩt icci. Nẽ hinnia ꞌgõõlaa umwaanĩ, hẽmmẽẽthĩ naag hẽlẽggĩ vẽlẽk, hátĩ hiittiõõ hõllõngaa halaam nyeemuut ꞌcĩ abũnnaa cĩ Krĩstõ.

1 Korinthia 9:18

Dũman caannĩ ho inoo? Ĩnõõnnõ cieeni. Má hallimani naa nyeemuut ꞌcĩ abũnnaa, abũnnaa haaꞌnyihi eet haaga hõllõngaa hũũtẽnĩ thõng, hátĩ hiittiõõ hõllõngaa hadticaniini makaaꞌthĩt caannĩ, hatĩ hallimani eeta.

2 Korinthia 2:12

Ma baa hũũha ꞌtaaũnaa cĩ Tõrõa, hũũk hillimaneeha eet nyeemuut ꞌcĩ abũnnaa cĩ Krĩstõ, hummudoothiha Makayyioohit ubbuuhĩhaa baa ꞌgõõl ẽlẽk.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 9:13

Nẽ hĩnĩngĩtĩ ꞌbaaninit ꞌcĩ aaꞌnyiku niig lemmiook ko, adĩhĩth hatĩ nẽẽg Nyekuc. Hĩnĩngĩtĩ ꞌbaaniniti cunuung ꞌcĩ aaꞌnyĩku niig ĩhõõggõ hĩ lemmiook vẽlẽk ko, ẽtẽrꞌtha thõõth ꞌcĩ athiknu niig nyeemuut ꞌcĩ abũnnaa cĩ Krĩstõ.

ꞌGalaaꞌthia 1:7

ꞌcĩ hõllõngaa ĩĩn dĩdĩ. Nẽẽthĩ, aattĩg eeta ũgẽẽgĩ ꞌcĩg aaꞌnyuung ngagiit pĩĩrnanĩt nẽ adiimmuung ngagiit ũtũbũrĩt nyeemuut ꞌcĩ abũnnaa cĩ Krĩstõ.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Timotteeo 1:11

ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

2 Timotteeo 1:16

Aꞌnyĩĩk Nyekuc hatamaatĩk Onethivoro hĩ halang cĩnnĩ, hĩnĩngĩtĩ ĩnõõnnõ ꞌcĩ baa aaꞌnya hõkõm ꞌthĩnĩt, baa hõllõngaa aꞌngaaõn nẽẽ ngaatĩ aku acĩnna nganĩĩt, baa haaĩ baabuuthatõõ.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

1 Pẽẽtũrũ 4:16

Nẽẽthĩ, aitiõõ hõllõngaa ĩĩn ngaaoni hatĩ accananiinnu niig, hĩnĩngĩtĩ iiginnu Kristiaanĩta. Ĩdĩhĩthĩt Nyekuc, hĩnĩngĩtĩ iiginnu eet cĩgĩnnĩg.