Pilippi 4:7 - ꞌBuuk cĩ Thõõth cĩ Nyekuci

⁷ Nẽ amũdaannu hatĩ ganõn cĩ Nyekuci, ꞌcĩ ĩllõõan ꞌgii vẽlẽk ꞌcĩ occa aga eeta. Aꞌthũũnnĩ hatĩ ganõnĩ cĩnnĩ muhẽẽnĩt cĩ ꞌthinneeti cugguung, hĩcĩ aattiyyu niig hõdẽĩ hĩ Yeesu Krĩstõ ho.

Pilippi 4:7 ပူးပေါင်းရင်းမြစ်များ

ꞌLuuka 1:79

hikia hũttũhũla eet ꞌcĩg aattĩg muguratõõ, hĩ ꞌcĩg aattĩg ꞌriiyyia cĩ daahĩthõõ nẽ eteretheheet ngagĩĩt ꞌgõõl ꞌcĩ haattiyyi lõꞌngõõc.”

ꞌLuuka 2:14

“Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 8:6

Aꞌnyaha muhẽẽnĩtĩ cĩ eet ꞌcĩ ĩĩn ꞌthẽccannioohit daahĩth, nẽẽthĩ, muhẽẽnĩtĩ cĩ eet ꞌcĩ aggam Lorii, ĩĩn rũgẽt hĩ ganõn.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Eevvetho 3:19

Hadiimmuung naa ngagiit agaac thõõth vẽlẽk cĩ mĩnnan cĩ Krĩstõ, tananga ĩllõõan ꞌgẽẽnyĩth ꞌcĩ occa appiimanni, nẽẽthĩ hatĩ aau Nyekuci rũgẽtaa cunuung.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 1:2

Halayyi naa haini, aꞌnyĩĩk Nyekuc Baangeet hĩ Makayyioohit Yeesu Krĩstõ, hĩĩtõ tarbalĩg hĩ ngagiit nẽ aggatattuung ngagiit ganõõna!

Pilippi 4:19

Hala naa Nyekuc, hátĩ haaꞌnyuung ꞌgii vẽlẽk ꞌcĩ adiimmu ꞌgattaanaa ꞌcĩ ĩllõõan vẽlẽk ĩĩcĩ aku hĩ Yeesu Krĩstõ.

Pilippi 4:21

Ĩꞌthaayyihaangu eet vẽlẽk cĩg Krĩstõ. Ĩꞌthaayyuung nuyyiooha cĩg Makayyiooktak ꞌcĩg harũmẽẽnna ngaati buúk ngagiita.

Pilippi 4:9

Agayyu niig ꞌlimman baa haaꞌnyuung naana nẽ agayyu thooꞌthiok baag athĩknaangu niig nganĩĩt hothoothi nẽ ĩcĩttaangu nganĩĩt ngaatĩ hadĩmanĩĩ. Ũnnẽẽc terethiinit baalannĩ. Nẽ hatĩ aau Nyekuci cĩ ganõõnõ hĩ ngagiita.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”