Pilippi 4:19 - ꞌBuuk cĩ Thõõth cĩ Nyekuci

¹⁹ Hala naa Nyekuc, hátĩ haaꞌnyuung ꞌgii vẽlẽk ꞌcĩ adiimmu ꞌgattaanaa ꞌcĩ ĩllõõan vẽlẽk ĩĩcĩ aku hĩ Yeesu Krĩstõ.

Pilippi 4:19 ပူးပေါင်းရင်းမြစ်များ

ꞌThianaattõ 48:15

Nĩngĩtĩ aggatanĩ nẽẽ Yothebo annẽẽkĩ, “Aꞌnyĩĩk Nyekuc baa adticanoothĩk Abũrahamĩ hĩ Iꞌthaako, nẽ ĩĩ tũhayyioohit caannĩ rũgẽtaa caannĩ vẽlẽk,

Maatteeo 6:32

Eet ꞌcĩg hõllõngaa aga Nyekuc diooni, ꞌcĩg aꞌnyak muhẽẽnĩt ꞌcĩ aaĩ nohota. Aga Maaꞌnyu cĩ hẽẽtkujjieen ngaatĩ adiimmu niig hẽlẽggĩ iccig vẽlẽk.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Yõaannẽ 20:27

Ma nĩngaata, ĩĩnnĩk nẽẽ Tomaaꞌthio, “Arĩĩk aꞌthiit cunni ngaati nẽ icinu athĩn cĩgannĩg. Arĩĩk aꞌthiit cunni ngatubeettaa caannĩ. Ma nga hĩccaadi tarĩ, lẽmõ!”

ꞌRooma 1:8

Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

ꞌRooma 11:33

Nganĩ ꞌcĩ occa attĩman baliinit hĩ ꞌgẽẽnyĩth cĩ Nyekuci? Nganĩ ꞌcĩ occa aga muhẽẽnĩt cĩnnĩ hode nganĩ ꞌcĩ occa ẽddẽẽba ꞌgii ꞌcĩ adtican nẽẽnĩ?

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

ꞌRooma 8:18

Maka bulẽẽnĩtĩ ꞌcĩ hatĩ eterꞌtheekeet Nyekuci ngagĩĩt ĩllõõan pĩĩrnanĩt ꞌcĩ ꞌyioko haꞌnyak naag ko.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

2 Korinthia 12:21

Hiteelli naa haini ma hõbõda tarĩ, aaꞌnya hatĩ Nyekuci nganĩĩt ngaaoni hõrggẽẽnaa cunuung. Nẽ homoꞌthi hatĩ naa, hĩnĩngĩtĩ mẽẽlĩg eeta ꞌcĩg nga hũtũngteek ꞌthẽccanẽẽt cĩggĩĩng baag ꞌrẽẽttĩg. Nga mẽẽlĩg eeta ꞌcĩg adĩman hẽlẽggĩ ꞌcĩg ĩĩn ꞌriiring, ꞌwaangĩth, hĩ thooꞌthiok ꞌcĩg hõllõngaa aũlan lothippita, hĩ thooꞌthiok ꞌcĩg aaꞌnyeet ngaaoni.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Eevvetho 3:16

Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Pilippi 4:7

Nẽ amũdaannu hatĩ ganõn cĩ Nyekuci, ꞌcĩ ĩllõõan ꞌgii vẽlẽk ꞌcĩ occa aga eeta. Aꞌthũũnnĩ hatĩ ganõnĩ cĩnnĩ muhẽẽnĩt cĩ ꞌthinneeti cugguung, hĩcĩ aattiyyu niig hõdẽĩ hĩ Yeesu Krĩstõ ho.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

Vilõmẽẽnõ 1:4

Ẽlẽ Vilõmẽẽnõ, hanneehi naa Nyekuc hõdõõkõthĩ ĩlaallẽ hatĩ halaiinni nganiita.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.