ꞌRooma 1:1 - ꞌBuuk cĩ Thõõth cĩ Nyekuci

¹ Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 1:1 ပူးပေါင်းရင်းမြစ်များ

Maarko 1:14

Ma baa urutaa ꞌcĩ aarĩhõõthĩhĩ Yõaannẽ baabuuth ẽlẽk, ikia ũũk Yeesu ꞌGalileea nẽ ũũk illiman nyeemuut ꞌcĩ abũnnaa cĩ Nyekuci.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 15:15

Iittiõõ naa hõllõngaa hauyyuung ngagiit hanneekuung dticcianniook, hĩnĩngĩtĩ aitiõõ dticciannioohiti hõllõngaa aga dtiic cĩ makayyioohit cĩnnĩ. Nẽẽthĩ ꞌyioko, hutuvvuung naa ngagiit hiinnihuung ꞌgoonoga, hĩnĩngĩtĩ heteretheehuung naa ngagiit hẽlẽggĩ vẽlẽk baag aduhaaka nganĩĩt Baaba.

Yõaannẽ 15:20

Ummuhuttooth thõõth baa haduhaakuung naa hanneekuung, ‘Aitiõõ dticciannioohiti ꞌcĩ maka hĩllõõan makayyioohit cĩnnĩ tõõ.’ Má baa adĩmannaa nganĩĩt eeta ꞌbuth, adĩmannuung hatĩ ngagiit buúk ꞌbuth. Má baa athĩhĩ nẽẽg ꞌlimman caannĩ, athĩhĩ hatĩ cunuung buúk.

Dtiicanĩ cĩg ꞌThooyyiahu 13:9

Nĩngĩtĩ aggamĩ Lorii ꞌcĩ Ẽllẽẽmĩth ꞌThaaulo ꞌcĩ haĩ ꞌthaar ũgĩ Paaulo hakatĩ Elimath hẽbẽrĩ nẽ ĩĩ,

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 21:40

Ma baa ẽlẽmaahĩ ꞌgaalacĩ cobbi ĩnõõnnõ hõthõõth, ikia ĩbĩl Paaulo hattũũgaa nẽ ĩꞌtha eeta. Ma baa ijjiaaki eeta ho, othoothĩk ĩhõõggõ Aramaayyi,

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 22:7

Ma ho, hĩcĩna haaga hẽttẽẽda looc nẽ hĩthĩha molook ꞌcĩ anneeka, ‘ꞌThaaulo! ꞌThaaulo! Arukaa nii nganĩĩt inni?’

Dtiicanĩ cĩg ꞌThooyyiahu 26:1

Baa anneek Agirippa Paaulo, “Hẽlẽmaaki naa nganiit tẽõõĩ ẽlẽ cunni ẽmmẽn.” Ma nĩngaata, õdõng Paaulo aꞌthiit cĩnnĩ nẽ ẽtẽõõĩ ẽlẽ cĩnnĩ ĩĩ,

Dtiicanĩ cĩg ꞌThooyyiahu 26:14

Hetteeddia naag vẽlẽk looc nẽ hĩthĩha naa molook umwa ꞌcĩ anneeka nganĩĩt Aramaayyi, ‘ꞌThaaulo! ꞌThaaulo! Arukaa nii nganĩĩt inni? Ĩĩn ꞌgiithẽnĩt ngaatĩ occa haruhõõnĩ hĩ nganĩĩta!’

Dtiicanĩ cĩg ꞌThooyyiahu 27:23

Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal,

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 1:16

Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 1:9

Ĩĩn Nyekuci ꞌcĩ hadticanoothihi naa ꞌthĩnĩtaa caannĩ vẽlẽk, hirrioonĩk eet nyeemuut ꞌcĩ abũnnaa cĩ Ngeerĩnĩ ho, hebereec caannĩ ꞌcĩ aga ꞌgõõl ꞌcĩ hammuhaannuung naa ngagiit hõdõõkõthĩ

ꞌRooma 11:13

Hothoothikuung naa ngagiit eet ꞌcĩg hõllõngaa iiginnu ꞌJudeei. Hõlõ, hĩcĩ hĩĩnĩ naa ꞌthooyyiahit cĩ eet ꞌcĩg hõllõngaa ĩĩn ꞌJudeei ho, haccamanoothihi hatĩ hĩnĩngĩtĩ dtiic caannĩ ho,

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

ꞌRooma 15:29

Haga naa haini, ma hikia hĩ ngagiita, haꞌnyaha hatĩ ꞌgattan cobbi gẽrrẽẽt cĩ Yeesu Krĩstõ.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

1 Korinthia 1:1

Nganĩĩt Paaulo baa ẽbẽraanna Nyekuci hĩĩ ꞌthooyyiahit cĩ Yeesu Krĩstõ tabiittaa cĩnnĩ, hõdẽĩ hĩ ꞌgotooneet Thõõthẽnẽ.

1 Korinthia 9:1

Nga nooyyia hooggia naana? Hõllõngaa nooyyia hĩĩnĩ naa ꞌthooyyiahit? Nga nooyyia baa hĩcĩn naa Yeesu Makayyioohit cĩnaac? Hõllõngaa nooyyia iiginnu niig eet ꞌcĩg aꞌnyaha dtiici caannĩ cĩ Makayyiookto ho?

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

2 Korinthia 11:5

Nẽẽthĩ, hammuhi occa haduhoonna naag buúk, hĩ eet ꞌcĩg avvĩ eleeti cĩggĩĩng aĩ hĩĩgĩnna ꞌthooyyiak ꞌcĩg tiirik ko thõng.

2 Korinthia 11:7

Hẽꞌthẽcana occa baa naa ngaatĩ haaꞌnyĩkĩĩ ẽlẽ caannĩ hĩĩ hĩdĩc nẽ hõdõngaauung ngagiit, ngaatĩ hallimaneekuung nyeemuut ꞌcĩ abũnnaa cĩ Nyekuci haaga?

2 Korinthia 12:11

Baa haarĩha naa ẽlẽ caannĩ haau hĩ ꞌgiiꞌthiahiti nẽ baa ngagiit ꞌcĩg attĩnganeekaangu nganĩĩt hĩdĩman noho ho, hĩnĩngĩtĩ occa baa ngagiit ꞌcĩg ẽẽllaangu nganĩĩta. Tananga haau naa hĩ ꞌgiimwa haaga, habũnna hinnia naa buúk huduktooa hĩ ꞌthooyyiak ꞌcĩg tiirik ko thõng.

2 Korinthia 2:12

Ma baa hũũha ꞌtaaũnaa cĩ Tõrõa, hũũk hillimaneeha eet nyeemuut ꞌcĩ abũnnaa cĩ Krĩstõ, hummudoothiha Makayyioohit ubbuuhĩhaa baa ꞌgõõl ẽlẽk.

2 Korinthia 4:5

Hõllõngaa hirrioonna naag thõõth cĩ eleeti cĩggaang, aĩ nyeemuut cĩnaang nẽẽ, ĩĩn Yeesu Krĩstõ Makayyioohit. Ĩꞌthõõanneet nẽẽ ngagĩĩt hiita hĩĩtta appahacaaꞌnya cugguung, hĩnĩngĩtĩ ĩnõõnnõ.

ꞌGalaaꞌthia 1:1

Nganĩĩt Paaulo ꞌthooyyiahit ꞌcĩ ĩꞌthõõannaa Yeesu Krĩstõ hĩ Nyekuc Baangeet, baa arũgtha Yeesu daahĩtha. Baa hõllõngaa ĩꞌthõõannaa nganĩĩt eeta hode ẽẽtĩ umwaa haaga.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 2:11

nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit bulẽẽttaa cĩ Nyekuc Bangeet.

Kolooꞌthe 1:1

Waraga ꞌcĩ hẽhẽẽda naa Paaulo, ẽẽtĩ baa ẽbẽraanna Nyekuci tabiittaa cĩnnĩ hĩĩ ꞌthooyyiahit cĩ Yeesu Krĩstõ cieeni. Hẽhẽẽdanna hõdẽĩ hĩ ꞌgotooneet Timotteeo.

Kolooꞌthe 1:25

Baa adiimma nganĩĩt Nyekuci hĩĩ dticciannioohit cĩ lothippit cĩ lemmioohu nẽ idiim ĩꞌthõõwa nganĩĩt, hátĩ hillimaneehuung ngagiit nyeemuut cĩnnĩ vẽlẽk.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

1 Tẽꞌthaloonika 2:8

Baa hammĩnannuung naag ngagiit gẽrrẽẽt nẽ haccamattoothĩha ngaatĩ haattiyyia jurrung, hõllõngaa hĩnĩngĩtĩ hõthõl nyeemuut ꞌcĩ abũnnaa cĩ Nyekuci hĩ ngagiit diooni, haccamanoothĩka hĩnĩngĩtĩ hõthõl rũgẽt cĩnaang buúk.

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Timotteeo 1:1

Nganĩĩt Paaulo ꞌthooyyiahit cĩ Yeesu Krĩstõ, ꞌcĩ hẽhẽẽda waraga icci ho. Baa ẽbẽraanna nganĩĩt Nyekuci Ellioohiti hĩ Yeesu Krĩstõ ꞌcĩ aaꞌnyeet ngagĩĩt muhẽẽnĩt ꞌcĩ abũnnaa.

1 Timotteeo 2:7

Nẽ baa ẽbẽraanna Nyekuci nganĩĩt hĩĩ eet ꞌcĩ hirriooni nyeemuut ꞌcĩ abũnnaa nẽ hĩĩna ꞌthooyyiahit ꞌcĩ hallimaneehi eet ꞌcĩg hõllõngaa ĩĩn ꞌJudeei, nyeemuut cĩ lemiitto hĩ cĩ thõõth ꞌcĩ ĩĩn dĩdĩ. Hõllõngaa hittoorihi naa thõõth umwa, haduha thõõth ꞌcĩ ĩĩn dĩdĩ.

2 Timotteeo 1:11

Nẽ baa ẽbẽraanna nganĩĩt Nyekuci hĩĩ ꞌthooyyiahit cĩnnĩ ꞌcĩ hakuu hallimaneehi eet thõõth cĩnnĩ ꞌcĩ ĩĩn ngeju.

Tiito 1:1

Waraga ꞌcĩ hẽhẽẽdakii naa Paaulo nganiit cieeni. Nganĩĩt appahaca cĩ Nyekuci nẽ hĩĩnĩ ꞌthooyyiahit cĩ Yeesu Krĩstõ. Baa hĩꞌthooyyia naa hikia hẽẽl eet baag ẽbẽra Nyekuci lemiitta hĩ ꞌgẽẽnyĩthaa cĩ thõõth ꞌcĩ ĩĩn dĩdĩ, hátĩ hiita haauto nẽẽg hĩ Nyekuci,

Ebereei 5:4

Aitiõõ ẽẽtĩ ꞌcĩ occa ẽbẽraak ẽlẽ cĩnnĩ makaaꞌthĩt hĩĩ paadĩr cobbi ẽmmẽn tõõ, Nyekuc dioo ꞌcĩ ẽbẽra ĩnõõnnõ hĩ baa ẽbẽra Arõõnẽ.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 22:6

Nĩngĩtĩ anneeka aajĩlõ nẽẽ, “Ẽbẽan thooꞌthioha ꞌcĩg haduhaakii naa ho nẽ ĩĩn dĩdĩ nẽ aitiõõ ẽẽtĩ ꞌcĩ abũrĩ tõõ, Makayyioohit Nyekuc cĩ loriẽẽt cĩg põrõvẽtaaꞌnyanu diooni ꞌcĩ ĩꞌthõ aajĩlẽẽt cĩgĩnnĩg huduktaak dticcianniook cĩgĩnnĩg thooꞌthiok ꞌcĩg hatĩ au irkiꞌnyiaannĩ hĩdĩĩkoothong.”

Terethiinit 22:9

Anneeka hinnia nẽẽ, “Ma halayyaa nganĩĩta, laa Nyekuc, hĩĩnĩ naa dticciannioohit cĩ Nyekuci haaga hĩ nii buúk nẽ hĩĩnĩ dticciannioohit hĩ ꞌgotoonogu põrõvẽtaaꞌnya cĩgĩnnẽẽgĩ, hĩ eet vẽlẽk ꞌcĩg athĩhĩ nẽ elemit thõõth ꞌcĩ eheeddi ꞌbuuhaa cĩ ho.”