ꞌRooma 1:13 - ꞌBuuk cĩ Thõõth cĩ Nyekuci

¹³ ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

ꞌRooma 1:13 ပူးပေါင်းရင်းမြစ်များ

Yõaannẽ 12:24

Haduhaakuung dĩdĩ, má hõllõngaa adhuhoothĩk hinyomooc cĩ ꞌgẽẽmẽ loota nẽ õtõngõla, aalla hatĩ idiongan odoyyii noho. Nẽ má õtõngõla, aku hatĩ abũtha hĩtĩlĩth haꞌnyaha ꞌgẽẽmẽ ꞌcĩg mẽẽlĩg.

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 4:36

Tananga ꞌyioko, ummuddia janniooha ꞌbaaninit cĩnĩĩng ẽlẽk, ngaatĩ ajanaanĩ ꞌgẽẽn ꞌcĩ aꞌnyaha rũgẽt ꞌcĩ aalla ooo. Nẽẽthĩ, eeta vẽlẽk baag athacĩ hinyomo hĩ ꞌcĩg ajana ꞌgẽẽn, au hatĩ accamanoothĩk nẽẽg vẽlẽk hõdẽĩ.

Dtiicanĩ cĩg ꞌThooyyiahu 1:15

Ma waathinniook nicciag, ĩtĩnga Pẽẽtũrũ hõrggẽẽnaa cĩ nuyyiook cĩg Yeesu vẽlẽk ꞌcĩg baag ĩĩn ꞌmiia hõdẽĩ hĩ hẽẽn ꞌramma,

Dtiicanĩ cĩg ꞌThooyyiahu 14:27

Ma baa õdõlanit Paaulo hĩ Baarnaba Antiok, iita uluttia nẽẽg lothippit cĩ lemmioohu vẽlẽk ngaatĩ hõdẽẽthõng nẽ uduktaak ĩhõõggõ thooꞌthiok vẽlẽk ꞌcĩg baag ẽẽlĩ Nyekuci ĩhõõggõ hĩdĩmanit, hĩ ꞌgõõl ꞌcĩ aaꞌnyĩkĩ eet ꞌcĩg hõllõngaa ĩĩn ꞌJudeei, haꞌnyahit lemiinit.

Dtiicanĩ cĩg ꞌThooyyiahu 15:12

Ma ho, ĩjjaaktõ eeta vẽlẽk hĩthĩhĩt thõõth ꞌcĩ aduha Baarnaba hĩ Paaulo. Baa aduhaak nẽẽg eet ꞌgõõl ꞌcĩ baa aaꞌnyĩkĩ Nyekuci ĩhõõggõ ꞌtirrian ꞌcĩ adticanĩ thooꞌthiok ꞌcĩg ĩnaat eeta ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 19:21

Ma urutaa cĩ thooꞌthiok iccig vẽlẽk, ummuk Paaulo ngaatĩ õkõõyyĩ ꞌJeruꞌthalẽma adukni ꞌgõõlaa ꞌcĩ õkõ looccaa cĩ Maccedoonia hĩ looccaa cĩ Acaia. Nĩngĩtĩ aĩnnĩ Paaulo, “Ma hõdõlana ĩĩca, hõkõ hatĩ heheeroni ĩꞌthõng hõdõlan ꞌRooma buúk.”

Dtiicanĩ cĩg ꞌThooyyiahu 21:19

Ĩꞌtha Paaulo ĩhõõggõ nẽ uduhaak ꞌgõõl ꞌcĩ baa adticaniini Nyekuci ĩnõõnnõ, hẽẽl eet ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 28:14

Ma nĩngaata, hoottia hummuddiaawa nuyyiook ũgĩ cĩg Makayyioohit Yeesu, ꞌcĩg baag hutuvvuyyeet hoottia nõõ hũrũmteea hĩ ĩhõõggõ lomidika hõdẽĩ. Ma nĩngaata, hotooyyia ꞌthõõnĩ ĩꞌthõng hõdõlatta ꞌtaaũn cobbi cĩ ꞌRooma.

ꞌRooma 1:12

Thõõth ꞌcĩ haduha naa ho, haini aꞌnyĩĩk lemiinit cĩnaac hũkũtaneet ngagĩĩta.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

ꞌRooma 7:1

ꞌGotoonoga hĩ ngoonoga, niig eeta ꞌcĩg agayyu nyattal ko, hõllõngaa agayyu niig ngaatĩ adticaniini nyattalĩ hĩ eet cĩg nga arũgĩ diooni?

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

1 Korinthia 10:1

ꞌGotoonoga hĩ ngoonoga, hõllõngaa hadiimmuung naa ngagiit herehuung thõõth baa hĩbaangĩ cĩggaac, baag baangaani horrwaa ꞌcĩ õdõhõhĩĩ kak. Baa ẽtẽrẽth ĩhõõggõ vẽlẽk diith ꞌcĩ uwwattẽẽkĩ ĩhõõggõ nẽ abaaktĩ nẽẽg bũlũc ẽdẽcĩ ꞌgõõl ꞌcĩ õdõhõhĩĩ.

1 Korinthia 12:1

Nẽẽthĩ ꞌyioko, ꞌgotoonoga hĩ ngoonoga, thõõth ꞌcĩ ajinnaangu niig nganĩĩt ꞌbaaninit cĩ Lori ꞌcĩ Ẽllẽẽmĩth ko, hõllõngaa hadiimmuung naa ngagiit herehuung thõõth cieeni.

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Korinthia 14:26

Hõthõõth occa ꞌyioko haĩ ne ꞌgotoonoga hĩ ngoonoga? Má alũteennu niig hõdẽĩ, aꞌnyak eeta hõdẽĩ hõdẽĩ tẽgẽl hode thõõth cĩ ꞌlimmaanõ, hode thõõth cĩ terethiitto, hode ũtũg ꞌcĩ ꞌrĩĩng hode thõõth ꞌcĩ occa õkõbanni. Adiim occa adticanni thooꞌthioha cieeg vẽlẽk, hátĩ haanytĩk lothippit cĩ lemmioohu hittiran.

1 Korinthia 9:2

Tananga hõllõngaa hĩĩnĩ naa ꞌthooyyiahit hĩ eet ũgĩ, hĩĩnĩ ꞌthooyyiahit hĩ ngagiit dĩdĩ! Hĩnĩngĩtĩ iiginnu eet dẽẽdẽ ꞌcĩg aggamoothĩka nganĩĩt dtiici ꞌcĩ hĩĩnnĩ ꞌthooyyiahit cĩ Makayyiookto ho.

2 Korinthia 1:8

Niig ꞌgotoonoga hĩ ngoonoga, hadiimmuung naag ngagiit agaac pĩĩrnanĩt baa happĩĩrnanna naag looccaa cĩ Aaꞌthia. Baa haꞌnyaka naag pĩĩrnanĩt ꞌcĩ maka gẽrrẽẽt ꞌcĩ ĩllõõan ꞌtirrian cĩnaang nẽ hiita hummukta hiita, hadaakta hatĩnĩ.

2 Korinthia 2:14

Ĩlaallẽ hĩ Nyekuc ngaatĩ aaꞌnyĩkĩ Krĩstõ hutuanõõĩ nyeitee. Eelleet ngagĩĩt Nyekuci buúk, ngaatĩ hõõ hĩꞌthaanĩka nyeemuut cĩ Krĩstõ ꞌcĩ ẽmmẽdĩ loonyini vẽlẽk nẽ õꞌngõlĩ nyeemuut ciee haau hĩgõõng mõhõõkacĩ.

ꞌGalaaꞌthia 3:15

ꞌGotoonoga hĩ ngoonoga, ĩꞌnya da huduhaahuung thõõth ꞌcĩ agayyu niig vẽlẽk. Ma adak eeta lõhõt, aitõõ thõõth ꞌcĩ occa ẽgẽẽranni urutaa cĩnnĩ tõõ. Aaĩ thõõth ꞌcĩ hothoothi naa ho buúk noho.

ꞌGalaaꞌthia 6:18

ꞌGotoonoga hĩ ngoonoga ꞌcĩg iiginnu lemmiook cĩgannĩg ko, aꞌnyĩĩk bũnnai cĩ Makayyioohit Yeesu Krĩstõ haau loriẽẽtĩĩ cugguung vẽlẽk. Aamẽn.

Pilippi 1:22

Nẽẽthĩ, má haalla harugi naa ẽllaa, occa hatĩ hadticani dtiicanĩ ꞌcĩg abũnnaa. Nẽẽthĩ, hõllõngaa haga iina ꞌcĩ occa hẽbẽra.

Pilippi 4:17

Hothoothi naa hoti hõllõngaa, hĩnĩngĩtĩ hadiimi ꞌbaaninit umwa hĩ ngagiita, nẽẽthĩ, hadiimmuung naa ngagiit ummuddia dũman cĩ tarbalꞌthẽẽt cunuung.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

1 Tẽꞌthaloonika 2:18

Baa hadiimma ngaatĩ haau hacinnuung dĩdĩ nẽ baa hattĩmani naa Paaulo dẽẽdẽ tabattĩ hiriiri ngaatĩ hakuuni, alaammeet hinnia ngagĩĩt ꞌThĩttaanĩ ngaatĩ hauunna.

1 Tẽꞌthaloonika 4:13

ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

2 Tẽꞌthaloonika 2:7

Hĩnĩngĩtĩ adticaniini hatĩ nẽẽ ꞌtirrian cĩnnĩ ꞌcĩ ammiꞌthi cĩ ꞌthẽccaanõ. Nẽẽthĩ, ẽẽtĩ ꞌcĩ ꞌyioko alaam ꞌtirrian cĩ eet ꞌcĩ aĩ hĩĩnĩ Nyekuc ko, aalla hatĩ alaam ĩꞌthõng hẽꞌnyẽẽhĩ ꞌgõõla.

2 Timotteeo 4:17

Nẽẽthĩ, baa Makayyioohit dioo ꞌcĩ abĩlĩ dhoortaa caannĩ nẽ aaꞌnya ꞌtirrian, hátĩ hillimaneek eet nyeemuut cĩ Nyekuci nẽ ĩthĩhĩt eeta ꞌcĩg hõllõngaa ĩĩn ꞌJudeei vẽlẽk, hĩnĩngĩtĩ nganĩĩta nẽ heellia ũtũũgaa cĩ ꞌmaaõ.