ꞌRooma 1:12 - ꞌBuuk cĩ Thõõth cĩ Nyekuci

¹² Thõõth ꞌcĩ haduha naa ho, haini aꞌnyĩĩk lemiinit cĩnaac hũkũtaneet ngagĩĩta.

ꞌRooma 1:12 ပူးပေါင်းရင်းမြစ်များ

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

ꞌRooma 1:11

Habũraneehi naa ngaatĩ hakuu hacinnuung ngagiit, hátĩ hiita hotholit ꞌgattan hõdẽẽthõng baa aaꞌnya nganĩĩt Lorii cĩ Nyekuci, hátĩ ummuddia niig ꞌtirrian lemiittaa cunuung.

ꞌRooma 1:13

ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

ꞌRooma 15:24

hammuhi occa hadĩmani noho, hatĩ hũũha looccaa cĩ Thĩppania. Haꞌnyahi muhẽẽnĩt ꞌcĩ hẽhẽẽrõnaakuung ngagiit õõaa ꞌcĩ nga hikiaaĩ nĩĩca, hátĩ iita eelliaangu nganĩĩt hẽẽrõnaa caannĩ nĩĩca, urutaa ꞌcĩ hiita haautti hĩ ngagiit hĩdĩhĩdĩĩc.

ꞌRooma 15:32

hátĩ horoong ma adiim Nyekuci hikia hĩ ngagiit taliitta nẽ hiita haccamattoothĩk hĩ ngagiit hõdẽĩ.

2 Korinthia 7:13

Nẽ ikia ũkũtaneet ngagĩĩt thõõth cunuung gẽrrẽẽt. Nẽ Tiito ꞌcĩ baa aku aalla ĩttoorĩkeet ngagĩĩt taliinit gẽrrẽẽt, hĩnĩngĩtĩ hĩcĩtta naag ĩnõõnnõ ngaatĩ accamanõõthĩkĩ gẽrrẽẽt, hĩnĩngĩtĩ baa iita aanytĩhu niig vẽlẽk muhẽẽnĩt cĩnnĩ hiyyioman.

Eevvetho 4:5

Haꞌnyak naag Makayyioohit hõdẽẽthõng diooni hĩ lemiinit hõdẽẽthõng hĩ baattithimo hõdẽẽthõng.

2 Timotteeo 1:4

Hammuhoothi kõr baa adhukiaanĩ nganiit tilaalõ nẽ hadiimi gẽrrẽẽt ngaatĩ hakuu hacinni tarĩ. Haccamanoothihi hatĩ gẽrrẽẽt kõr ꞌcĩ hõmmõtõõnĩ.

Tiito 1:4

Ẽlẽ Tiito, hẽhẽẽdakii naa nganiit waraga icci, aau nii hĩ loholeec caannẽẽnĩ, hĩnĩngĩtĩ helemit naag hĩ nganiit thõõth cĩ Nyekuci hõdẽĩ. Aꞌnyĩĩk Nyekuc Baangeet cĩnaac hĩ Makayyioohit Ellioohit cĩnaac Yeesu Krĩstõ, haanyti bũnnai nẽ aau lõꞌngõõc.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

2 Yõaannẽ 1:4

Baa haccamanoothihi naa gẽrrẽẽt ngaatĩ hathĩknĩ aĩ, anũ lohollia cugguung ũgẽẽgĩ thõõth ꞌcĩ ĩĩn dĩdĩ, hĩ baa aduhaakeet Baangẽẽtĩ cĩnaac hĩdĩmanit.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.