Pilippi 4:5 - ꞌBuuk cĩ Thõõth cĩ Nyekuci

⁵ Ĩĩtõ tarbalĩg hĩ eet vẽlẽk hõdõõkõthĩ, hĩnĩngĩtĩ aku hatĩ Makayyioohiti hĩdĩĩkoothong.

Pilippi 4:5 ပူးပေါင်းရင်းမြစ်များ

Maatteeo 6:25

“Nẽẽthĩ, haduhaakuunga, ma hapuppuddu, hĩnĩngĩtĩ rũgẽt cunuung, hode hĩnĩngĩtĩ ꞌgii ꞌcĩ hatĩ adaku hĩ ꞌcĩ ahuddu, hĩ ceremwa ꞌcĩg ahimittu. Hõllõngaa nooyyia aaddi rũgẽtĩ hĩllõõan ꞌgẽẽn nẽ ĩllõõan ẽlẽ ceremwa?

Maatteeo 6:34

“Ma hapuppuddu, hĩnĩngĩtĩ waathĩn cĩ lohotha. Agawa hatĩ kõrra cĩ lohotha ꞌgõõl cĩnnĩ ẽmmẽn. Hĩnĩngĩtĩ waathĩnĩ ma aaĩ ho, aꞌnyak pĩĩrnanĩt cĩnnĩ ꞌcĩ ẽllẽẽnnõõ.”

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

1 Korinthia 16:22

Má hõllõngaa ammĩnan eet umwaa Makayyioohit, ĩccĩĩnĩ nẽẽ ẽlẽk. Anneek baaĩ nuun Makayyioohit ijjia!

1 Korinthia 6:7

Nẽ ma õkõõĩ lemmioohiti umwaa ꞌgõõnĩ lokihooa, udhuktaau niig ẽlẽk. Occa mẽẽn ngaatĩ iggoolluung eeta nẽ ẽbẽlattuunga.

1 Korinthia 8:13

Nẽẽthĩ hoti ho, má aaꞌnyĩk idingi ꞌcĩ hadahi naa ꞌgõtõna hĩ ngõõna hẽꞌthẽcattõõ, occa hatĩ hõllõngaa hadahi naa iding tĩho tarĩ, hátĩ hiittiõõ nẽẽg hõllõngaa ẽꞌthẽcanĩ.

1 Korinthia 9:25

Allimanni irettiooha gẽrrẽẽt, hátĩ hĩllõõanit nẽ hinnia allimanni nẽẽg nẽ umuddia ꞌbaaninit ꞌcĩ hõllõngaa aalla ũdũt, nẽẽthĩ, hallimanni naag, hátĩ hummuddia ꞌbaaninit ꞌcĩ aalla ũdũt.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Tẽꞌthaloonika 2:2

ma haaꞌnyiku eet ꞌcĩg aĩ, “hĩĩgĩnna põrõvẽtaaꞌnya” higgoolluung hĩĩttĩhuung, ikia Makayyioohiti ẽlẽk. Horoong iggoolluung hatĩ nẽẽg anneekuung ĩĩn thõõth ciee, ꞌcĩ hathĩknaanna cũrũmũũm hĩ Lori ꞌcĩ Ẽllẽẽmĩthĩ, hode hĩ eet umwa hode aĩ, haggiilanna waragẽẽtĩĩ baag heheedi naa Paaulo.

Tiito 3:2

duhaak anneek ma hongomĩttu ꞌgoonogu, ĩĩtõ tarbalĩg nẽ ummuktu ĩhõõggõ ĩĩcĩ oou, ma hathĩngõõnyannu hĩ eet vẽlẽk hõdõõkõthĩ.

Ebereei 10:25

Hommottio hõdõõkõthĩ ngaatĩ laiitto nẽ occa hõllõngaa hadiim hĩthahĩth eet gõõng abũrĩ ngaatĩ adĩmanĩ noho, nẽẽthĩ, adiim hakũtan eleeti hõdõõkõthĩ, hátĩ gõõng homottio hĩ ꞌyioko ho, hĩcĩ acinnu niig buúk, õbõhĩ kõrra ꞌcĩ õbõdaanĩ Makayyioohiti ho.

Ebereei 10:37

Hĩnĩngĩtĩ, “Õbõhĩ ikia ẽẽtĩ ꞌcĩ hatĩ aku nẽ hõllõngaa hatĩ aayyiaa ĩꞌthõng.

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

Terethiinit 22:20

Nẽ ẽẽtĩ ꞌcĩ ĩĩn hebereec cĩ thooꞌthiok iccig vẽlẽk aĩ, “Eei, hakuu naa hĩdĩĩkoothong!” Aamẽn! Ijjia Makayyioohit Yeesu!

Terethiinit 22:7

“Ĩcĩnĩt nõõnĩ! Haini naa hakuu hatĩ hĩdĩĩkoothong! Aggatan hatĩ Nyekuci eet ꞌcĩg athĩhĩ nẽ uꞌthuutti thõõth ꞌcĩ aduha ꞌbuuhi ciee ho!”