Pilippi 4:3 - ꞌBuuk cĩ Thõõth cĩ Nyekuci

³ Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Pilippi 4:3 ပူးပေါင်းရင်းမြစ်များ

ꞌLuuka 10:20

Ma thĩ hinnia hatallu, hĩnĩngĩtĩ ĩthĩktuung loriẽẽta ꞌcĩg abathĩ. Atalit hĩnĩngĩtĩ eteheeddi ꞌthaara cugguung hẽẽtahujjieen.”

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 16:12

Ĩꞌthaac ngoonogeet Tirivẽna hĩ Tirivoꞌtha, baag ĩĩn dticcianniook cĩg Makayyiooktak. Ĩꞌthaac Perthith buúk ꞌgõõna cĩ ꞌthĩnĩtõ, ngaa baa adticanni gẽrrẽẽt ꞌthaarĩĩ cĩg Makayyiooktak.

ꞌRooma 16:9

Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.

Pilippi 1:12

Nẽẽthĩ ꞌyioko, ꞌgotoonoga hĩ ngoonoga, hadiimmuung naa ngagiit agaac ngaatĩ ẽẽlĩ pĩĩrnanĩtĩ baa adhukiaaka nganĩĩt ngaati nyeemuut ꞌcĩ abũnnaa hĩꞌthanothoothĩk looc.

Pilippi 1:16

Eeta ꞌcĩg alliman nyeemuut ꞌcĩ abũnnaa ꞌthinneetinii ꞌcĩg ĩĩn dĩdĩ, ammĩnan nẽẽg Krĩstõ nẽ agaacõ ĩĩtõ, haaĩ naa ngaati, hátĩ hẽtẽẽõĩ nyeemuut cĩnnĩ ꞌcĩ abũnnaa.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 1:5

hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 4:2

Niig Euodia hĩ Thĩntice, ĩĩgĩnnu niig eet cĩg Makayyiooktak, halayyuung ibilli thõõth cunuung ꞌcĩ ẽppẽhanoonnu ho.

Kolooꞌthe 1:7

Iita illimattaau niig nyeemuut ꞌcĩ abũnnaa hĩ ꞌgooneet cĩnaang Epavarato. Hadticanoothĩka naag Krĩstõ hĩ ĩnõõnnõ hõdẽĩ, ĩĩn nẽẽ eet ꞌcĩ abũnnaa ꞌcĩ aꞌthũũnnĩ dtiic cĩ Krĩstõ, hĩnĩngĩtĩ ngagĩĩta.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 20:12

Nẽ tarĩ, hudtuuha eet baag adaahito ꞌcĩg hidicig hĩ ꞌcĩg obbitig, abĩlĩ muumaa cĩ dtaaba nicci. Nẽ ubbuukti ꞌbuuhẽta ꞌcĩg mẽẽlẽẽgĩ nẽ ikia ubbuuhi ꞌbuuhi cĩ rũgẽtõõ, nĩngĩtĩ etteedini thõõth cĩ eet baag ĩĩn daakiak, hĩ baa ꞌthẽk adtican nẽẽg ꞌgõõlaa ꞌcĩ eheeddi ꞌbuuhatõõ.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.

Terethiinit 21:27

Aitiõõ hatĩ hõllõngaa ẽlẽmaakĩ Nyekuci ꞌgii ꞌcĩ abathĩ huduhun ꞌtaaũn nicci. Nẽ aitiõõ hatĩ hõllõngaa ẽlẽmaakĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hĩ eet ꞌcĩg ĩĩn oloꞌngiaak huduhunit. Nẽẽthĩ, aduhun hatĩ eeta ꞌcĩg eteheeddi ꞌthaara cĩggĩĩng ꞌBuuhaa cĩ Rũgẽtõ ĩcĩ Mĩꞌnyoono dioo.

Terethiinit 3:5

Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’