Pilippi 4:18 - ꞌBuuk cĩ Thõõth cĩ Nyekuci

¹⁸ Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

Pilippi 4:18 ပူးပေါင်းရင်းမြစ်များ

Dtiicanĩ cĩg ꞌThooyyiahu 10:4

Baa acĩn Korneellio ĩnõõnnõ tẽẽlꞌthĩta nẽ ĩĩnnĩk, “Aĩ ne Makayyioohit?” Ẽdẽcĩ aajĩlõ anneek, “Ẽlẽmĩ Nyekuci laiinit cunni hĩ ꞌbaaninit ꞌcĩ aaꞌnyihi nii hullaha ho.

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

2 Korinthia 11:8

Baa aaꞌnya nganĩĩt lothippiꞌnya cĩg lemmioohu ũgẽẽgĩ ꞌbaaninit cĩnĩĩng, hátĩ heeluung naa ngagiita. Harratanaa occa baa naa ĩhõõggõ ꞌbaaninit thõng?

2 Korinthia 9:12

Nẽ dtiici ꞌcĩ adticannu niig ko, hõllõngaa ĩĩn ꞌbaaninit ꞌcĩ haaꞌnyĩk eet cĩg Nyekuci diooni, ĩĩn ꞌbaaniniti ꞌgii ꞌcĩ aaꞌnyĩk eet ꞌcĩg mẽẽlĩg haccamattoothĩk gẽrrẽẽt ngaatĩ atallĩ Nyekuc.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Pilippi 4:12

Haga naa ꞌgõõl ꞌcĩ occa harũgnĩ, tananga hiꞌthihi ꞌgii ꞌcĩ occa hadahi hode abatan ꞌgẽẽna. Nẽ hillimmana ꞌgõõl ꞌcĩ harũgnĩ korrioohĩ vẽlẽk, tananga haꞌnyari hode adaka magĩthĩ, hode haꞌnyahi ꞌgẽẽn ꞌcĩ maka hode ꞌcĩ abadtẽc haaga.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.