Pilippi 3:8 - ꞌBuuk cĩ Thõõth cĩ Nyekuci

⁸ Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

Pilippi 3:8 ပူးပေါင်းရင်းမြစ်များ

ꞌLuuka 1:43

Inni occa gõõng aattĩ hẽhẽẽrõnaaha aattĩ Makayyioohiti caannĩ ho?

ꞌLuuka 11:20

Nẽẽthĩ, má hiiggia naa loriẽẽt ꞌcĩg abathĩ ꞌtirriaanaa cĩ Nyekuci, ĩko thĩ ikia habuccieet cĩ Nyekuci hĩ ngagiit ẽlẽk.

Yõaannẽ 14:20

Nẽ kõr niccia, au hatĩ agayyu niig ainnu, haaĩ naa hĩ Baaba nẽ aauttu niig hĩ nganĩĩta nẽ haau naa hĩ ngagiita.

Yõaannẽ 14:7

Má baa agayyiaangu niig nganĩĩta, occa ꞌyioko baa agayyu Baaba buúk. Iꞌthianaanĩ kõr nicci, iita agayyu niig nẽ icittu ĩnõõnnõ.”

Yõaannẽ 16:3

Adĩman hatĩ nẽẽg thooꞌthiok ꞌcĩg aattĩg hoti, hĩnĩngĩtĩ nga hagaacõ nẽẽg Baaba hode nga hagayyia nganĩĩta.

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

Yõaannẽ 17:8

Hĩnĩngĩtĩ baa huduhaaha naa ĩhõõggõ thooꞌthiok baag aduhaakaa nii nganĩĩt nẽ elemita. Baa agaacõ nẽẽg dĩdĩ ngaatĩ hakuuni naa hĩ nganiita nẽ elemit ngaatĩ ĩꞌthõõanna nii nganĩĩta.

Yõaannẽ 20:13

Nĩngĩtĩ ajini aajĩlẽẽta Maria annẽẽkĩ, “Alu inni?” Ẽdẽcĩ nẽẽ anneek, “Halu hĩnĩngĩtĩ ootti eeta ẽlẽ cĩ Makayyioohit caannĩ nẽ hõllõngaa haga õõ aarĩk ĩĩna?”

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

ꞌRooma 8:18

Maka bulẽẽnĩtĩ ꞌcĩ hatĩ eterꞌtheekeet Nyekuci ngagĩĩt ĩllõõan pĩĩrnanĩt ꞌcĩ ꞌyioko haꞌnyak naag ko.

ꞌRooma 8:39

ꞌcĩ aku hẽẽtahujjieen hode ꞌtirrian ꞌcĩ aku loota, ꞌcĩ eꞌngerreet ngagĩĩt mĩnnaanaa cĩ Nyekuci. Hiꞌthihi ꞌgii ꞌcĩ occa eꞌngerreet ngagĩĩt hẽlẽggẽẽnnĩĩ vẽlẽk ĩĩcĩg ẽhẽnytaa mĩnnaanaa cĩ Nyekuci, hĩnĩngĩtĩ Yeesu Krĩstõ Makayyioohit cĩnaac.

1 Korinthia 2:2

Nẽ dĩdĩ, baa nga harũmĩ naag hĩ ngagiita, baa hẽbẽra ngaatĩ hõthõõthĩ thõõth cĩ Yeesu Krĩstõ, baa odooddothoothĩk hurucceea diooni.

1 Korinthia 9:10

Dĩdĩ, aduhaakeet nẽẽ ngagĩĩt thõõth icci, aitiõõ ꞌyioko hõllõngaa aduha? Eei, baa eheeddi thõõth ciee, hĩnĩngĩtĩ ngagĩĩta, nẽẽthĩ ma akannĩ kattioohiti olla nẽ ĩthĩanõõ thĩannioohiti thõng, adĩman nẽẽg vẽlẽk noho muhẽẽttaa ꞌcĩ hatĩ au õthõlĩ haal ꞌcĩg ajanniaa ho thõng.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

ꞌGalaaꞌthia 1:16

ngaatĩ eterꞌtheeka nganĩĩt ngeerĩnĩ, hátĩ huduhaak eet vẽlẽk ꞌcĩg hõllõngaa ĩĩn ꞌJudeei nyeemuut cĩnnĩ ꞌcĩ abũnnaa nẽ nga hijina eet umwaa nyeemuut icci ũdũt.

Eevvetho 4:13

Õkõ hatĩ dtiici ciee ĩĩcĩ oou ĩꞌthõng hũrũmeet lemiiniti nẽ hagaacõ Ngeertĩ Nyekuci. Nẽẽthĩ hatĩ hiita hĩtĩlĩthĩt naag hĩĩtõ makatĩg, lemiittaa hĩ Yeesu Krĩstõ nẽ hiita haauto naag hĩ nẽẽnĩ.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 3:10

Hadiimi haga naa Krĩstõ hĩ ꞌtirrian cĩ Nyekuc baa arũgtha ĩnõõnnõ daahĩtha. Hadiimi haccanannii naa buúk hĩ baa accananni nẽẽnĩ nẽ hadaaha hĩ baa adaahĩ nẽẽnĩ,

Pilippi 3:12

Aitiõõ naa hõllõngaa haini, hũmmũda hẽlẽggĩ iccig vẽlẽk hode haini hẽdẽcaaha dtiic cĩ Nyekuci. Nẽẽthĩ, nga ꞌthẽk harriiꞌnyi ĩꞌthõng haau ꞌgõõlaa ꞌcĩ adiimma Yeesu Krĩstõ kõr baa aũyyaanĩ.

Pilippi 3:7

Nẽẽthĩ ꞌyioko, eteretheeha Krĩstõ nganĩĩt ngaatĩ ĩĩnnĩ thõõth baa gõõng hammuhi naa haini tiir, thõõth umwa haaga.

2 Timotteeo 4:6

Nẽẽthĩ ꞌyioko, aau nganĩĩt rũgẽtĩ caannĩ hĩ mẽrta ꞌcĩ aanytĩhoothĩk Nyekuc ẽlẽk nẽ hoti buúk, õbõhĩ kõrra ꞌcĩ hadaaknĩ naana.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

1 Pẽẽtũrũ 2:7

Nẽ niig eeta ꞌcĩg elemmu ĩnõõnnõ ho, aaddi bẽẽ ciee gẽrrẽẽt. Nẽẽthĩ, hĩ eet ꞌcĩg hõllõngaa ẽlẽmĩ, “Ikia ĩĩ bẽẽ ꞌcĩ tiiri gẽrrẽẽt,”

2 Pẽẽtũrũ 1:2

Halayyi naa, hátĩ hĩĩ Nyekuci tarbal hĩ ngagiit nẽ aaꞌnyuung aaut ganõõna ꞌcĩ abũnnaa gẽrrẽẽt! Aallattia agaac ꞌtirrian cĩ Nyekuci hĩ cĩ Makayyioohit cĩnaac Yeesu Krĩstõ hõdõõkõthĩ.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

2 Pẽẽtũrũ 1:8

Má aalla aliꞌthu niig ꞌgõõlaa cĩ, ẽtẽrꞌtha hatĩ aĩ eeluung ngagiit thõõth ꞌcĩ agayyu Makayyioohit cĩnaac Yeesu Krĩstõ nẽ aaꞌnyĩk rũgẽt cunuung hĩĩ tiir.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.

1 Yõaannẽ 1:3

Haduhaakuung naag ngagiit thõõth ꞌcĩ hĩcĩtta nẽ hĩthĩkta, hátĩ iita hũrũmtĩ hĩ ngagĩĩt hõdẽĩ. Nẽ hũrũmtĩ hõdẽĩ hĩ Baangeet hĩ Ngeerĩnĩ Yeesu Krĩstõ.

1 Yõaannẽ 2:19

Baa ũtũngteek eeta cieeg lothippit cĩnaac, nẽẽthĩ hinnia, baa hõllõngaa ĩĩn nẽẽg eet cĩg lothippit cĩnaac dĩdĩ. Má baa hĩĩtõ nẽẽg eet cĩg lothippit cĩnaac, occa baa aalla nẽẽg lothippitaa cĩnaac. Nẽ hinnianĩ, baa ũtũngteeheet nẽẽg ngagĩĩta, ĩnõõ ꞌcĩ hau hagaĩ naag haĩnnĩ, hõllõngaa ĩĩn nẽẽg eet cĩg lothippit cĩnaac ko.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.