Pilippi 4:6 - ꞌBuuk cĩ Thõõth cĩ Nyekuci

⁶ Ma hapuppuddu, hĩnĩngĩtĩ ꞌgiimwa, alaac Nyekuc thooꞌthiok vẽlẽk. Alaac ĩnõõnnõ ꞌthinneetinii ꞌcĩg anneeku ĩlaallẽ.

Pilippi 4:6 ပူးပေါင်းရင်းမြစ်များ

Maatteeo 10:19

Nẽẽthĩ, ma aggamtuunga, ma hommothiinnu thõõth ꞌcĩ hatĩ ooyyu aduhaannu hode ooyyu hatĩ aduhaannu hutuno. Kõr niccia, adukiaakuung hatĩ thõõth ꞌcĩ ooyyu othooꞌthu,

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maatteeo 6:34

“Ma hapuppuddu, hĩnĩngĩtĩ waathĩn cĩ lohotha. Agawa hatĩ kõrra cĩ lohotha ꞌgõõl cĩnnĩ ẽmmẽn. Hĩnĩngĩtĩ waathĩnĩ ma aaĩ ho, aꞌnyak pĩĩrnanĩt cĩnnĩ ꞌcĩ ẽllẽẽnnõõ.”

Maatteeo 6:8

Ma hattiyyu hĩ nẽẽgĩ, hĩnĩngĩtĩ aga Maaꞌnyu ꞌgii ꞌcĩ adiimmu niig nga alaac ĩnõõnnõ.

ꞌLuuka 10:41

Ẽdẽcĩ hinnia Makayyioohiti ĩnõõnnõ anneek, “Maarta, Maarta, aallahi nii hẽlẽggĩ ꞌcĩg mẽẽlĩg gẽrrẽẽt.

ꞌLuuka 12:22

Nĩngĩtĩ annẽẽkĩ Yeesu nuyyiook cĩgĩnnĩg, “Haduhaakuung naa ngagiita, ma homothiinnu rũgẽt cunuung, hode ꞌgii ꞌcĩ adaku, hode eleeti cugguung, hode ceremwa ꞌcĩg ahimittu.

ꞌLuuka 12:29

Nẽ ma haaꞌnyiku ꞌthinneeti hummuhit ꞌgẽẽn ꞌcĩ adaku.

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

ꞌLuuka 18:7

Ĩcca occa ꞌthẽk hõllõngaa ẽẽl Nyekuci eet cĩgĩnnĩg ꞌcĩg ẽbẽra nẽẽ ẽlẽk, ꞌcĩg ĩĩlaleek ĩnõõnnõ baalin hĩ waathĩn? Ara occa hatĩ iiggiaeek ĩhõõggõ tuu?

1 Korinthia 7:21

Ĩĩnĩ baa nii appahaca baa avvaanni Nyekuci? Ma haaꞌnyihi ꞌthĩnĩt hupuppud, nẽẽthĩ nẽẽꞌthẽk, má aga ngaatĩ ammũdaanĩ ꞌgõõl ꞌcĩ occa õõganĩĩ ẽlẽ cunni, õga.

1 Korinthia 7:32

Hadiimmuung naa ngagiit aaut lõꞌngõõc iittiõõc hõllõngaa apuppuddu. Arrĩĩppan ẽẽtĩ ꞌcĩ nga hũꞌthũwanõõ thõõth cĩ Makayyiookto nẽ arrĩĩppan ꞌgõõl ꞌcĩ occa aaꞌnyĩkĩ nẽẽ Makayyioohit haccamanoothĩk.

2 Korinthia 1:11

Nẽ hĩcĩ eellieetu niig ngagĩĩt laiittaa cunuung ko, mẽẽlĩg hatĩ eeta buúk ꞌcĩg anneek Nyekuc ĩlaallẽ, hĩnĩngĩtĩ ẽdẽcĩ Nyekuci laiinit cunuung hĩnĩngĩtĩ ngagĩĩta.

Eevvetho 5:20

Ĩĩttĩk Nyekuc Baangeet ĩlaallẽ hõdõõkõthĩ, hĩnĩngĩtĩ thooꞌthiok vẽlẽk, ꞌthaarĩĩ cĩg Makayyioohit cĩnaac Yeesu Krĩstõ.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

Kolooꞌthe 4:2

Ĩrrĩcatta laiinit, aaut dĩkĩĩm nẽ ĩĩttĩhu Nyekuc ĩlaallẽ.

1 Timotteeo 2:1

Nẽẽthĩ ĩĩcĩ oou, hanneekii nõõ naa laõõĩ eet vẽlẽk. Aꞌnyĩĩk Nyekuc hẽẽl nẽ aggatan ĩhõõggõ vẽlẽk nẽ duhaak Nyekuc ꞌgõõl ꞌcĩ annẽẽkĩ ĩnõõnnõ ĩlaallẽ, hĩnĩngĩtĩ ĩhõõggõ vẽlẽk.

1 Timotteeo 5:5

Nẽ ngaatĩbõyyĩ ꞌcĩ appĩĩrna dĩdĩ, cĩ aitiõõ ittioonnioha cĩgĩnnĩg tõõ, aarĩk nẽẽ lemiinit hĩ muhẽẽnĩt cĩnnĩ vẽlẽk hĩ Nyekuc nẽ ala ĩnõõnnõ hõdõõkõthĩ waathĩn hĩ baalin vẽlẽk, hátĩ hẽẽl Nyekuci ĩnõõnnõ.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

1 Pẽẽtũrũ 5:7

Aanytĩk puppudi cunuung vẽlẽk Nyekuc, hĩnĩngĩtĩ ĩnõõnnõ ꞌcĩ aꞌthuunnuung ngagiita.