Pilippi 4:17 - ꞌBuuk cĩ Thõõth cĩ Nyekuci

¹⁷ Hothoothi naa hoti hõllõngaa, hĩnĩngĩtĩ hadiimi ꞌbaaninit umwa hĩ ngagiita, nẽẽthĩ, hadiimmuung naa ngagiit ummuddia dũman cĩ tarbalꞌthẽẽt cunuung.

Pilippi 4:17 ပူးပေါင်းရင်းမြစ်များ

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 15:8

Ĩĩn thõõth ciee bulẽẽnĩt hĩ Baaba ngaatĩ hatĩ oddongottu jurrung nẽ etereꞌthiaau eleeti cugguung, ngaatĩ iiginnu nuyyiook cĩgannĩg.

ꞌRooma 15:28

Nẽ ma hẽdẽcaaha dtiic icci nẽ hagawa ngaatĩ ummuddiaaĩ nẽẽg eliinit icci dĩdĩ, heheeroni hatĩ hõkõ looccaa cĩ Thĩppania nẽ hikia hothohoteehuung hicinuung ngagiit ꞌgõõla.

2 Korinthia 11:16

Hõbõdẽẽkĩ tarĩ, hõllõngaa hadiimmuung naa ngagiit ummuhit ĩĩtõ hĩĩnĩ naa ꞌgiiꞌthiahit. Nẽẽthĩ, má ammuku nohotaa, ĩꞌnya ꞌthĩĩ da haau hĩ ꞌgiiꞌthiahiti, hátĩ hirrian naa buúk hĩdĩhĩdĩĩc.

2 Korinthia 9:5

Nĩngĩtĩ hakuu hammuhi nẽ huduhaaha ꞌgotoonoga hutuattaa nẽẽg hiita hĩ ngagiit ĩĩcĩ oou, nga hikia naana, hatĩ hũkũmatteek nẽẽg ꞌbaaninit cunuung baa aduhaannu niiga. Nẽẽthĩ hatĩ ĩĩ ciee ꞌbaaninit dĩdĩ ꞌcĩ ẽrẽẽõ ꞌcĩ attihaannu ꞌthinneetini dĩdĩ, ꞌcĩ hõllõngaa attĩnganoothikuung thõng.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 4:11

Hõllõngaa hothoothi naa thõõth icci hĩcĩ hadiimi ꞌgiimwa, hĩnĩngĩtĩ hillimmana naa ngaatĩ haaꞌnyĩkĩĩ ꞌgii ꞌcĩ haꞌnyahi hũũppanaanĩ.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

1 Timotteeo 3:3

Abũnnaa ĩĩn eet ꞌcĩ hõllõngaa ĩĩn duuttiahit hode ahaattiohit, abũnnaa ĩĩn eet ꞌcĩ alalĩ ꞌthĩnĩt. Abũnnaa ĩĩn eet ꞌcĩ arũmĩ hĩ eet vẽlẽk lõꞌngõõc nẽ hõllõngaa ammĩnan ꞌrabbẽẽta.

1 Timotteeo 6:10

Hĩnĩngĩtĩ má haangal ꞌrabbẽẽtĩ, hau hadtican thooꞌthiok vẽlẽk ꞌcĩg abathĩ. Aauto eeta ũgẽẽgĩ ꞌcĩg ꞌthẽk ummuhit ꞌrabbẽẽt diooni nẽ ataarriothĩ thõõth cĩ lemiinit cĩ Nyekuci nẽ aaꞌnyĩk ĩhõõggõ hiita haccanattĩ nẽ ummuddia pĩĩrnanĩt ꞌcĩ ahuci gẽrrẽẽt haaga noho.

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

1 Pẽẽtũrũ 5:2

Ũtũhaac eet ꞌcĩg aaꞌnyuung Nyekuci ngagiita. Idticattoothĩk ĩhõõggõ jurrung, hõllõngaa hĩnĩngĩtĩ attĩnganoothikuung thõng, nẽẽthĩ, hĩnĩngĩtĩ accamanaannu ngaatĩ adticanoothiku Nyekuc, hõllõngaa hĩnĩngĩtĩ hátĩ ummuddia ꞌrabbẽẽta.

2 Pẽẽtũrũ 2:15

Ũtũngteek nẽẽg ꞌgõõl ꞌcĩ abũnnaa nẽ edecit ꞌgõõl ꞌcĩ abathĩ ꞌcĩ anũĩ ꞌlimman cĩ põrõvẽtaac ꞌcĩ haĩ Balaam ngeertĩ eet ꞌcĩ haĩ Beor, baa ammĩnan hẽlẽggĩ ꞌcĩg ammũda nẽẽ ꞌgõõlaa ꞌcĩ abathĩ.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.

ꞌJuud 1:11

Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ, ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra. Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.