Pilippi 4:14 - ꞌBuuk cĩ Thõõth cĩ Nyekuci

¹⁴ Nẽ baa abũnnayyu niig ngaatĩ ẽẽllaangu nganĩĩt baa haaĩ pĩĩrnatta.

Pilippi 4:14 ပူးပေါင်းရင်းမြစ်များ

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

ꞌRooma 15:27

Baa thõõth ꞌcĩ adiim adĩman nẽẽg cieeni. Nẽẽthĩ, ꞌgõõl ꞌcĩ baa õthõlĩ nẽẽg ꞌrabbẽẽt hĩ eet cĩg ꞌJudeei, aaĩ hinnia hĩcĩ adũmaneek nẽẽg ĩhõõggõ ngabolo, hĩnĩngĩtĩ baa otholit eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei, ꞌgattan cĩ Loriio.

ꞌGalaaꞌthia 6:6

Abũnnaa eeta ꞌcĩg allimanoothĩk thõõth cĩ Nyekuci ngaatĩ õthõlĩ hẽlẽggĩ vẽlẽk ꞌcĩg abũnnaa, hĩ eet ꞌcĩg alliman ĩhõõggõ ho.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Ebereei 10:33

Baa gõõng odoommuung eeta ngagiit lothippita waathinnioohĩĩ ũgẽẽgĩ nẽ uuktuung thõng buúk. Nẽ tarĩ, baa eelliou nyaagwaana waathinnioohĩ ũgẽẽgĩ ĩcĩg pĩĩrnattiaak.

Ebereei 10:34

Baa ippiiriau niig hõdẽĩ hĩ eet baag aarĩhoothiku baabuuthatõõ. Ma baa ootti eeta ijjio cugguung vẽlẽk, baa ẽlẽmaaku taliitta. Baa agayyu niig ngaatĩ ereeyyuung ngagiit hẽlẽggĩ cugguung ꞌcĩg abũnnaa ꞌcĩg aalla ũdũt.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.